نامَه اَفسوسی کلیسارا 6
6
خِردَنون و دَده نَنَه
1اَی خِردنن، خداوندی دلَکا اِشتَن دَدَ نَه نَه کا ایطاعت بکَرَ، اِمی خونه کن درِسته کار اِمَه. 2«اِشتَن دَدَ و نَنَه ایحترام بکَه.»، کن اِم، وعدنه، اولین حِکمه: 3«تا خَسمند آبی و زَمینی سَردِرِ دِرازَ عمر بداری.»
4دَدَ اِن، اِشتَن خِردَنون برضَخ آنِکرَ، بَلکَم خداوندی تعلیم و تربیتینَه اوون یال آکَرَ.
وَزییَرِن و اَربابِن
5اَی وَزییَرِن، زَمینی سَردِرِ اِشتَن زمینیَه اربابون ترسینَه، و صدق دِلینه، ایطاعَت بکرَ، هته کن مسیح کا ایطاعَت بَکَرون. 6و اِمی نی، نِه تاکَه هَنگومی کن چَوون چَم شِمکارَ، و یا اَیِنی شیوار کن آدَمی راضی آکَردِ دوملَه این، بَسکم هنته مسیح وَزییَرون شیوار، کن خدا ایرادَ جانو دلینَه اَنجوم دَرِن. 7چاکَه نییَّتینه خیدمت بکرَ، اَنه کن اینگار خداوندی خیدمت بَکَرون نِه اینسانی، 8اِمی خونه کن بَموستیرون هر کَم چاکی بکرِ، چَی عَوضی خداوندیکا ویرَگَت، چه وزییَر ببو چه آزاد ببو.
9اَی اربابِن، شمَه اِشتَن وَزییَرونَّه هِنترَکه رفتار بکرَ، و چَوون تهدید کردِکا دست پِگِرَ، چون بَموستیرون اَ کن هِم چَوون اَربابَه و هِم شمَه اَرباب، آستامونیکارَ، و اَ هیچ کَسی سَردِرِ فرق نیَه نا.
خدا تمام کمالَ اسلحه
10آخیر بَسَر خداوندیکا و اَ زبقیکا کن چَی خِنَریکا آ، قودور آبَه. 11خدا اسلحَه کامیل دکرَتا بشوعَه ابلیسی حیلَه اون ناریکا پا بومونه. 12اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون. 13پس خدا اسلحَه کامیل دکَرَ، تا آوشَرَ روجیکا بشوعَه آمبست مندِ، وبشوعَه گردِ چییون اَنجوم بِه بَه دوملَه، پا برجا بومونَه. 14پس آمبست بومونَه، هته کن حَییقتی دالَه دبستِرون و صالح بِه زرِه دکردِرون، 15اِنجیلی صلح و سلامتی هنتَه ایلَه پاغَبی شیوار دکرَ، ایی جوری کن اینگار چَی اییلام کردِرا آمادَ ایرون. 16هر وضعییَتیکا، ایمانی سپَری پگِرَ، تا بشوعَه بَینه، اَ آوشَری آرا گتَه تیرون گردی دکِشَه. 17نیجاتی کِلاخودی اِشتَن کلَه کا آنرَ و روح شمشیری کن هه خدا کلامَه، بالیکا بدارَ. 18و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.
19مِرا نی دِوا بکرَ، تا هر موقه گف ژِرا اِشتَن گَوی آج آمکَرد، اَ کلامی زبقی بمِن آدَن، تا انجیلی رازی جورئَتینه اییلام بکَم، 20هَه انجیلی کن اَز چَی سَفیریمه، هر چَنَه زِنجیلیکام، دِوا بکرَ هَته کن چَی شئنَه، اَی جورئَتینه اییلام بکَم.
آخِرین گَفِن
21اِمی خونه کن چمن حالیکا باخبر ببَه و بزنَه کن چِه بَکمَه، تیخیکوس کن خاجَتیَه برا و خداوندی وفادارَ پاسَریَه، گردِ چییون بشمَه باتیَه. 22اَز بَی، هِم منظوری خونه شمه وَر رونَه بَکم تا چمن حالیکا باخبر ببَه، و تا اَ بشمَه آلاونِه.
23خدای دَدَ طَرَفیکا و خداوند عیسی مسیح طَرَفیکا، برا اونرا صلح و سلامتی و موحبت، ایمانینَه ببو. 24چَی فیض گردِ اَیِنی نَه ببو کن چَمَه خداوند عیسی مسیح، اَ موحبتینه کن نیفیت آنییَب رَی بَداشتینَه.
اکنون انتخاب شده:
نامَه اَفسوسی کلیسارا 6: CTB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company