Igba Mbọ Nsọ: Nabata Ndụ Nke Ịrụsi Ọrụ Ike, Na Izukwà Ike Ka Ị KwesịrịIhe Nhụchatụ

Anyị nọ ọdụ n'oche gasị nke ebe mgbatị ahụ nke ụlọ ụka anyị otu ụtụtụ Sonde, n'ihi na anyị merè nhọrọ ịga ụka nke ugbu a kama ịga na nke anyị n'agakarị. N'inwe okpukpe-ụka-gasị ise kwa ụtụtụ Sonde, ụlọ ụka anyị achọtala ụzọ ha pụrụ isi jiri ohere, akụ, na ọgbakọ ha mee ihe bara uru site n'inye nhọrọ gasị ndị niile pụrụ̀ inakwere ma ha ká jigidesie ike ma n'ekwusa otu ozizi ahụ siri ike na dị mgbakwasị-ụkwụ na Okwu Chineke gazuo ministrị ha niile. Inwerè ike ịnọ n'ụlọ mgbatị akwara ebe mmadụ yi uwe nkịtị n'enye gị ozizi Okwu Chineke, mana ịgà anụkwa otu oziọma ahụ si n'ọnụ otu onye nọ n'ime ụlọ ụka kpọ sut na tai.

Sonde gara aga mụ na di m nọ n'egere ozizi siri ike gbasara mmesapụ-aka. Ka ụka n'abịa na njedebe a jụrụ anyị ka anyị kwuo ihe anyị gà-eji $100 mee ma anyị chọta ya—ego anyị pụrụ iji mee ihe ọbụla anyị chọrọ. Kedụ ihe kachasị dị ezinụlọ anyị mkpa oge ahụ? Kedụ ka $100 pụrụ̀ isi gbanwee ọnọdụ anyị? Ndị n'ege ntị kwuru ụfọdụ ihe ha pụrụ̀ iji ya wee mee—imezi ihe ndị dị n'ime ụlọ ha, igo efe ọhụrụ gasị maka ije akwụkwọ, isi nri maka ezinụlọ ndị nọ na mpụga. N'akụkụ ọzọ nke ụlọ ahụ, otu nwaanyị ji anya mmiri wee kwuo okwu. Ọ si na ya gà-eji ego ahụ kpọrọ ụmụ ya ha agaa naanị otu abalị na họtel ebe dị anya wee gwuo egwú na pul mmiri ma chịa ọchị, ọ bụrụgodị awa ole na ole, iji weghachité mkpụrụ obi ha site ná mkpagbu na ụjọ nke dakwasịrị ha n'abalị gara aga. Okwu ya ahụ dị̀ eziokwu, bụrụ ihe n'egosi enweghị nchebe ya, na dị obi mgbawa.

Pastọ anyị kpọrọ ya ka ọ bịa n'ihu ọha, si n'akpa ya wepụta $100 wee nye ya hụ ozugbo. N'enweghị ihe ọbụla ọ gbakwunyerè na ya. “Unu amaghị ka ihe nke a si ju m obi. Unu amaghị ụdị ahụhụ m n'agabiga,” ka o berè, ahụ ya ana ama jijiji n'ákwá n'asupụta ya n'anya. Ndị ụka nọ ya nso kulirì wee gbaa ya gburugburu, jiri ekpere na okwu nkwado na-akasi ya obi ka ọ n'àkwá akwá. Ọ bụghị ihe akparà akpá ka emee, mana ọ bụ ihe ịma aka siri ike.

Ị̀gà eme ya? Ị̀gà eji $100 mee ihe n'abụghị igbò mkpa nke gị kama iji ya sọpụrụ ma hụ onye ọzọ n'anya site n'igọzi ha mgbe Chineke si “Nye”? Ma ijì ego ahụ eji n'ime akpa gị, ma ọ bụ̀ na ịga edokọba ego ruo ọnwa isii iji rute ya, mụ na gị ànyị pụrụ̀ ime mkpebi ime ihe ịma aka a? Kà anyị n'arụ ọrụ Chineke nyerè anyị, ka anyị bụrụ ndị nye na ndị nhazi dị mma maka akụ gasị Ọ n'enye anyị ma n'egosi ndị ọzọ na ịgba mbọ nsọ dị iche n'ihi na nlekọta ndị mmadụ dị anyị mkpa karịa ọkwá na ebe mbugo-elu gasị.

Inye na igosi obiọma dị mkpa.