प्रेरित 1
1
1मान्यागुन्न्या थियोफिलस, इसुले काम सुरु गर्यार उनुकन सोर्ग नल्हिइनु भुन्दा पैला उनुले गर्या काम र सिकाया स्हबै कुडाहरुका बार्यामै मेरो पैलो किताबमै लेख्या छु।#१:१ थियोफिलसकन लेख्या पैलो किताब लुकाको किताब हो (लुका १:३)।
2इसु सोर्गमै ल्हिइनु भुन्दा अग्यार उनुले छान्या मुख्य चेलाहरुकन पबित्त आत्माको सक्तिबाट आग्या दिया। 3इसुले दुख स्हइ क्रुसमै मर्या पछि आम्ना चेलाहरुका अगाडि आपु ज्युँदा भया पक्का चिनारिहरु दिया। चालिस दिनस्हम्म इसु तिनुहरुति मथ्थै चोटि देखाला पड्या अनि परमेसोरको राज्याको बार्यामै तिनुहरुकन भुन्या। 4एक चोटि इसुले मुख्य चेलाहरु स्हात खच्च खान बस्याबेला यइथो हुकुम दिया, “मेरा बाबाले पबित्त आत्मा दिन्छु भुनि गर्या बाचा पुरा नभया स्हुम्म तुमिहरु यरुसलेम छोडि काँइ नगया। यइखा बार्यामै तुमिहरुले मोइबाट स्हुनि स्हक्याछौं। 5क्यानभुन्या युहन्नाले त पानिले बप्तिस्मा दिया, तर अब केइ दिनपछि तुमिहरुले पबित्त आत्माको बप्तिस्मा#१:५ पबित्त आत्माको बप्तिस्मा पबित्त आत्माको बप्तिस्माको बार्यामै प्रेरित २:१-१३ पदमै लेख्याछ। पाउन्याछौं।”
इसु सोर्ग ल्हिइया
6जब मुख्य चेलाहरु जुम्मा भया, तब तिनुहरुले इसुकन स्होद्या, “या प्रभु, क्या तुमिले यइबेला इस्राएल राज्याकन पैलाकै जैथो बुनाउन्या हौ?”
7इसुले तिनुहरुकन भुन्या, “मेरा बाबाले आम्नो अदिकारले तोक्या सुमय जान्न्या काम तुमिहरुको हैन। 8तर पबित्त आत्मा तुमिहरुमै आयापछि तुमिहरुले सक्ति पाउन्याछौ, र तुमिहरु यरुसलेममै, पुरै यहुदियामै, सामरियामै र धत्तिको उन्तिम छेउस्हम्मै मेरा बार्यामै भुन्न्याछौ।” 9इसुले यिँ कुडा भुनि स्हक्यापछि, तिनुहरुले हेद्दा हेद्दै इसु सोर्गतिर उठाइया, र बादलमै तिनुहरुका अगाडि बिलाया।
10जब तिनुहरुले इसुकन सरगतिर गइरया यकोरो हेद्दैछिया, तब एक्कासि सेता टाला लाया दुइजुना मान्ठ#१:१० सेता टाला लाया दुइजुना मान्ठ यि सोर्गका रैबार्या छिया। तिनुहरुका अगाडि ढुक्या। 11तिनुहरुले भुन्या, “गालिलका मान्ठौ, तुमिहरु क्यान सरगतिर हेद्दै उबियाछौ? यिँ इसु, जो तुमिहरुबाट सोर्गमै ल्हिइया, अइले ज्यागरि तुमिहरुले इसुकन सोर्गमै गया देख्यौं, तेइथैगरि इसु फेरि आउन्याछुन्।”
यहुदाको स्हट्टा मतियासकन छान्या
12तब मुख्य चेलाहरु जैतुन डाँडा छोडि यरुसलेमतिर गया। यइ डाँडो यरुसलेम देखि लगबग एक किलोमिटर टाडा छियो। 13यरुसलेम सहर भित्त पस्यापछि तिनुहरु घरको हपल्ला तला आपु बैन्या कोठामै उल्क्या। तिनुहरु पत्तुरुस, युहन्ना, याकुब, अन्द्रियास, फिलिप, थोमा, बारथोलोमाइ, मत्ति, अल्फायसको छोरा याकुब, देसकन माया गन्न्या दलका सिमोन अनि याकुबको छोरो यहुदा छिया। 14इसुकि आमा मरियम, अरु स्हैनिहरु र इसुका भाइहरु स्हबै जुना एकै मुनका भैकन बाद्दिनै प्रार्थना गद्दाछिया।
