མཛད་པ། 1
1
ལེའུ་དང་པོ།
ངོ་སྤྲོད།
1-2སྐུ་ངོ་ཐེ་ཨོ་ཕི་ལུ། ངས་བྲིས་པའི་ཡི་གེ་དང་པོའི་ནང་ལེ་ཇོ་བོ་ཡེ་ཤུས་ཅི་མཛད་པི་དིང་། ཆོས་ཅི་གསུངས་པི་ཡེ་རེ་འགོ་བརྩམས་པ་ནས་ཕེན། ཁོང་གིས་བདམས་པའི་སྐུ་ཚབ་ཀྱ་ལེ་དམ་པའི་ཐུགས་ཉིད་བརྒྱུད་ནས་བཀའ་གནང་པི་མ་ཟད། ཁོང་རང་དཀོན་མཆོག་གི་ཞིང་ཁམས་ལེ་གདན་མ་དྲངས་པའི་ཉིན་མོའི་བར་གྱི་ལོ་རྒྱུས་དེ་བྲིས་འོད། 3ཡང་ཁོང་གདུང་མ་ཀུ་རུ་ཁ་ལེ་སྲོག་ཐོག་བཏང་བའི་རྗེས་ལེ། ཁོང་ཡང་དང་སྐུན་གསོན་པོ་བྱུང་བའི་སྐོར་དེ་སྐུ་ཚབ་ཀྱ་ལེ། ཁོང་གིས་ར་སྤྲོད་ཀྱི་རྟགས་མང་པོ་བསྟན་པི་མ་ཟད། ཉིན་མ་བཞི་བཅུའི་རིང་ཁོང་གིས་རང་གི་སྐུ་གཟུགས་དངོས་སུམ་དུ་སྐུ་ཚབ་ཀྱ་ལེ་བསྟན་ཏེ། དཀོན་མཆོག་གི་རྒྱལ་ཁྱབ་ཀྱི་སྐོར་ལེ་གསུངས་པི་དིག 4ཡང་ཁོང་རང་སྐུ་ཚབ་ཀྱ་དིང་སྐྱེན་ལེ་བཞུགས་པའི་དུས་ཤིག་ལེ། ཁོང་གིས་སློབ་མ་ཀྱ་ལེ། ངས་ཁྱེད་ཀྱ་ལེ་སྔོན་མ་ནས་སྨྲས་ཚར་རི་ཅོག་འདྲ། ངའི་ཨ་ཀྱིས་ཞལ་བཞེས་གནང་པི་དེ་མ་འགྲུབ་བར་དུ། ཁྱེད་ཀྱ་ཡེ་རུ་ས་གླིང་རྒྱལ་ས་དིང་ཁ་མ་འབྲལ་ལི་སྒུག་སྡོད་ཅིག 5ཡོ་ཧ་ནན་གྱིས་ཆུས་ཁྲུས་གསོལ་བྱས་པི་དིག ཡིན་ནའང་། དཀོན་མཆོག་གིས་དུས་ཡུན་མ་འགོར་རི་ཁྱེད་ཀྱ་ལེ་དམ་པའི་ཐུགས་ཉིད་ཀྱིས་ཁྲུས་གསོལ་གནང་གྱི་དིག་ཟིན་གསུངས་པི་དིག
ཇོ་བོ་ཡེ་ཤུ་དཀོན་མཆོག་གི་ཞིང་ཁམས་ལེ་གདན་དྲངས་པ།
6དེ་ནས་ཡེ་ཤུ་དིང་སྐུ་ཚབ་ཀྱ་སྐྱེན་ལེ་འཛོམས་རྒྱ། སློབ་མ་ཀྱ་ཀྱིས་ཡེ་ཤུ་ལེ། ཇོ་བོ། ཁྱེད་ཀྱིས་ཡི་སི་ར་ཨེལ་གྱི་རྒྱལ་ཁབ་འདི་ཡང་དང་བསྐྱར་གསོ་བགྱིད་རྒྱུ་དུས་དེ་ད་ལྟ་སླེབ་འགྲོ་བ་ཡིན་གས་ཟིན་ཞུས་ཕེན། 