Mataio 16
16
O Vāvega ma Fa‘ailoga
(Mare 8.11-13; Luka 12.54-56)
1‘Ona ō mai ai lea o le ‘au faresaio ma le ‘au satukaio, ‘ua latou tofotofo ‘iā Iesu, ‘ua fai mai, ‘ia fa‘aali atu ‘iā te i latou se fa‘ailoga mai le lagi.#Mata 12.38; Luka 11.16 2A ‘ua tali atu o ia, ‘ua fa‘apea atu ‘iā te i latou, “A o‘o i le afiafi ‘ua ‘outou fai ane, ‘E laofie;’ auā ‘ua mūmū mai le lagi. 3O le taeao fo‘i ‘ua ‘outou fai ane, ‘E timu#16.3 timu: po o uaga. le asō;’ auā ‘ua mūmū mai ma fa‘amalumalu ifo le lagi. ‘Ua ‘outou iloa ona mātauina amio a le lagi, a o fa‘ailoga o tausaga tou te lē mafaia ‘ea? 4O le tupulaga leaga ma le mulilulua ‘ua sā‘ili mai se fa‘ailoga; ‘ae leai se fa‘ailoga e avatu i ai, ‘ua nā o le fa‘ailoga o Iona le perofeta”
‘Ona tu‘ua ai lea o Iesu o i latou, ‘ua maliu ‘ese.#Mata 12.39; Luka 11.29
O le Mea Fa‘afefete a le ‘au Faresaio ma le ‘au Satukaio
(Mare 8.14-21)
5‘Ona o‘o atu ai lea o ona so‘o i le tasi itū, ‘ua galo ‘iā te i latou ‘ona ‘ave ni areto. 6‘Ua fetalai atu Iesu ‘iā te i latou, “‘Ia ‘outou, ‘ia matuā ‘alo ‘ese i le mea fa‘afefete a le ‘au faresaio ma le ‘au satukaio.”#Luka 12.1
7‘Ona latou felafolafoa‘i ai lea, fa‘apea ane, “O lana fetalaiga lea ‘ina ‘ua tatou lē ‘aumai ni areto.”
8A ‘ua silafia e Iesu, ‘ona fetalai atu ai lea o ia ‘iā te i latou, “Se a le mea ‘ua ‘outou felafolafoa‘i ai, ‘outou ē fa‘atuatua itiiti, ‘ina ‘ua lē ‘aumaia e ‘outou ni areto? 9Tou te lē malamalama ‘ea,#16.9 lē malamalama ‘ea: po o lē āu lagona ‘ea. tou te lē manatua fo‘i areto e lima ma le to‘alima afe, pe fia ‘ato na ‘outou fu‘e ai?#Mata 14.17-21 10O areto fo‘i e fitu ma le to‘afa afe, pe fia ‘ato na ‘outou fu‘e ai?#Mata 15.34-38 11E lē malamalama fa‘apefea ‘outou, e lē o le areto na ‘ou fai ai ‘iā te ‘outou, ‘ia matuā ‘alo ‘ese i le mea fa‘afefete a le ‘au faresaio ma le ‘au satukaio?”
12‘Ona latou malamalama ai lea, e lē o le mea fa‘afefete o areto na fetalai atu ai o ia, ‘ia matuā ‘alo ‘ese ai, a o le a‘oa‘oga a le ‘au faresaio ma le ‘au satukaio.
‘Ua Fa‘ailoa atu e Peteru o Iesu o le Keriso
(Mare 8.27-30; Luka 9.18-21)
13‘Ua maliu atu Iesu i le lau‘ele‘ele o Kaisareia Filipo, ‘ona fesili atu ai lea o ia i ona so‘o, “Pe se a le ‘upu a tagata i le Atali‘i o le tagata, po o ai?”
14‘Ona latou fai mai ai lea, “O le ‘upu a isi, o oe o Ioane le papatiso; a o isi, o Elia, a o isi, o Ieremia, po o se tasi o le ‘au perofeta.”#Mata 14.1-2; Mare 6.14-15; Luka 9.7-8
15‘Ona fetalai atu lea o Iesu ‘iā te i latou, “A o ‘outou, pe se a la ‘outou ‘upu ‘iā te a‘u, po o ai?”
