ខគម្ពីរពេញនិយមពី لوقا ۸

ចែក​រំលែក

امّا دأنه‌یأنی کی خوروم زیمینٚ سر فیویدی، کسأنی‌یَ مأنیدی کی خودا کلامَ دیلٚ صاف و پاکٚ اَمرأ ایشنأویدی و اونَ حفظ کونیدی و پوشتکارٚ اَمرأ ثمر اَوریدی.»

او دأنه‌یأنی‌یم کی تمشٚ کله میأن فیویدی، کسأنی‌یَ مأنیدی کی خودا گبأنَ ایشنأویدی، زمأن کی گوذره، دونیا نیگرانیأن، مال و منالٚ جأ گول خوردن و زندگی خوشی‌یأن، خودا کلامَ اوشأنٚ دورون خفَه کونه و ثمر نأوریدی.

او دأنه‌یأنی کی سنگلاخٚ دورون فیویدی، او آدمأنی‌یَ مأنیدی کی خودا گبأنَ ایشنأویدی و شادی اَمرأ قوبیل کونیدی ولی چونکی ریشه نودووأنه، ایتأ مدت زمأتی ایمأن دأریدی ولی سختٚ روزأن کی فأرسه، آزمایشأنٚ وأسی بدر شیدی.

عیسی اوشأنٚ جأ وأورسه: «شیمی ایمأن چی بوبوسته؟» اوشأنم ترس و تعجبٚ اَمرأ کس‌کسَ گفتیدی: «اَ مرد کیسه کی باد و آبَ فرمان دهه و اوشأنم ایطاعت کونیدی؟»

دأنه‌یأنی کی رأ سر فیویدی، او کسأنی‌یٚ مأنیدی کی خودا کلامَ ایشنأویدی ولی اَشأنٚ دیلأن سخته، بأزین شیطأن اَیه، خودا گبأنَ اوشأنٚ جأ فیگیره کی ونأله ایمأن بأورید و نجات بیأفید.

چره کی هیتّأ جیگا بدای چی نی‌یه کی آشکارَ نبه و هیتّأ قایمَ کوده چی نی‌یه کی ظاهیر و آشکارَ نبه.

او زنای وختی بیده کی عیسی همه چی جأ وأخبره، ترس و لرزٚ اَمرأ بکفته عیسی پا جیر و همه‌تأنٚ او آدمأنٚ ورجأ تعریف بوکوده کی چی وأسی عیسی ردایَ دس بزه و هو وخت شفا بیگیفته. عیسی اونَ بفرمأسته: «جانٚ دُختر، تی ایمأن ترَ شفا بدَه. هسأ سلامتی اَمرأ بوشو.»

شاگردأن، عیسی ورجأ بوشوییدی و اونَ بیدارَ کودیدی و بوگفتید: «اَی اوستاد، اَی اوستاد، چیزی نمأنسته کی همه‌تأن هلاکَ بیم!» عیسی خوابٚ جأ ویریشت و باد و موجأنَ نهیب بزه. بأزین طوفان بِیسه و دریا ساکیتَ بوسته.