Псалми 40
40
ПСАЛМ 40
Жалење поради лоши непријатели и неверни пријатели
1За крајот: псалм на Давид.
2 #
Изреки 14,21; Тов 4,7-11 Блажен е оној што го разбира сиромавиот и бедниот;
во злочест ден Господ ќе го избави.
3 #
26,12
Господ ќе го запази и ќе го поживее
и блажен ќе го направи на земјата;
и нема да го предава во рацете на непријателите негови.
4Господ ќе му помогне кога лежи болен в постела.
Сето негово легло, заедно со болеста негова, Ти си го променил.
5 #
6,2; 29,2 Јас реков: „Господи, помилуј ме,
исцели ја душата моја, зашто Ти згрешив!“
6 #
30,11-13; 37,16-19; Ер 20,10 Моите непријатели зборуваа лошо за мене:
„Кога ќе умре и кога ќе загине името негово!?“
7И оној што влегуваше за да види, зборуваше бесмислици;
срцето негово собра беззаконие во себе,
па излегуваше надвор и го зборуваше истото.
8Сите непријатели мои шепотеа против мене,
против мене смислуваа зло.
9Незаконито слово произнесоа против мене:
„Нели овој што спие нема веќе да стане?“
10 #
37,11; 54,13; Мк 14,18; Јн 13,18 Па дури и човекот на мојот мир, на кого се надевав,
оној што го јадеше лебот мој –
и тој ја подигна својата пета за да ме препне.
11А Ти, Господи, помилуј ме и подигни ме,
па ќе им возвратам.
12По ова познав дека сум Ти мил –
бидејќи непријателот мој не се ситеше на мене;
13 #
71,18-19; 88,52; 105,48; Дан 2,20; Лк 1,68 поради мојата незлобливост Ти си ме прифатил
и си ме утврдил пред Себе довека.
14Благословен е Господ, Бог Израилев, од века и довека!
Нека биде, нека биде!
اکنون انتخاب شده:
Псалми 40: MAK2024PS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Македонско библиско здружение 2024