7ཁོང་གིས་སློབ་མ་ཀྱ་ལེ། ཡབ་ཀྱིས་རང་གི་དབང་ཆ་ལེ་བརྟེན་ཏེ་བཟོས་པའི་དུས་དིང་ཟླ་བ་ཚེས་གྲངས་དེ་ནི། ཁྱེད་ཀྱ་ཀྱིས་ཧ་གོ་བར་བགྱིད་དགོས་མེད་དིག 8ཡིན་ནའང་། ཁྱེད་ཀྱ་ལེ་དམ་པའི་ཐུགས་ཉིད་ཁྱབ་ཕེན་དབང་ཆ་ཐོབ་སྟེ། ཡེ་རུ་ས་གླིང་རྒྱལ་ས་དིང་། ཡ་ཧུ་དཱ་ལུང་པ། སཱ་མར་ཡཱ་ལུང་པ་ཡེ་རེ་དིང་། ཡང་ས་གཞི་མཐའ་བར་དུ། ཁྱེད་ཀྱ་ཀྱིས་ང་ལེ་དཔང་པོ་བགྱིད་ཀྱི་དིག་ཟིན་གསུངས་པི་དིག 9དེ་ནས་ཡེ་ཤུས་འོ་འདི་གི་གསུང་གནང་རྒྱ། ཁོང་ཀྱ་ཀྱིས་མིག་མཐོང་ས་ནས་དཀོན་མཆོག་གི་ཞིང་ཁམས་ལེ་ཡེ་ཤུ་གདན་དྲངས་ཕེན། སྤྲིན་ཞིག་གིས་ཁོང་ལེ་བསྒྲིབས་ཏེ་མཐོང་རྒྱུ་མེད་མེད་བྱུང་པི་དིག 10དེ་ནས་སྐུ་ཚབ་ཀྱ་ཀྱིས་ཡར་ནམ་མཁའ་ལེ་མིག་ལྟ་རྒྱ་དེ་ལོང་མེད་གོས་དཀར་པོ་གྱོན་འོད་ཡོད་མི་གཉིས་ཁོང་ཀྱ་ཀྱི་མདུན་ལེ་དངོས་སུམ་དུ་ཕེབས་འོངས་པི་དིག 11དེ་ནས་མི་དེ་གཉིས་ཀྱིས་ཁྱེད་ག་ལིལ་པ་ཀྱ་ཅིའི་ཆེད་དུ་ནམ་མཁའི་ཕྱོགས་ལེ་ལྟ་ཡིན་དོ། ཁྱེད་ཀྱ་ཀྱི་མདུན་ནས་དཀོན་མཆོག་གི་ཞིང་ཁམས་ལེ་ཕེབས་པི་ཅོག་འདྲ། ཡང་དང་ཇོ་བོ་ཡེ་ཤུ་ནམ་མཁའ་ནས་མར་ཕེབས་འོང་གི་ཁྱེད་ཀྱ་ཀྱིས་མཐོང་གྱི་དིག་ཟིན་གསུངས་པི་དིག
མད་ཐི་ཡཱ་ཟེར་མཁན་ཁོ་སྐུ་ཚབ་ལེ་བདམས་པ།
12དེ་ནས་ཁོང་ཀྱ་ཨོ་ལིབ་སྡོང་པོའི་དེའུ་ཟེར་ས་ནས་ཕར་ཡེ་རུ་ས་གླིང་ལེ་ལོག་པི་དིག ཡེ་རུ་ས་གླིང་དིང་ཨོ་ལིབ་སྡོང་པོའི་དེའུ་བར་ལེ་ཐགས་རིང་ལོད་སྐར་མ་བཅུ་ལྔ་ཚོད་འོད་དིག 13དེ་ནས་ཁོང་ཀྱ་ཡེ་རུ་ས་གླིང་རྒྱལ་ས་ལེ་སླེབས་ཕེན། ཁོང་ཀྱ་སྡོད་ས་དེའི་ཐོག་ཁང་གི་ནང་ལེ་བུད་དིག