ខគម្ពីរពេញនិយមពី URA TIN AYRA 6

ចែក​រំលែក

Yawe mbuɗ yoo tam ana nam cuk suu warna kay ndaŋgara na herekŋi amege?

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

Nowa ni sa fi oora vi Yawera.

Gola ni dlara vi Nowara. Nowa ni sa ma ɗegee ii Lonna. Hu coki ndaɗta ŋgul ka egembi. Nam poy u voɗta vi Lonara, hum um jivi lay.

Nam di tam ɗaŋi ana, «Suu an cukusi kay ndaŋgarana an min baasi kiyo. Mburi suu ŋgolona u suu gorina u layagina lay, hurun haɗ kay cukka an cukusira.»

Hu li ma suuna gijaŋ zul kay ndaŋgara cocona, gorɓiina zuli kosi lay. Goryoŋ Lonana wi gorɓii asina na ni irisi jivi cocoo, asi gijaŋ ŋgaɓasi a ɗumba. Yawe ɓak tam ɗaŋŋi ana, «An ka ndak a hin Musuk manda ŋgom suuna kay ndaŋgara na gak gakgi, kay asi ka li cora, asi miɗ ki ni miɗiya, basa masira kay ndaŋgara ka li su kis duk dok-mba'ɗi.» Ni hu coki mayara suu wuli fiyeki coco kay ndaŋgarana. Suu asina hin li dagan gak lay. Ay hu njaf suu jewna ni suu asina saɓak cocoo, sesi tii coco lay. Vuɗusini u taɓpa vi goryoŋ Lonana u gorɓii suu kay ndaŋgarana.

Ni dlara Nowa laɗta, nam li u boy ma Lona dammana halaŋ.

Nam di Nowa ana, «An min ba suu war suu kay ndaŋgarana kiyo. Dla coosira asi laɗta kay ndaŋgara halaŋ mbuɗ ki coo, an min baasi ki u ndaŋgara halaŋ.

«Aŋ ceɗ lumba ŋgolla u gu ma yam ana sipre, ɓorowoɗ iriɗ hu kurufu zeɗ zeɗ bolowo. Aŋ hooroɗ huruɗ ki u bitumma, ŋgoroɗ lay.

Lona gol dlara hu ndaŋgarara na halaŋi, ndaɗ mbuɗ ki coo, tlesuu kay ndaŋgarana halaŋ poy masira mbuɗ ki coo.

Tlesuu iirina halaŋ aŋ yowosi hu lumba mba' mba', ma njufna u caamba, ma njufna u caamba, kay a suɗsi ki uŋu.