ខគម្ពីរពេញនិយមពី Romanos 3

ចែក​រំលែក

Kaguende mayeeløba kaig mara, Tiuswei tørguegwalmabigwane chincha nebumøn. Incha tru chi kailø kømeelø lataig tabig pønrramig keta traniibe Tius ka yandø tab indikkurrin køn, Cristo Jesúskurri Tiusweyelø kønrrai wesruilø kuikkurri.

Iig tru chi kaig marmeelø lataig tabig kørrømisra pønrramig kønrrai marig Tiusweimbe, isubigwan Jesucristoinug pasra pønrraikkurri arrubig køn mayeelø nun kørebelaimbe, mungucha nøørø marøb kandarøtø inchimø.

Tiusbe Cristone kan animal kweecha tranøb lataitøwei marig køn, Cristoi ani lusinug nømui isubigwan pasrikkurri misag kaig mariilan Tius ulø paymumig kønrrai. Øyeeg marøppe, Tius nui tru sølgandø tabigwan ashchai kenamaran, kaguende tammay muniirabig køptø, tru merrabwan kaig mariilane chi ulø paymønrrab pesannawa. Nøbe øyeeg marøppe, tru møi øyan kwaløm nui sølgandø tabigwan kenamartrab indig køn. Katø nøbe isubigwan Jesúsweinug pasrøbigwane chi kaig kømíig lataig tabig kørrømisrtrai marøbig køn.

Kaguende tru maig maramigwan martrai Moisés pørig maig chibig køben trunun marikkurri Tiuswei merrab chi kaig marmíig lataig munguen tabig kørrømarig kønrraamøn. Treeg kømøtø, tru pøriibe nambe kaig marøbelø kui trunun kenamarøb pasran.

Tiuswei wamwan pørigu maig taimbala: “Sølgandø tabiibe ni kan kandøguen mu kawei, maig kuigwan chi chibig kui mørtrabig muguen kawei, Tiuswan isub lanrrabiibe muguen kawein køn cha. Mayeeløba peeburabgøba amba, møitøgucha chi martrabgaig kailø misrin køn cha. Tabig marøbiibe muguen kaagøn cha, ni kan kandøguen mu kaagøn cha.

Pøs nambe øyamay køn chibrren pønrrer, tru chi kaig kømíig lataig tabig pasramibe isubigwan Cristoinug pasra tøgagúikkurrin køn cha, tru maig maramigwan martrai pørigu truilan mariiløgurrin kønrrab kømøtø.

¡Kah! mumaygucha chi treeg kønrraamøn. Treeg kømøtø, Tiusbe nø maig martrab taigwane isømø, treeg marøbig køn, misaabe mutøgucha isapteelø kuingucha. Tiuswei wamwan maig pørig pasraimbala: “Ñi wamindiiløyu sølwan waminchibig kui asig kønrrain køn taig. Katø ñun ‘øyeeg, øyeeg marøbig køn’ tainab pasraigu ñibe tab puraya webyan” taig.