དེ་རུ་སྡོད་མཁན་ཀྱ་ནི། པེ་ཏྲོ་དིང་། ཡོ་ཧ་ནན། ཡ་ཀོབ། ཨན་དྲི་ཡཱ། ཕི་ལིབ། ཐོ་མཱ། པཱར་ཐོ་ལོ་མཱ། མད་ཐཱ། ཨལ་ཕཱ་ཟེར་མཁན་གྱི་བི་ས་ཡ་ཀོབ་དིང་། བརྩོན་འགྲུས་ཅན་སི་མོན། ཡ་ཀོབ་ཀྱི་བི་ས་ཡུ་དཱ་ཟེར་མཁན་དེ་ཀྱ་ཡིན་དིག 14ཡང་ཁོང་ཀྱ་ཀྱི་སྐྱེན་ལེ་ཡེ་ཤུའི་ཡུམ་མིར་ཡམ་དིང་། ཁོང་གི་སྤུན་མཆེད་ཀྱ་དིང་། ཡང་བུ་མའ་ཁ་ཤས་དིང་སྐྱེན་ལེ་བསྡད་དེ་ནམ་རྒྱུན་ཅོག་འདྲ། བློ་སེམས་གཅིག་མཐུན་ངང་ནས་གསོལ་བ་སྨོན་ལམ་འདེབས་གྱོ་འོད་དིག
15དུས་དེ་རྒྱ་དད་པ་བགྱིད་མཁན་བརྒྱ་དིང་ཉི་ཤུ་ཚོད་སྐྱེན་ལེ་འཛོམས་འོད་དིག དེ་ནས་པེ་ཏྲོ་ཁོ་རང་མི་དེ་ཀྱ་ཀྱི་དཀྱིལ་ནས་ཡར་ལངས་ཏེ། 16-17ཁྱེད་དད་སེམས་གཅིག་པའི་སྤུན་ཟླ་ཀྱ། རྒྱལ་པོ་དཱ་བིད་ཀྱི་བརྒྱུད་ནས་དམ་པའི་ཐུགས་ཉིད་ཀྱིས་སྔར་དཀོན་མཆོག་གི་གསུང་རབ་ནང་ལེ། ཡུ་དཱ་ཟེར་མཁན་གྱི་སྐོར་ལེ་ལུང་བསྟན་གནང་པི་དེ་ནི་ངོ་ཐོག་འགྲུབ་དགོས་འོད་དིག ཁོ་རང་ནི་འུ་ཀྱ་ཀྱི་གྲལ་དུ་བརྩིས་ཏེ་ཡེ་ཤུའི་གཏམ་བཟང་སྤེལ་རྒྱུ་ལས་འགན་འདི་ལེ་ཞུགས་རྒྱུ་སྐལ་བ་ཐོབ་པི་དིང་། ཡེ་ཤུ་ལེ་འཛིན་བཟུང་བགྱིད་མཁན་ཀྱ་ཀྱི་ལམ་སྟོན་བགྱིད་མཁན་འོང་གྱི་དིག་ཟིན་གསུངས་འོད་དིག 18ཡིན་ནའང་། ཡུ་དཱ་ཁོས་ལས་ངན་བྱས་ཏེ་གླ་ཆ་ཐོབ་པི་དེ་ནས་ཞིང་ཞིག་ཉོས་པི་མ་ཟད། ཞིང་དེའི་ལྟག་ག་ལེ་ཁོ་རང་ཁ་སྦུབ་ལེ་དགྱེལ་ཏེ་གྲོད་པ་གས་ཕེན་ནང་ཁྲོལ་ཡེ་རེ་ཕྱི་ལེ་ཐོན་ཏེ་ཤི་པི་དིག 19དེ་ནས་ཡེ་རུ་ས་གླིང་རྒྱལ་ས་ལེ་འོད་ཡོད་མི་ཡེ་རེས་གནས་ཚུལ་དེ་ཧ་གོ་སྟེ། ཁོང་ཀྱ་ཀྱི་ཟེར་ལུགས་ནང་ལེ་ཞིང་དེའི་མིང་ལེ་ཨ་ཀེལ་ད་མཱ་ཟིན་འོད་དིག དེའི་དོན་དག་དེ་ནི་ཁྲག་གི་ཞིང་ཟེར་རི་དིག 20དེ་ནས་པེ་ཏྲོས་ཡང་དང་གསུང་མགུར་གྱི་མདོ་ཞིག་སྒྲོགས་པི་དིག མདོ་དེའི་ནང་ལེ་ཅི་བྲིས་འོད་དིག་ཟེར་ནི།
