ខគម្ពីរពេញនិយមពី Markus 14

ចែក​រំលែក

Duk paꞌinne, “O Ammaꞌ, kēmon tahinangnu. Bang kew mabayaꞌ daꞌa ku pasagadanun bininasa. Saguwaꞌ dumaꞌin tinuhutin kinabayaꞌankun, saguwaꞌ kinabayaꞌannun.”

Papateng-pateng kaꞌam duk māku-māku kaꞌam si Tuhan supaya kaꞌam gaꞌi taboꞌo weꞌ sassat. Tapikil weꞌ atey saguwaꞌ gaꞌi kaꞌanggawtaꞌan weꞌ baran.”

Duk sabennal akahante kaꞌam,” paꞌin si Isa, “antag-antag si tibuꞌukan dunya minahalayak aka-aka mahāpin, inaka-aka du isab tahinang dende si aku inin, pangesseb-ngesseban meꞌ aꞌahin iye.”

Manjari paꞌinne si siye, “Ateykun dukka teꞌed, agen-agen makamatey aku. Paꞌamban ne kaꞌam tuꞌu duk magjaga kaꞌam.”

Sasangde mamanganin, ngeddoꞌ si Isa pan duk pagubus iye magpasalamat si Tuhan, kinepak-kepak weꞌ ne bu pinangurung weꞌ ne si siye. Paꞌinne, “Ngeddoꞌ kaꞌam. Pan inin barankun.”

Manjari ngeddoꞌ iye sawan duk pagubus iye magpasalamat si Tuhan, pinangurung weꞌ ne si siye duk nginum siye kēmon. Paꞌin si Isa si siye, “Inin lahaꞌkun sōng buꞌus sabab meꞌ aꞌa ekka. Inin tandaꞌ weꞌ tumanan Tuhanin du janjiꞌnen.

Paꞌin si Isa si siye, “Kēmon kaꞌam, ambananbi du ku. Peggeꞌ tasulat inin dem kitab, pinaꞌin, ‘Daꞌakku pinapatey magbantey bili-bilihin, manjari meꞌ bili-bilinen magkanat-kanat.’

Kuwat kaꞌam, sūng ne kite bi. Payamanun bi, tiyaꞌ ne aꞌa mamuddihan akuhin.”

Paꞌin si Isa si iye, “Sabennal akahante kew, sangem inin du, gaꞌi pe manukin makatingkowak minduwe, kapamasuwey ne kew mintellu weꞌ gaꞌi ku kataꞌuhannu.”