یوحنّا روایت 9
9
آنادان کور دوغولموش آدام
1عئسا یولدا گدنده، آنادان کور دوغولموش بئر آدام گؤردی. 2اونون شاگئردلری اوندان سوروشدولار: «اوستاد، کئمئن گوناهی اوزوندن بو آدام کور آنادان اولدی؟ اونون اؤزونون؟ یوخسا آتا-آناسینین؟» 3عئسا جاواب وردی: «نه بو آدام گوناه الهدی، نه ده آتا-آناسی؛ او، آنادان کور اولدی کی، تارینین ائشلری اونون حیاتیندا گؤرونسون. 4مادام کی، گوندوزدور، منی گؤندَرهنئن ائشلرئنه مشغول اولمالییام؛ گجه گلئر کی، او زامان هچ کس ائشلیه بئلمز. 5او زاماناجاق کی دونیادایام دونیانین نورویام.» 6بو سؤزلری دئیندن سورا، عئسا یره توپوروب، توپورجک ائنن پالچیق دوزَلتدی و کورون گؤزونه سورتدی. 7و اونا ددی: «گت و گؤزلرئنی سئلوآم یعنی گؤندَرئلمئش حوووضوندا یو.» پس کور آدام گدئب یودی و گؤزی آچیلمیش گلدی.
8قونشولار و کور آدامین یولچولوق الهدئیئنی قاباقدان بئلنلر دیئردئلر: «مگر بو اوتوروب یولچولوق الهین همن آدام دیئل؟» 9بعضئلری «اودور» دیئردئلر. بعضئلری ده دیئردئلر: «خیر، بو، او کور آداما اوخشایان بئر آدامدیر.» آمّا او اؤزی «من اِله او آدامام» دیئردی. 10اونون اوچون کور آدامدان سوروشدولار: «بس نجه گؤزلرئن آچیلدی؟» 11او، جاواب وردی: «عئسا دیئلن آدام پالچیق دوزَلدئب گؤزومه سورتدی و منه ددی؛ ”گت، سئلوآم حوووضوندا یو.“ من ده گدئب یودوم و او زامان گؤزلرئم آچیلدی.» 12اولار اوندان سوروشدولار: «او آدام هاردا دیر؟» ددی: «بئلمئرم.»
13پس قاباقدان کور اولان آدامی فرئسئلرئن یانینا آپاردیلار. 14عئسا پالچیق دوزَلدئب کور آدامین گؤزلرئنی آچدیغی گون، موقدّس شنبه گونی ائدی. 15اونون اوچون ده فرئسئلر گؤزلرئنئن نجه آچیلدیغینی گئنه سوروشدولار و او دا فرئسئلره ددی: «گؤزلرئمئن اوستونه پالچیق سورتدی و یودوم و ائندی گؤرورَم.» 16او واخت فرئسئلردن بعضئلری ددئلر: «بو آدام تاری طرفئندن دیئل، چونکی شنبه گونونی ساخلامیر.» آمّا بعضئلری ده ددئلر: «گوناهکار بئر آدام نجه بله مؤجوزهلر الئیهبئلر؟» 17او واخت کور آداما گئنه ددئلر: «سنئن گؤزلرئنی آچان آدامین حاقّیندا اؤزون نه دیئرسن؟» جاواب وردی: «او آدام بئر پیغمبردئر.»
18یهودئلرئن ریئسلری او آدامین قاباقدان کور اولدوغونا و ائندی گؤزلرئنئن آچیلدیغینا ائنانمادیلار، اونون اوچون ده گؤزلری آچیلمیش آدامین آتا-آناسینی چاغیریب، 19سوروشدولار: «سئزئن ددئیئز آنادان کور دوغولان اوغول بودور؟ بس ائندی نجه گؤرور؟» 20او آدامین آتا-آناسی جاواب وردئلر: «بو آدامین بئزئم اوغلوموز اولدوغونی و آنادان کور دوغولماسینی یقئن بئلئرئک. 21آمّا ائندی بئلمئرئک کی، نجه گؤرور و کئم اونون گؤزلرئنی آچیب. اؤزوندن سوروشون. او اؤزی حدّی-بولوغا چاتمیش بئر آدامدیر. اؤزی حاقّیندا قوی اؤزی دانیشسین.» 22او آدامین آتا-آناسی بو سؤزی یهودئلرئن قورخوسوندان ددئلر. چونکی یهودئلرئن ریئسلری بله قرار قویموشدولار کی، عئسانین مسئح اولدوغونا ائنانان هر کس کنئسهدن قووولسون. 23بو سببدن او آدامین آتا-آناسی ددئلر: «اونون اؤزوندن سوروشون؛ او اؤزی حدّی-بولوغا چاتمیش بئر آدامدیر.»
