آیات محبوب کتاب مقدس از نامَه اَفسوسی کلیسارا 6

به اشتراک گذاشتن

اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.

خدا اسلحَه کامیل دکرَتا بشوعَه ابلیسی حیلَه اون ناریکا پا بومونه.

پس خدا اسلحَه کامیل دکَرَ، تا آوشَرَ روجیکا بشوعَه آمبست مندِ، وبشوعَه گردِ چییون اَنجوم بِه بَه دوملَه، پا برجا بومونَه.

هر وضعییَتیکا، ایمانی سپَری پگِرَ، تا بشوعَه بَینه، اَ آوشَری آرا گتَه تیرون گردی دکِشَه. نیجاتی کِلاخودی اِشتَن کلَه کا آنرَ و روح شمشیری کن هه خدا کلامَه، بالیکا بدارَ.

پس آمبست بومونَه، هته کن حَییقتی دالَه دبستِرون و صالح بِه زرِه دکردِرون، اِنجیلی صلح و سلامتی هنتَه ایلَه پاغَبی شیوار دکرَ، ایی جوری کن اینگار چَی اییلام کردِرا آمادَ ایرون.

آخیر بَسَر خداوندیکا و اَ زبقیکا کن چَی خِنَریکا آ، قودور آبَه.

«اِشتَن دَدَ و نَنَه ایحترام بکَه.»، کن اِم، وعدنه، اولین حِکمه: «تا خَسمند آبی و زَمینی سَردِرِ دِرازَ عمر بداری.»

اَی خِردنن، خداوندی دلَکا اِشتَن دَدَ نَه نَه کا ایطاعت بکَرَ، اِمی خونه کن درِسته کار اِمَه.