ខគម្ពីរពេញនិយមពី Romanos 4

ចែក​រំលែក

Øyeeg køben Tius tru treeg martrab cha kørrømisrigwane Abrahambe treeg kømuptinchaitamab isumuig køn. Treeg kømøtø, nui isubigwan nø Tiusweinuutø pasra tøgagúibe masken mur pasrønrrai marig pasrøwa, Tiusweyasig maya nuguen tabig marøbig køn. Abrahambe treeg kønrrab kui newan isua pasrabig køn, Tius treeg martrab cha kørrømisrigwane maramburab maramigwan tøga Tius kui.

Tiuswei wamyu maig chibig pørig pasraimbala: “Truba yambalø peesrøn, peesrø warønrrab misaamerai ñune møskain kønrrai marar” taig. Tru Abraham kørewa pasraig Tiuswein kabyube Abrahambe namui møskain køben, tru Tiusbe kwailan øsiirangarub, chi marig kaabendø, chabguen marig pønrrai lataig wamabig, treeg Tius køn.

Cristobe namui kaig mariilaimburø kwanrrai tranig kua, katø nune katøle øsiirangaruig køn, Tius namun chi kaig kømeelø lataig tab kui asiilø kønrrai.

Chi treeg kønrraitamab isua muniiramig chigagúingucha, Abrahambe kørewa, muniirab megaig køn. Treekkurri truba yambalø peesrøn, peesrø warønrrab misaamerai møskai misrig køn, Tius øyah taimbala: “Ñuinukkurri karrab misaabe øyeeg nørrø kønrrun” taig.

Inchawei Tius tru treeg trannrrab cha kørrømisriibe misaamera nømui isubigwan Tiusweinug pasrikkurri arrubig køn, truibe Tiuswei tru ka yandø ketig kønrrai. Incha tru Abrahamweinukkurri amrrub misaamerai mayeelaimba maig marigwane mu kønøgamgaig treeg marig kørrømisrtrain kuig køn. Tru maig maramigwan martrai pørig maig taigwan marøbelaindø kømøtø, tru isubigwan Tiusweinuutø pasrig Abraham tøgagúigwandøwei tøgarweimbe nømuingucha kønrrai. Inchawei Abrahambe Tiusweimburabigu nam mayeelai møskain køn.

Øyah chib: “Mayanguen tab kuilø køn cha, kaig mariilan Tius nømun chigucha chi ulø paymønrrab pesannab, katø nømui kaig mariilan chi isua ashmø kasra kørrømarinabelaimbe. Mayanguen tab kuig køn cha, Señor nui kaig marigwan trunun isua ashmøtø, Señor kagøbasinab møøbe.”

¿Tiuswei wamwan pørigube mandø chibig køh?: “Abrahambe Tiuswan køreben, treekkurri nune Tiusbe chi kaig kømíig lataig, tabig treeg asha pasrig køn” cha, trenchibig køn.