ខគម្ពីរពេញនិយមពី Efexaus 2

ចែក​រំលែក

Peb yog cov uas Vajtswv txhais tes puab. Vajtswv tsim peb nyob rau hauv Yexus Khetos kom los ua tes haujlwm zoo uas Vajtswv twb xub npaj tseg cia rau peb ua lawm.

Qhov uas nej dim yog vim Vajtswv txoj hmoovhlub, uas los ntawm txoj kev ntseeg; tsis yog los ntawm nej tus peevxwm, tiamsis yog Vajtswv ciali pub rau nej xwb. Nws tsis yog nej lub dag lub zog ua, kom thiaj tsis muaj leejtwg khav tau.

Tiamsis Vajtswv txoj kev tabncuab loj heev, thiab Nws hlub peb kawg nkaus li. Txawm yog peb twb tuag ntawm sab ntsujplig vim peb tsis mloog Vajtswv lus lawm los, Vajtswv tseem pub peb rov muaj txojsia nrog Khetos thiab. Qhov uas nej dim ntawd twb yog vim Vajtswv txoj hmoovhlub nkaus xwb.

Vim peb koomxeeb nrog Yexus Khetos, Vajtswv thiaj tsa peb nrog Nws sawv rovqab los thiab nrog Nws kav saum ntuj ceebtsheej.

Yogli ntawd, nej cov uas yog Lwm Haivneeg, nej tsis yog Lwm Haivneeg lossis tsis yog neeg txawv teb txawv chaw ntxiv lawm, nimno nej nrog Vajtswv haivneeg koom teb koom chaw thiab nej yog Vajtswv tsev neeg lawm. Vajtswv tsa nej rau saum lub quatsev uas cov timthawj thiab cov xibhwb cev Vajtswv lus twb ncaws cia lawm. Tus ncej zeb uas txheem lub tsev ntawd yog Yexus Khetos ntag.