Igba Mbọ Nsọ: Nabata Ndụ Nke Ịrụsi Ọrụ Ike, Na Izukwà Ike Ka Ị KwesịrịIhe Nhụchatụ

Ọ n'ewe obodo—abụghị naanị iji zụlite nwata, makwa ịtụgharị nrụ́ ọrụ anyị ka ọ ghọọ ihe dị nsọ na nke n'enye Chineke otuto.

Ntule. Ịgba mbọ megide onye ọzọ. Ọgbakọ. Mgbe m n'ele anya na ozi nrụ́ ọrụ gasị ụwa ji ike eti n'ihu anyị, ntule pụtara igosi ndị n'ege anyị ntị ihe kpataranụ ha gà-eji họrọ anyị kama ndị ọzọ n'émekwá ihe ahụ anyị n'eme. Ịgba mbọ pụtara ndoga n'enweghị ngwụcha iji hụ na ihe ndị anyị mepụtara, ọrụ anyị, ma ọ bụ okwu-ọnụ anyị abụghị naanị ndị kachasị dị mma, kamakwa na ha bụ̀ ndị kachasị dị ọpụrụ iche na dị adị tupu nke onye ọbụla ọzọ abata n'ahịa. Àgwà a anyị nà-akpa n'eti mkpu nke “Ebu m ụzọ bịa ebe a!” Ị̀ sì ọgbakọ? E kwuwe, nke ahụ bụ okwu mara mma agụrụ̀ ka aha ndị na-azụ ngwa ahịa anyị bụ́ ndị anyị n'erùgbú n'mgbasa ozi n'amụta ego, nre ahịa, na akwụkwọ ozi gasị nke ịmel.

Ka m rụcharà ọrụ na mpaghara nke nzisà ozi nke nre ahịa ihe gafere afọ iri, a ghọtara m ya. Ụbụrụ m na alaghachi n'otu nkọwa ndị ahụ mgbe m n'echefu ihe kpataranụ m ji arụ ọrụ. Kama ije ozi, ana m amalite ire ihe, ma ka m n'eme nke a ana m ahụ ihe m n'erite n'anya karịa ndị mmadụ. Mana e nwerè ụzọ dị iche iji mee ụdị ihe a. Na nzú na nré ahịa dị nsọ, ntule pụtara ile ọrụ anyị anya wee jụọ Chineke ka O gosi anyị otú ó si—ma ọ bụ ò sighị—daba n'uche Ya. Kedụ ka ndụ anyị gasị si atụnyere ndụ nke Kraịst así anyị bie ndụ kà? Ịgba mbọ abụghị maka ihu n'ezie n'anyị merirì, kama ọ bụ ịchọ ụzọ gasị iji nyere ndị ọzọ aka iguzobè na too, n'eji nsọpụrụ na nkwanye ùgwù ama onwe anyị aka. Ma ọgbakọ bụ̀ ihe kachasị dị mkpa n'eme ka nrusi ọrụ ike dị nsọ dí iche n'otù ndị ụwa dum si arụ ọrụ. Nke a dị nnọọ ka nkwekọrịta-aka, nlekọta anya, na mkparịta-ụka eji ezi uche eme kama iji ike na aghụghọ na-achụso ndị mmadụ ka ha goo ihe.

O nwerè ike ịbụ ihe n'adịghị mfe, mana ọrụ niile etinyerè n'ọgbakọ n'eju afọ. Chineke ekeghị anyị ka anyị bie ndụ naanị anyị, nke ahụ bụkwa eziokwu nye ọrụ anyị n'arụ. Anyị pụrụ ịrụ nnukwu ọrụ maka alaeze Chineke mgbe anyị kwụsịrị isọ onwe anyị mpi wee malite irụko ọrụ ọnụ.

Isò ndoga na atụmanya nke ụwa a dí mkpọtụ na mmechi ntị gà-eme ka onwe anyị dị ala na anya anyị ka anyị n'eji ebe anyị nọ n'ime atụmatụ Chineke atụnyere ndị nọ anyị gburugburu. Ka anyị kama họrọ ịtụkwasị Chineke obi dịka Nna-Ụkwụ Omenkà maara mgbe, otú, na ihe kpataranụ, na akụkụ gasị aga eji mee ihe mara mma na dị nchebe ga-adịgide ruo ọgwụgwụ ndụ anyị.

Ka nzube Chineke maka ndụ gị ju gị anya ma kwanye onwe gị n'ụzọ dị ike n'ọrụ ahụ Chineke nyerè gị, zuo ike n'uju, ma bie ndụ nke nrusi ọrụ ike dị nsọ Chineke kpọrọ gị ka ị mee, ebe ahụ kpọmkwem i nọ.