དེའི་སྡོད་ས་སྟོངས་ཞིང་སྟོང་བར་ཤོག །
གནས་དེ་རུ་སུ་ཟང་སྡོད་མ་ཐུབ་པར་ཤོག །
མི་དེའི་གོ་གནས་གཞན་ལེ་ཐོབ་པར་ཤོག །
ཟིན་གསུངས་འོད་དིག#1.20 ཚིགས་བཅད་འདི་ནི་གསུང་མགུར་ལེའུ་ 69 ཨང་ 25 དིང་། གསུང་མགུར་མདོ་ལེའུ་ 109 ཨང་ 8 ནང་ལེ་གཟིགས་རོགས། 21-22འོ་དེའི་ཆེད་དུ། ཡུ་དཱའི་ཚབ་ལེ་མི་གཞན་ཞིག་བདམས་ཏེ། མི་དེ་ནི་ཡོ་ཧ་ནན་གྱིས་ཁྲུས་གསོལ་བྱས་པའི་དུས་ནས་བྱས་ཏེ། ཡང་འུ་ཀྱ་ཀྱི་མདུན་ནས་དཀོན་མཆོག་གི་ཞིང་ཁམས་ལེ་ཇོ་བོ་ཡེ་ཤུ་གདན་དྲངས་པི་དེ་ལེ་བདེན་པའི་དཔང་པོ་བགྱིད་དགོས་འོད་དི་མ་ཟད། མི་དེ་ནི་འུ་ཀྱ་ཀྱི་སྐྱེན་ལེ་དུས་རྒྱུན་དུ་ཡེ་ཤུ་གྲོངས་ཏེ་ཡང་དང་གསོན་པོ་བཞེངས་གནང་བའི་སྐོར་ལེ་དཔང་པོ་བགྱིད་དགོས་འོད་དིག་སྨྲས་པི་དིག 23དེ་ནས་ཁོང་ཀྱ་ཀྱིས་ཡོ་སེབ་ཡང་ནི། ཁོའི་མིང་འདོགས་ལེ་པར་ས་པཱ། ཡང་ནི། ཡུ་སི་ཏོ་ཟེར་མཁན་དིང་། མད་ཐི་ཡཱ་ཟེར་མཁན་ཁོ་གཉིས་བདམས་ཏེ་དཀོན་མཆོག་ལེ། 24-25ཇོ་བོ་དཀོན་མཆོག་ཁྱེད་ཀྱིས་མི་ཡེ་རེའི་སེམས་མཁྱེན་གནང་གྱོ་འོད་དིག ལས་འགན་གཡུགས་ཏེ་རང་དོན་སྒྲུབ་མཁན་དད་ལོག་ཡུ་དཱའི་ཚབ་ལེ། ཁྱེད་ཀྱིས་མི་འདི་གཉིས་ནང་ནས་གཅིག་ཁྱེད་ཀྱི་ལས་འགན་སྒྲུབ་མཁན་ལེ་བདམས་གནང་སྟེ། ཉེད་ལེ་སྟོན་གནང་རོགས་ཟིན་གསོལ་བ་སྨོན་ལམ་བཏབ་པི་དིག 26དེ་ནས་ཁོང་ཀྱ་ཀྱིས་རྒྱན་བརྒྱབ་ཏེ་མད་ཐི་ཡཱ་ཟེར་མཁན་ཁོའི་མིང་ཐོན་ཕེན། ཁོ་སྐུ་ཚབ་བཅུ་གཅིག་གི་གྲལ་ལེ་བརྩིས་པི་དིག །
اکنون انتخاب شده:
མཛད་པ། 1: DLPO
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023 Wycliffe Bible Translators, Inc. All rights reserved.
