ខគម្ពីរពេញនិយមពី Malakaus 2

ចែក​រំលែក

Yexus hnov lawv nug li ntawd, Nws txawm teb tias, “Cov neeg tsis muaj mob yeej tsis cheemtsum kws-khomob, tsuas yog cov muaj mob thiaj cheemtsum xwb. Kuv tsis yog los hu cov neeg ncajncees, tiamsis yog los hu cov neeg muaj txim.”

Thaum Yexus pom tias lawv muaj kev ntseeg heev, Nws txawm hais rau tus txivneej uas tuagtes tuagtaw ntawd hais tias, “Metub 'e, koj lub txim twb raug zam lawm.”

Yexus xaus lus hais tias, “Vajtswv tsim hnub Xanpataus los rau neeg; tsis yog tsim neeg los rau hnub Xanpataus.

Tiamsis vim muaj neeg coob-coob, lawv tsis tau kev kwv nws mus cuag Yexus, yogli lawv thiaj tho saum rutsev, txheej tsev lastshav, thiab rhuav ib qho ncaj ntawm Yexus rau saud. Thaum lawv qhib tau lawm, lawv thiaj muab hlua khi daim lev uas pua nws thiab tso dauv mus rau hauv.

Kuv yuav ua li no qhia rau nej paub tias Neeg Leejtub muaj hwjchim nyob hauv ntiajteb zam tau neeg lub txim.” Yexus thiaj hais rau tus txivneej tuagtes tuagtaw hais tias, “Kuv hais rau koj hais tias, koj ciali sawvtsees, nqa koj daim lev thiab mus tsev!”

Lolus uas hais rau tus txivneej tuagtes tuagtaw no hais tias, ‘Koj lub txim twb raug zam lawm,’ lossis lo uas hais tias, ‘Ciali sawvtsees, nqa koj daim lev thiab mus tsev.’ Ob lolus no lo twg yoojyim hais dua?

Thaum sawvdaws tabtom ntsiantsoov nws, nws txawm sawvtsees, nqa hlo nws daim lev thiab tawm nrawm nroos mus lawm. Lawv sawvdaws ciali xav tsis thoob li, lawv qhuas Vajtswv hais tias, “Peb tsis tau pom dua li no ib zaug li!”