ខគម្ពីរពេញនិយមពី 2 Corinthians 3

ចែក​រំលែក

Atanġum tavrani sivuniġigaa Ilitqusiġiksuaq aitchuiruaq iñuggunmik, aasii Ilitqusiġiksuaq iñuŋmiinman, taamna iñuk atanniqsimaraitchuq.

Tavraasii uvagut ukpiqtuaguruaguut taalutaitchugut iriġumiñaġluta Atanġum qiḷaŋmiŋŋaqtauruamiñ qaumanġaniñ. Uvagut qiñiqtuiññaqaptigu Ataniq ukpiġutikun, allaŋŋuqtuaqtugut ilaatun iḷisaiññaqłuta, suli Atanġum Ilitqusiġiksuaŋata kiikaa iḷisaiññaqtitkaatigut ilaatun.

Aglaan iñuk mumikami Ataniġmun kaŋiqsisuuruq, taalutaq piiġmatun isumaŋaniñ.

Isumanaqsiḷiġuŋitkiga uvaptuġruiññaq piḷḷasiñasugalugu iñiqsiñiq tainnatchimik savaamik. God-im suaŋŋasiqsuġaaŋa, nalliummatillasivḷuŋa alġaqsruutigiyumiñaqługu God-im nutauruaq sivunniuġutaa iñuich annagniksraŋatigun. Taamna nutauruaq sivunniuġun inŋitchuq utuqqaqtun sivunniuġutitun, aglausimaruatitun pitqurani, tuqqunmik tatavsautiqaqtuatun kamaksriŋitchuni. God-im nutauruaq sivunniuġutaa iñuggutauruq isuitchuamun Ilitqusiġiksuakun.