Efeso 1
1
1Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos.
Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:#1:1 Basaán tu Gimet 18:19-21, 19:1.
2Magkahod kam nakwa ti pagpapala sakay kapayapaan a gábwat tu Diyos a Ama tam sakay tu Panginoon tam a ti Jesu-Cristo.
U Págpapala hide a Ispiritwal tu Pamamag-itan ni Cristo
3Magpasalamat kitam tu Diyos sakay Ama nu Panginoon tam a ti Jesu-Cristo! Impagkaluub na nikitam u atanan a págpapala a ikapiya tam a gábwat ti langet dipo tu pákpagkaessa tam ni Cristo.#1:3 Basaán tu 2 Corinto 1:3. 4Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos, 5ay naplanu na dán tu itod a gimitán kitam a anak na tu pamamag-itan ni Jesu-Cristo ayun tu layunin sakay tu kaluuban na.#1:5 Basaán tu Exodo 4:22. 6Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.#1:6 Basaán tu Colosas 1:13.
7Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,#1:7 Basaán tu Colosas 1:14 8a impabate na nikitam! Inatádden na kitam ti karunungan sakay pangintendi. 9Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo, 10káddemát nu netakda a panahun. U plano nu Diyos ay pagessaan na u atanan a bagay a katoy ti langet sakay ti lutaáy sakay ipasakup na ni Cristo.#1:10 Basaán tu Galacia 4:4.
11Dipo ni Cristo, ay nagin sakup kame nu Diyos a nanggimet tu atanan a bagay ayun tu plano sakay kaluuban na. Nangyare iye nikuna piliyán na kame tu itod pa.#1:11 Basaán tu Awit 33:11. 12Ginimet na iye para hikame a nedipalongo a simmampalataya ni Cristo ay magpure nikuna dipo tu kapangyariyan na.
13Hikam be ay nagin sakup nu Diyos dipo nikuna masaneg moy u Maganda a Baheta nu kaligtasan ay simmanpalataya kam ni Cristo. Kanya impagkaluub nikam u Banal a Ispirito a inpananto nu Diyos bilang tanda a pinile na kam. 14U Banal a Ispirito u katibayan a matanggap tam a gábwat tu Diyos u impanantu na hide hanggan makao tam u ganap a kaligtasan. Kaya puriyán tam u makapangyariyan a Diyos.#1:14 Basaán tu 2 Corinto 1:22.
U Dasal ni Pablo
15Kanya sapul nikuna mabaheta ko u pánnampalataya moy tu Panginoon tam a ti Jesus sakay tu págmahal moy tu atanan a sakup hide nu Diyos,#1:15 Basaán tu Colosas 1:9. 16ay awanák ti imang a mágpapasalamatán tu Diyos dipo nikam. Sakay palagi takam la a idáddasal.#1:16 Basaán tu Colosas 1:3. 17Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto. 18Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.#1:18 Basaán tu Deuteronomio 33:3. 19Sakay ipagdasal ku be a matukuyan moy u awan ti kahád a kapangyariyan na nikitam a manalig nikuna. Itod be a kapangyariyan, 20u nangbiyag a huway ni Cristo sakay nangpaetnod nikuna tu kawanan nu Diyos ti langet.#1:20 Basaán tu Awit 110:1. 21Kanya sakup nu kapangyariyan ni Cristo u atanan a pághare, pámmahala, kapangyariyan, sakay pámmuno. Siya u pinakamataas a ngahan, bakán la ti panahunan iye nan pate tu pademát pa.#1:21 Basaán tu Colosas 1:6, 2:10, 15. 22Impasakup be nu Diyos tu kapangyariyan ni Cristo u atanan a bagay, sakay siya u indátton na a puno tu mánnampalataya hide.#1:22 Basaán tu Awit 8:6, Colosas 1:18. 23Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.#1:23 Basaán tu Roma 12:5, Colosas 2:17.
اکنون انتخاب شده:
Efeso 1: MBJC
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Pahanan Agta New Testament © Philippine Bible Society and Wycliffe Bible Translators, Inc., 2017.