ខគម្ពីរពេញនិយមពី Loos 14

ចែក​រំលែក

Rauqhov Vajtswv lub Tebchaws tsis yog kev noj kev haus, tiamsis yog kev ncajncees, kev thajyeeb, thiab kev zoosiab uas Vaj Ntsujplig tus Dawbhuv pub rau peb. Tus uas ua Khetos tes haujlwm zooli no yog nws ua haum Vajtswv siab thiab ua rau neeg nrog pomzoo.

Yog peb muaj sia nyob, peb nyob rau tus Tswv; yog peb tuag, peb tuag rau tus Tswv. Yogli ntawd, txawm yog peb muaj sia lossis peb tuag, los peb yeej yog tus Tswv li neeg.

Yogli ntawd, peb yuavtsum muab siab rau ua tej uas yuav ua rau sawvdaws nyob sib haumxeeb thiab tej uas ib leeg yuav txhawb tau ib leeg lub zog.

Yogli ntawd, cia peb tso txoj kev uas pheej txiavtxim rau lwmtus tseg. Tiamsis nej yuavtsum tau txiavtxim siab hais tias nej yuav tsis ua ib yam dabtsi uas yuav ua rau lwmtus dawm lossis yuamkev ua txhaum.

Rauqhov Vajtswv Txojlus hais tias, “Tus Tswv hais tias, Kuv yog Vajtswv tus uas muaj sia nyob, txhua tus yuav txhoscaug ntawm Kuv xubntiag, thiab txhua tus lub ncauj yuav lees hais tias Kuv yog Vajtswv.” Yogli ntawd, peb txhua tus nyias yuav tau qhia nyias zaj rau Vajtswv hais tias vim licas peb thiaj ua li ntawd.

Nej yuavtsum txais yuav tus uas nws txoj kev ntseeg tseem tsis tau ruaj-khov pestsawg, tiamsis tsis txhob nrog nws sibcav txog nws tej kev xav tias yog lossis tsis yog.

Koj yog leejtwg, es koj thiaj rautxim rau luag tus tubtxib? Txawm tus tubtxib ntawd yuav sawv thiab ntog los nyob ntawm nws tus tswv. Nws yeej yuav sawv khovkho rauqhov tus Tswv yog tus pab nws.