16‘Ona tali mai ai lea o Simona Peteru, ‘ua fa‘apea mai, “O oe o le Keriso, o le Alo o le Atua soifua.”#Ioane 6.68-69
17‘Ona tali atu ai lea o Iesu, ‘ua fa‘apea atu ‘iā te ia, “‘Amu‘ia oe Simona Pāiona; auā e lē se tagata na ia fa‘aali atu ai ‘iā te oe, a o lo‘u Tamā o i le lagi. 18‘Ou te fai atu ‘ia te oe, o Peteru#16.18 Peteru: mai le gagana Eleni Petros, gagana Arama Kēphas, o lona uiga o le “Papa.” oe, ‘ou te ati a‘e fo‘i la‘u ekalesia i luga o lenei papa, e lē mafai fo‘i e faitoto‘a o seoli#16.18 seoli: mai gagana Eleni “hades,” o lona uiga nofoaga o ē ‘ua oti. ‘ona manumālō i ai. 19‘Ou te avatu fo‘i ‘ia te oe ki o le mālō o le lagi; so‘o se mea fo‘i ‘e te fusifusia i le lalolagi, e fusifusia fo‘i lea i le lagi, o se mea fo‘i ‘e te tatala i le lalolagi, e tatalaina fo‘i lea i le lagi.”
20‘Ona vavao atu ai lea e Iesu i ona so‘o, ‘aua ne‘i latou ta‘uta‘u atu i se tasi, o ia o le Keriso.
‘Ua Fa‘ailoa e Iesu ona Tigā ma lona Maliu
(Mare 8.31—9.1; Luka 9.22-27)
21O ona po ia na amata ai e Iesu ‘ona fa‘ailoa atu i ona so‘o, e tatau ‘ona alu o ia i Ierusalema, e fa‘atigāina fo‘i i mea e tele e toeaina ma le ‘au ositaulaga sili, ma le ‘au tusi‘upu, e fasiotia fo‘i o ia, e fa‘atūina fo‘i o ia i le aso tolu.
22‘Ona ta‘ita‘i ane ai lea e Peteru ‘iā Iesu, ‘ua vavao ‘iā te ia ‘ua fa‘apea mai, “Le Ali‘i e, ‘ia mamao ‘iā te oe lea mea; e lē o‘o lenā mea ‘iā te oe.”
23‘Ona fāliu atu lea o Iesu, ‘ua fa‘apea atu ‘iā Peteru, “Satani e, ‘inā alu ia oe i o‘u tua, ‘ua fai oe ma mea ‘ou te tausuai ai; auā e lē o mea a le Atua ‘e te loto i ai, a o mea a tagata.”
24‘Ona fetalai atu ai lea o Iesu i ona so‘o, “‘Ai sē tasi e fia mulimuli mai ‘iā te a‘u, ‘ia fa‘afiti o ia ‘iā te ia ma ‘ave lona satauro, i le mulimuli mai ai ‘iā te a‘u.#Mata 10.38; Luka 14.27 25Auā ‘ai sē fia fa‘asaogalemūina lona ola, e māumau ai ‘iā te ia; a o lē fa‘amaumau lona ola ‘ona o a‘u, e maua ai e ia.#Mata 10.39; Luka 17.33; Ioane 12.25 26Auā se a le aogā i le tagata pe ‘āfai na te maua le lalolagi uma, ‘ae māumau ai lona ola? Se a fo‘i se mea e avatu e le tagata e togiola ai lona ola?
27“Auā e sau le Atali‘i o le tagata fa‘atasi ma ana agelu i le mamalu o lona Tamā; ‘ona tauia lea e ia ta‘itasi e tusa ma lana galuega.#Mata 25.31; Sala 62.12; Roma 2.6 28E moni, ‘ou te fai atu ‘iā te ‘outou. O lo‘o tutū mai ‘i‘inei nisi e lē o‘o ‘iā te i latou le oti se‘ia latou va‘aia le Atali‘i o le tagata ‘ua sau i lona mālō.”
اکنون انتخاب شده:
Mataio 16: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.