ខគម្ពីរពេញនិយមពី Markus 13

ចែក​រំលែក

Duk kaꞌam meꞌ tindegkun,” paꞌin si Isa, “kabunsihan du kaꞌam weꞌ kēmon aꞌa peggeꞌ nuhut kaꞌam aku. Saguwaꞌ sine-sine nandal sampay si tamanan kabinasahan inin, taga umul du si surgaꞌ gaꞌ niyaꞌ tamananne.”

Hangkan papateng-pateng kaꞌam,” paꞌin si Isa. “Daꞌa kaꞌam lipat peggeꞌ gaꞌi kataꞌuhanbi bang sumiyan inin umantag.

“Na, bang kaꞌam siniggew duk boꞌode binistiga, daꞌa kaꞌam magsuse andang bang ine binissābin pamēbbegbi dibin. Saguwaꞌ bissāhun bi ine-ine pangurung si kaꞌam si waktu miyaꞌan, peggeꞌ dumaꞌin amban kaꞌam binissābin saguwaꞌ amban Niyawa Sutsihin.

Palabey hadja langitin duk dunyahin, saguwaꞌ bang bissākun asal gaꞌi usaꞌ.”

“Saguwaꞌ gaꞌ niyaꞌ ngataꞌu bang ellew ine atawa waktu ine papituku balik si pasōnganin. Bisan meꞌ malaꞌikat si surgaꞌin gaꞌi kataꞌuhande. Bisan aku, Anak Tuhanin, gaꞌi du isab kataꞌuhanku. Luwal Samaku Tuhanin mangataꞌuhin.

Duk bang kaꞌam makakale sabab magbonoꞌ dem lahat, atawa suwi-suwi sabab magbonoꞌ si meꞌ lahat tala, daꞌa kaꞌam tinalew. Kēmon inin subey umantag saguwaꞌ dumaꞌin pe inin ellew kiyamat.

Hangkan hep,” paꞌin si Isa, “daꞌa kaꞌam lipat peggeꞌ gaꞌi kataꞌuhanbi bang sumiyan tekka dapuꞌ lumaꞌin. Bang magalib ke, atawa tengaꞌ bahangi ke, atawa dayiꞌ ellew ke, atawa salung ke. Peggeꞌ kaw iye bessuwang tekka duk tasaꞌutne kaꞌam tuli. Na, pinaꞌinku si kaꞌam inin, paꞌinku isab si kēmon aꞌa: Daꞌa teꞌed kaꞌam lipat.”

Peggeꞌ dambuwaꞌ bangsa,” paꞌin si Isa, “magbonoꞌ iyan duk bangsa seddili. Duk dambuwaꞌ pagsultanan magbonoꞌ iyan duk pagsultanan seddili. Duk niyaꞌ iyan meꞌ linug si meꞌ kalahat-lahatan si dunya duk niyaꞌ unus si meꞌ kalahatan. Saguwaꞌ inin panagnaꞌan meꞌ katiksaꞌan si dunyahin hadja. Kēmon inin, dalil dende sōng nganak duk nagnaꞌ peddiꞌan ne.

Peggeꞌ meke kiyamat dunyahin, subey dahuꞌ aka-aka mahāpin pinasampay si kēmon kabangsa-bangsahan,” paꞌin si Isa.

Peggeꞌ ekka iyan pitu magēnan ēnkun duk magpaꞌin weꞌ siye ne Almasihin. Duk ekka iyan kaꞌakkalande.

“Subey kaꞌam pahatul-hatul si dibi,” paꞌin si Isa. “Peggeꞌ sōngan meꞌ aꞌa du kaꞌam iyan si meꞌ hukum duk paglubakande kaꞌam dem meꞌ langgal. Niyaꞌ ellew si pasōngan, nengge du isab kaꞌam iyan si harapan meꞌ gubnul duk meꞌ sultan peggeꞌ nuhut kaꞌam aku duk taꞌakabi ne si siye aka-aka mahāp sabab akuhin.

Peggeꞌ si meꞌ ellew īꞌ, niyaꞌ iyan paguwaꞌ meꞌ aꞌa magpaꞌin weꞌ Almasihin siye bu gaꞌi bennal. Niyaꞌ isab iyan meꞌ aꞌa magpaꞌin weꞌ nabi siye bu gaꞌi toꞌo. Duk magpakite siye iyan meꞌ tandaꞌ duk meꞌ hinangan makaꞌulaliꞌ supaya bang makajari, taboꞌode pasapeꞌ meꞌ aꞌa tapeneꞌ Tuhanin.

“Manjari si meꞌ ellew īꞌ,” paꞌin si Isa, “pagubus meꞌ katiksaꞌan miyaꞌan, ngalindem mata ellewin, duk bulanin gaꞌi ne dantaꞌ. Meꞌ poteꞌanin magkalaboꞌ-laboꞌ amban diyataꞌ langit duk meꞌ bayuꞌan diyataꞌ langitin tahalaꞌ amban lugalden.