ខគម្ពីរពេញនិយមពី Ekihsatahs 11

ចែក​រំលែក

KaaTipencikenitc itahsh Moosihs (Moses) okii'ikoon, “Keyaapi peshik ehta kekoon niwiihtootawaa ewiih kihci sanakaahkonak a'a Peroo (Pharaoh) , i'i kaye opimaatisiima'. I'i hsa kii‑ishkwaa tootawak, miitahsh i'i ci⁠pakitininek pisaan ci⁠maacaawek. Kehcinaac hsa ko kahkina kaa⁠tahshiyek inkoci kika ishinisha'okowaa.

Kahkina hsa nihtam kaa⁠nihtaawikiwaatc kwiiwisenhsak taawinink i'imaa Iicipahkiink ta⁠nipowak. Kihciokimaa Peroo okosihsan kekii ani kihciokimaawinihpan, piinihsh a'a kwiiwisenhs wekosihsimikotc ihkwewan pemiihtaakenitc kaa⁠shikwa'waanitc pahkweshikanan. Iki kaye awaac nihtam kaa⁠nihtaawikiwaatc pishihkiwak ta⁠nipowak. Inashke tahsh wiinke ta⁠kihci mawinaaniwan misiwe o'omaa Iicipahkiink, kaawiin itahsh wiihkaa otaanaank i'i kii⁠pishi kihci mawinaaniwansinoon, kaawiin kaye wiihkaa i'i inahke ta‑ahpiihci kihci mawinaaniwansinoon.

O'o Moosihs okii'ikoopaniin kaaTipencikenitc, “Peroo hsa kaawiin kika pisintaakohsii, miitahsh i'i ahpii nimaamahkaaci kihkinawaacihcikanan awahshime ke⁠naakohtooyaan i'imaa Iicipahkiink,” okii'ikoopaniin.