15केइ दिनपछि ताँइ लगभग एक सय बिस जुना प्रभु इसुमै बिसास गन्न्या मान्ठहरु खेडिया छिया, र तिनुहरुका म्हाँजौनो पत्तुरुस उठ्यार भुन्या, 16“दाजु भाइ हौ, इसुकन पक्डाउ गन्न्या मान्ठहरुको अगुवा यहुदाको बार्यामै दाउद राजाले पबित्त आत्माबाट धर्मसास्तरमै पैलै भुन्याछिया। यि कुडा पुरा हुनै पड्न्याछियो। 17क्यानकि तेइ हामि स्हातै छियो र हामि स्हातै सेबा गद्दो छियो।”
18यहुदाले पाप गरि कुमाया धुनबाट एक जग्गा किन्यो। ताँइ उँदो मुन्टो भैइ छत्तियो र तेइको लादो फुटि स्हबै आन्नाभुँडि निस्किकन मर्यो। 19यइ कुडा यरुसलेमका स्हबै मान्ठहरुले थाँ पाया। अनि तिनुहरुले तेइ जुमिनको नाउँ आम्नै भासामै आखेल्दामा राख्या। तेइको अथ्थ “रगतको खेत” हो।
20फेरि पत्तुरुसले भुन्या, “क्यानकि भजनको किताबमै यइथो लेख्याछ,
‘तेइको बैन्या ठौर अमल लाग्दो होस्,
र ताँइ बैन्या कोइ नहोस्,
तेइले पाया काम गन्न्या जुम्मा अक्कैले ल्हेओस्।’#भजनसंग्रह ६९:२५; १०९:८
21“यइबिअ हामिस्हात रन्या मान्ठहरुमद्दि यइथो एकजुनाकन छान्नुपड्छ, जो मान्ठ प्रभु इसु हामिस्हात भयाबेला जैलेपुनि हामिस्हातै हुन्छियो, 22या तेइ मान्ठ युहन्नाले बप्तिस्मा दिया सुमय देखि ल्हियार इसु हामिबाट उबो उठाइया दिनस्हम्म हामिस्हातै छियो। तेइ मान्ठले हामिस्हातै इसु मर्याबाट ज्युँदा भया हुन् भुनि स्हाँचि दिनु पड्डोछ।”
23तिनुहरुले दुइजुनाकन अगाडि राख्या। एक जुना योसेफ छिया, जैकन बारसाबास या युस्तस पुनि भुन्नाछिया, अनि अक्का मतियास छिया। 24अनि तिनुहरुले यइथोगरि प्रार्थना गर्या, “या स्हबै मान्ठहरुका हिर्दयका कुडा थाँ पाउन्या प्रभु, यिँ दुइ जुनामद्दि तुमिले कैकन छान्याछौ तेइ मान्ठ हामिकन देखाइदेउ। 25तेइ मान्ठले यइ सेबा र मुख्य चेलाहरुको काम गन्न स्हकोस्, क्यानभुन्या यहुदाले यइ काम छोडेर तेइ जाँको छियो तेइ ठौरमै मर्यो।”#१:२५ “यहुदा जाँको छियो तेइ ठौर मर्यो” भुन्नाले नरक जो तेइले पाउनु पड्न्याछियो। 26अनि तिनुहरुले तिँ दुइजुनाका नाउँमै गोला हाल्या र मतियासको नाउँमै पड्यो, र एगार मुख्य चेलाहरुस्हात तेइ थपियो।
اکنون انتخاب شده:
प्रेरित 1: JUML
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2024 (Active), Mother Tongue Translators Society and Wycliffe Bible Translators, Inc. All rights reserved.
