Markus Mʊlalɨgɔ
Mʊlalɨgɔ
Nʊ a mʊla Fulon Kɛl Lǝmɨ nɨɨ nǝn Markus wʊnɨ dun nyan gǝnɔ nǝn Yohana Markusi. N fwalɨ bwɛ twama Bitrusi nyangǝn, (1 Bitrus 5:13). Fulonɔ a nʊng gɔ, ja mʊla Fulon Kɛl Lǝmɨ Nɨ A Kang Markusi nǝngɔ la Urushalimagɔ ya kʌbo lɛɨ, a jolɔ fʊltǝnʌbʌl (70). Ja mʊla gǝn nǝngɔ la ja mʊla tangǝn Langǝn Bwangǝntɨn Fulon Kɛl Lǝmɨ Yesui nɨ taalɨ.
Fulon Kɛl Lǝmɨ Nɨ Markus A Mʊlaɨa sʊtǝn kwaan nʊng lɛ gɔ, twama Yesui a kwaan fɔlɔn Kwaamaɨ a bɛ a daagɔ nǝbɔ woi (1:14,15). Yesu nǝn dul gǝn nǝn gɔ Fulon Kɛl Lǝmