روملولارا 7
7
شرئعتدن آزاد اولماق
1ای قارداشلار، مگر بونی بئلمئرسئز- شرئعتی بئلَنلره دیئرم - کی شرئعت آنجاق آدام دئری اولاندا اونون اوستونده حاکئمئیّتی وار؟ 2مثلن، اَرلی آرواد قانونا گؤره اَرئنه او زاماناجاق باغلیدیر کی، او، دئریدئر؛ آمّا اَری اؤلدویی زامان، آرواد عقد قانونوندان آزاددیر. 3بونا گؤره، اگر آرواد، اَری دئری اولاندا، آیری بئر آداما اَره گتسه، زئناکار چاغیریلار. آمّا اگر اَری اؤلسه، آرواد قانوندان آزاد اولور و آیری بئر آداما اَره گتدئیی واخت زئناکار اولمور.
4اِله اوجور ده سئز ده قارداشلاریم، مسئحئن بدنئنئن واسئطهسی ائنن شرئعته اؤلوبسوز کی، بئر آیری سینینکی اولاسیز، یعنی اؤلولردن دئرئلمئش اولان مسئحئنکی اولاسیز، اِله کی، تاری اوچون ثمره گتئرهسئز. 5چونکی بئز جئسمده یاشایاندا، گوناهلی هاوا-هوسلر کی، شرئعتئن واسئطهسی ائنن آشکار اولموشدی، عوضولرئمئزده فعّال ائدی کی، اؤلوم اوچون ثمره گتئرک. 6امّا ائندی، اسئری اولدوغوموز شرئعته اؤلوب، اوندان آزاد اولدوق، اله کی، یازیلی شرئعتئن کؤهنه یولوندا یوخ، تارینین روحونون تزه یولوندا قوللوق الهیک.
گناه ائنان موبارئزه الهمک
7بس نه دئیک؟ مگر شرئعت گوناهدیر؟ اصلا! شرئعت اولماسایدی، گوناهین نه اولدوغونی بئلمزدئم. چونکی اگر شرئعت «طاماح اله مه» دمهسَیدی، طاماحین نه اولدوغونی آنلامازدیم. 8آمّا گوناه فورصت تاپیب، بو حؤکمون واسئطهسی ائنن منده جوربهجور طاماحی بارا گتئره؛ چونکی شرئعت اولماسا، گوناه اؤلودور. 9بئر زامان شرئعتده اولمایاندا، من دئری ائدئم، آمّا او حؤکم گلن واخت، گوناه دئرئلدی و من اؤلدوم. 10بله ده او حؤکم کی، منه حیات گتئرمک اوچون ائدی، منه اؤلوم گتئردی. 11چونکی گوناه او حؤکمون واسئطهسی ائنن فورصت تاپیب منی آلداتدی و اونونان منی اؤلدوردی. 12پس شرئعت موقدّسدئر، حؤکم موقدّس، صالح و یاخشیدیر.
13پس آیا یاخشی اولان شی منه اؤلوم گتئردی؟ اصلا! گوناه منه یاخشی شیئن واسئطهسی ائنن اؤلوم بارا گتئردی، اله کی بله گوناهین گوناهلیغی، معلوم اولا و شرئعت حؤکمونون طرئقئندن گوناهین پئسلئیی نهایت درجه ده تانینا.
14بئز بئلئرئک کی، شرئعت روحانیدئر؛ آمّا من جئسمانییَم، نؤکر کئمی ده گوناها ساتیلمیشام. 15چونکی نه الهدئیئمی آنلامیرام؛ ائستهدئیئم شیی اله مئرم، آمّا نئفرت الهدئیئم ائشی گؤرورم. 16ائندی اگر ائستمهدئیئم ائشی گؤرورم، اوندا تصدئق الهیئرم کی، شرئعت یاخشیدیر. 17بونا گؤره ده، اونا عمل الهین آرتیق من دیئلم، منده اولان گوناهدیر. 18بئلئرم کی، منده، یعنی جئسمئمده یاخشی هچ بئر شی یاشامیر. چونکی یاخشی شی الهمهیئن ائستهیی منده وار، آمّا اونی الهمهیه قادئر دیئلم. 19چونکی ائستهدئیئم یاخشی شیی اله مئرم، آمّا ائستمهدئیئم پئس ائشی گؤرورم. 20آمّا اگر ائستمهدئیئم شیی الهیئرم، اونی الهین آرتیق من یوخ، منده اولان گوناهدیر.
21پس بو قانونا یتئشئرم: یاخشیلیق الهمک ائستهین حالدا، منده پئسلئک حاضیردیر. 22چونکی ائچئمدهکی وارلیغیم تارینین شرئعتئندن کف الهیئر، 23آمّا عوضولرئمده آیری رقم بئر قانون دا گؤرورم کی، عاغلیمین تصدئق الهدئیی شرئعت ائنن موبارئزه الهیئر و عوضولرئمده اولان گوناهین شرئعتئنه منی اسئر الهیئر. 24نه یازیق بئر آدامام من! اؤلومون بو بدنئندن منی کئم خئلاص اِلئیهجک؟ 25ربّئمئز عئسا مسئحئن واسئطهسی ائنن تارییا شوکور اله یئرم!
بله ده، من اؤز عاغلیم ائنان تارینین شرئعتئنه، آمّا جئسمانی طبئعتئم ائنن گوناهین شرئعتئنه قوللوق الهیئرم.
اکنون انتخاب شده:
روملولارا 7: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company