Igba Mbọ Nsọ: Nabata Ndụ Nke Ịrụsi Ọrụ Ike, Na Izukwà Ike Ka Ị KwesịrịIhe Nhụchatụ

Agụola m akụkọ Rut n'ime Akwụkwọ Nsọ ọtụtụ oge, mana otu Sonde ahụrụ m otu ihe m n'atụghị anya. Rut arụghị nwa ọrụ obere ka ọ ji n'ezere ndụ. Ọ rụsirì ọrụ ike. Ọ rụrụ ọrụ n'ụzọ dị ike, jirí nkwanye ùgwù, n'ezu ike mgbe ọ dị mkpa, ma n'emezù ọrụ dị n'iru ya. Ọ rụrụ ọrụ site n'ụtụtụ ruo na mgbede, n'arụta quart gasị 26 nke ọka barlị iji kwadoo na nye ezinụlọ ya nri. Rut bùrùlà onwe ya bịa ọrụ, ma Chineke ewee si na ndụ ya rụpụta atụmatụ ga-eduga na alụmdi na nwunye ya na Boaz nakwa ọnọdụ ya n'ime agbụrụ nke Jizọs.

Nke ahụ bụ nrusi ọrụ ike dị nsọ. Ọ bụghị mkpali ka amárá ya ma ọ bụ ka así ya irụ́ká merè ka Rut kulie gaa rụwa ọrụ. Ịtụtụ ọka barlị adịghị mfe, ọ bụ ọrụ n'agbaji azụ na úkwù. Ọ bụghị ọrụ mara mma ma ọ bụ nke ama ama ma ọ bụ nke dị nkwanye ùgwù. Ọ bụ ọrụ dị ala. Ọrụ Rut nọ n'arụ nwerè ihe ọ pụtara na ebumnobi o ji arụ ya, e kwenyekwarà m na ọrụ anyị gasị dịkwa otù ahụ.

Gịnị ka ọ gà-apụta ma ọ bụrụ na Rut lègharirì anya na obere ụlọ ya na Naomi bi wee legide anya na uche ya na ihe ndị ha n'enweghị kama n'ihe ndị o nwerè ike iwetè? Gịnị ka ọ gà-apụta ma ọ bụrụ na Rut pụrụ gaa chọta ọrụ ga-eme ka onwe ya dị ya mma kama ịrụ ọrụ ga-edebe ya kpọmkwem ebe Chineke chọrọ ka ọ dị? Ọ bụrụ na o merè otù ahụ, ọ gà efunahụ kpamkpam nchịkọta ihe ubi Chineke kwadeberè ya, na ngọzi Ya gasị Ọ chọrọ inye ya dịka Ọ nà-agbapụta ezinụlọ ya.

Ọ pụrụ isi ike ịpụ ezi gaa ruo ọrụ siri ike Chineke kpọrọ anyị ka anyị rụọ. O nwerè ike bụrụ na asi gị rụọ ọrụ n'ụlọ ọrụ n'adịghị asọpụrụ Chineke, ya ana adị gị ka ịbụ onye ọbịa na-ala na-abụghị nke gị. Ya enwee ike bụrụ na Chineke akpọtala gị n'ebe dị ọhụrụ, ma ebumnuche gị gasị nke ịrụ ọrụ dị ùgwù gá-eweteré gị nsọpụrụ na ọmụma ndị mmadụ abụrụla nke eji ọkpụkpọ-òkù ije ozi n'ụzọ dị nwa obere dochie. O nwerè ike bụrụ na ịnọ na-eje ozi n'ụzọ dị nkwesị-ntụkwasị-obi n'ọrụ i hụrụ n'anya mana obi na ahụ nà-adọkasị gị n'ihi na i dịghị ahụ mkpụrụ ọbụla n'esi n'ọrụ gị apụta.

Mgbe anyị na-akwụsị ime ndoga wee bido ije ozi, anyị na-amalite ịtụkwasị Chineke obi ịchịkọta na chibà ihe ndị anyị ji ikwesị ntụkwasị obi n'akụ. Obiọma ahụ ịna ewete n'ebe ụlọ ọrụ gị nwerè ike ịbụ kpọmkwem ihe ga-adọta mmadụ nso Chineke. Ịhụnanya ndị ịna egosi ndị ọzọ n'ime ebe gasị dị obere, adịghị ahụ anya, íjì ikwesị ntụkwasị obi ejere Chineke ozi nwerè ike ịbụ kpọmkwem nkume-mgbakwasị-ukwu Chineke gà-eji dọta ndị mmadụ nso Ya. Ma mkpụrụ ndị ahụ ịna akụ n'okwukwe nwerè ike otu ụbọchị, ọgbọ kwa ọgbọ mgbe i si n'ụwa a pụọ, bụrụ mkpali ga-ewete onyinye mara mma Chineke chọrọ ịkekọrịtara ụwa.