Igba Mbọ Nsọ: Nabata Ndụ Nke Ịrụsi Ọrụ Ike, Na Izukwà Ike Ka Ị KwesịrịIhe Nhụchatụ

Inakwere akparama-àgwà ọhụrụ na nlekwasị anya gbàsará ka esi arụsị oru ike n'ewe oge. Mana mgbe a bịara na mgbanwe na ihe ndị ọhụrụ Chineke chọrọ ime na ndụ anyị, anyị nwerè nhọrọ abụọ: laa azụ ma ọ bụ chuso uto. Abụ m onye mbụ na-ekwere na mgbe ụfọdụ ịla azụ n'adị ka ọ kà mma ruo mgbe Chineke n'egosi m ihe mere m jìrì chee otù ahụ. Mgbe ọ na-adị ka mgbanwe ọ bụ ihe na-atụ ụjọ, ọ bụ n'ihi na m na-adabere n'ike nke onwe m iji mee ka ihe n'aga n'ihu. Ana m eche na ọ bụ m ka ọ dịịrị ime ka ihe niile rụọ ọrụ, ihu na ihe niile n'aga nke ọma, ihu na adịghị m ka onye ọdịda—ọzọ. Mgbe m na-ahọrọ ịla azụ ọ bụ n'ihi na ana n'echetara m na n'ike nke onwe m, na ndoga m na mgbalị m, apụghị m ime ka ihe niile rụọ ọrụ n'ụzọ m si chọọ ka ọ dị.

Mana ana m akwụsị idoga na inwà n'ike nke onwe m wee malite mewe nchusò, na-atụkwasị obi na Chineke n'ewete ihe ọhụrụ n'ihi na O nwerè atụmatụ gasị maka m dị mma, atụmatụ gasị ga-ewetere Ya otuto ma gbasaa alaeze Ya.

Ị̀gà enyefe onwe gị n'ime ụzọ ọhụrụ Ọ n'eduga gị n'ime ya, ụzọ ebe nrụ́ ọrụ dị nsọ na-anọchi ndoga? Ma ọ bụ ị̀gà ala azụ, na-ahọrọ nwere-onwe nke ihe ịma ama karịa ụzọ na mpaghara jupụtara n'ihe ndị i n'amaghị maka ha?

Ihe a bụ mmesi-obi-ike atọ anyị pụrụ iji obi ike were gaa n'ihu: Chineke arụchabeghị ọrụ Ya na ndụ anyị, Ọ dị njikere ime ihe ọhụrụ, ma Ọ nọnyeerè anyị kwa nzọụkwụ nke ụzọ ahụ.

Nrụ́ ọrụ n'ụzọ dị nsọ n'enye anyị nwere-onwe iji ike anyị niile rụọ ọrụ n'ọrụ ndị ahụ Chineke n'enye mkpụrụ obi anyị. Nke a bụ ọrụ kachasị dị mkpa, ọrụ nke n'eme ihe dị iche n'ime alaeze Chineke. Ọ n'enye anyị nwere-onwe ịmara na ọrụ ndị ọzọ n'arụ zìrì ezi maka ha, mana ò zighi ezi maka anyị, n'oge a. Nrụ́ ọrụ n'ụzọ dị nsọ n'enyere anyị aka ịnụ olu Chineke n'elu mkpu na mkpọtụ nke ụwa n'eji ike eme ihe, ka anyị wee nwee ike isi ee nye ọrụ Chineke kwadeberè obi anyị maka ya ma si mba nye ọrụ nke ga-amipụ mmiri ndụ nke mkpụrụ obi anyị.

Nkebi dị n'etiti nrusi ọrụ ike na ndoga, izu ike na ume ngwu, bụ̀ ebe n'akwụsịghị ike ibi. Mgbe anyị tinyerè onwe anyị nke ukwuu n'otu ụzọ, anyị n'ahụ onwe anyị na-adabere n'ike nke onwe anyị kama ịdabere ná ncheta-gasị na Ọ bụ̀ Ya bụ̀ ike anyị. Ụzọ nrusi ọrụ ike a abụghị maka ịchọtakwụ ohere n'ụbọchị anyị iji wee rukwuo ọrụ, kama ọ bụ ịchọpụta ihe Chineke n'akpọ anyị ka anyị mee ka anyị wee jekwuo ozi, nyekwuo ihe, gbàkwuo ndị mmadụ ume—n'ime ebe gasị ziri ezi na n'ụzọ gasị ziri ezi.