24اونون اوچون قاباقدان کور اولان آدامی ائکئنجی دفه چاغیردیلار و اونا ددئلر: «جلالی تارییا ور! بئز بو آدامین گوناهکار اولدوغونی بئلئرئک.» 25او واخت او آدام اولارا ددی: «اونون گوناهکار اولوب اولمادیغینی بئلمئرم. آنجاق بئر شی بئلئرم، کور ائدئم، ائندی گؤرورم.» 26فرئسئلر اوندان سوروشدولار: «او، سنه نه الهدی؟ گؤزلرئنی نجه آچدی؟» 27اولارا جاواب وردی: «سئزه ائندی ددئم؛ مگر قولاق آسمادیز؟! نئیه گئنه اشئتمک ائستهیئرسئز؟ یوخسا سئز ده اونون شاگئردلری اولماق آرزوسونداسیز؟!» 28فرئسئلر او آدامی سؤیوب ددئلر: «او آدامین شاگئردی سنسن! بئز موسا پیغمبرئن شاگئردلرییئک. 29بئز تارینین موسا پیغمبر ائنن دانیشدیغینی بئلئرئک. آمّا بو آدامین هاردان اولدوغونی بئلمئرئک.» 30او آدام جاواب ورئب اولارا ددی: «اله تعجّوبلوسی ده بودور! سئز بو آدامین هاردان اولدوغونی بئلمئرسئز، حال بو کی، بو آدام منئم گؤزلرئمی آچیب. 31بئز یاخشی بئلئرئک کی، تاری گوناهکار آداملارا قولاق آسماز. تاری او آداما قولاق آسار کی، اونا عئبادت الهیئر و اونون ائستهدئیئنی یرئنه یتئرئر. 32عالمئن باشلانیشیندان هچ کس اشئتمهیئب کی، آنادان کور دوغولموش بئر آدامین گؤزلری آچیلسین. 33اگر بو آدام تاری طرفئندن اولماسایدی، هچ بئر شی الئیهبئلمزدی.» 34فرئسئلر اونا جاواب ورئب ددئلر: «ائندی سن بئزه درس ورئرسن، سن کی، تامامن گوناه ائچئنده دوغولوبسان؟!» پس اونی اشئیه سالدیلار.
35عئسا او آدامین اشئیه سالیندیغینی اشئتدی و اونی تاپیب ددی: «آیا تارینین اوغلونا ائمان گتئرئرسن؟» 36او آدام جاواب ورئب ددی: «آغا، او کئمدئر کی، اونا ائمان گتئرئم؟» 37عئسا اونا ددی: «سن اونی گؤروبسن! سن ائنن دانیشان او اؤزودور.» 38او آدام ددی: «یارب، ائمان گتئرئرم.» و عئسایا سجده الهدی.
39عئسا ددی: «من بو دونیایا حؤکم الهمک اوچون گلمئشم، اله کی، گؤرمهینلر گؤرسونلر و گؤرنلر کور اولسونلار.» 40یانیندا اولان بعضی فرئسئلر بو سؤزلری اشئدئب اونا ددئلر: «یوخسا بئز ده کوروق؟!» 41عئسا اولارا ددی: «اگر کور اولسایدیز، گوناهیز اولمازدی. آمّا ائندی کی، ”گؤروروک“ دیئرسئز، گوناهیز اوستوزده قالیر.»
اکنون انتخاب شده:
یوحنّا روایت 9: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
