ខគម្ពីរពេញនិយមពី 1 Corinthians 1

ចែក​រំលែក

Qanuq God-im piksraqtaaġiŋagai iñuich isumakkusiaqaqtuat nunam iñuŋiñiñ isumalluaġiiññivḷugich, kanŋutchaksaqługich isumatunasugiruat inmiŋnun isummatigikamiŋ. Tainnatuttauq God-im piksraqtaaġiŋagai suaŋaitchualiaŋich iñuich naipiqtuunmikkun, kanŋutchaktitchaqługich suaŋanirauruat.

Qanuq alġaqsruiñiq ilaan tuqqutaagun pisigivlugich iñuich piḷuutiŋich, qiññaqaqtuq asiḷiqqutauruatun iñuŋnun suksrauyumaaqtuanun. Aglaan uvaptiŋnun annaurrauruanun, suaŋŋatigigaa God-im.

Qanuq iñuich isummatiŋiññi God-mun asiḷiqqutiginasugikkaŋat, isumattutaułhaaqtuq iñuich isumattutiŋiññiñ, suli iñuich isummatiŋiññi God-mun suaŋairrutiginivḷugu Christ tuqqutaa, suaŋałhaaġmiuq iñuich piḷḷakkaŋanniñ.

God ukpiġnapiaqtuq, aasii ququaŋagaasi piqatautquvlusi allanun iḷauraaliutiniġmi Iġñiġmiñun Jesus Christ-mun Ataniptiŋnun.

Aniqatiit, iluqata atausiŋŋuqatauŋaruaguut Ataniptiŋnun Jesus Christ-mun, piviuttaġivlusi apiġigivsi atitquvlusi, ilivsiguaqtaŋaiġḷusi aglaan atiruamik isumaqaquvlusi, suli atiruamik isivġiutiqaġlusi.

Taamna tainnainniġman, qanuġniaġniqpat isumaturuat iñuich? Qanuġniaġmiñiqpat pitquranik iḷisaurrit, tamatkualu qapiqsaiḷiralguruat? God-im qiññaniktinŋagai isumalluaġiitchuatun, iḷisimanaqsivḷugu ilaisa iñugruiññaich isumattutaat asiḷiqqutautilaaŋanik.