Igba Mbọ Nsọ: Nabata Ndụ Nke Ịrụsi Ọrụ Ike, Na Izukwà Ike Ka Ị KwesịrịIhe Nhụchatụ

Ọ bụrụ na ikiriela ihe nkiri a aha ya bụ, Monsters, Inc., ị gà-aghọta ihe m n'ekwu mgbe m si na njem m n'ụwa dịka oge kachasị tulie obi ndị mmadụ elu n'ime ihe nkiri ahụ. Mike, Sulley, na Boo nọ n'atụgharị n'elu oké eriri jupụtara na puku kwa puku ụzọ. Mana ha apụghị imeghe ụzọ ọbụla masịrị ha. Imeghe ụzọ n'ekwesịghị ekwesị gà-atụba ha n'ime oké ifufe nke mmiri ozuzo ma ọ bụ okpomọkụ nke ọzara. Imeghe ụzọ kwesịrị ekwesị gà eduga ha ụlọ. Ya merè ha jiri jigidesie eriri ahụ ike, na-alụso onye iro ha ahụ ọgụ nke n'agba mbọ ịdọpụ ha uche ma bibie ha, ruo mgbe ha gà-erute otu ụzọ ahụ gà-eduba ha na nchekwa na nchedo.

Ịntanetị n'enye anyị ohere na ikike ihu ụzọ gasị Chineke n'emeghere ndị mmadụ gburugburu ụwa, nke n'eme ka anyị funahú ihu otu ụzọ ahụ Chineke chọrọ ka anyị baa na ya site n'okwukwe. Ọ bụghị ụzọ niile bụ̀ maka anyị. Ọ bụghị ụzọ niile n'eduga anyị ụlọ.

Egbuola m oge nke ihe gaferè afọ iri n'ichu nta ihe gasị m gà-eji wee bie ndụ—ka m gụchara kọleji, a chọtara m ọrụ iji kpata ego, banye na alụmdi na nwunye, dọkasia na chèkasia onwe m dịka ndị ụwa si kọwaa ịrụsi ọrụ ike, a chụrụ m na yabụ́ ọrụ, m wee gbagharia chọọ ihe ọzọ m gà-eme, e bidorò m azụmahịa nke m, mechaa nakweré ọrụ ministrị dị ike magburu onwe ya mana nke nyere m owu ọmụma, a hapụrụ m ya, wee gbalikwaa ọzọ ịmalitè azụmahịa nke onwe m iji nye ezinụlọ m nri.

Egbuola m ọtụtụ oge na-achụso ọtụtụ ụzọ ka ha ghara imechi n'ihu m nke mere m jiri funahú ihu ụzọ gasị ghere oghe Chineke nọ n'etinye n'ihu m.

Ka m maliterè ịmụta ka esi ahapụga eriri ọtụtụ nhọrọ ndị ahụ wee kwụsị onwe m ime mgbaghari, Chineke gosirì m echiche-ọma gbanwere ihe niile. Anọ m n'achọ ụzọ gasị gá-adị mma nye m, jiri nkà m na ike m gasị mee ihe, ụzọ gasị dị oké na ukwuu gá-edugá m n'ihe ndị "bara ụba na ka mma.”

N'oge ndị ahụ m nọ n'agba mbọ nke ọdịmma m esoghị ụzọ Chineke, ọ pụtarà na anọ m n'arụ ọrụ maka onwe m, mana Chineke dị ikwesị-ntụkwasị-obi wee n'arụ ọrụ n'ime m. Ihe mmụta gasị sitere na ahụmahụ ndị anyị gabigarà, nkà gasị anyị tụnyerè na ndụ anyị, ndị mmadụ anyị n'ezute, na ùtó gasị n'eme na ndụ anyị, pụcharà ịbụ ngọzi. Chineke enyewo anyị nnwere onwe ime nhọrọ ụzọ gasị anyị si na ha agafè n'enweghị nchegbu na anyị nwerè ike ifunahù ihe bụ uche Ya maka ndụ anyị ka anyị zepụtarà isi n'akụkụ nke ọzọ. Anyị nwerè ike anyị anọghị na arụmọrụ zuru okè, ma ọ bụ n'arụ ọrụ n'eme anyị ka o kwesịghị ekwesị maka ọkpụkpọ-òkù anyị, mana Chineke gà-ezute anyị ebe ahụ.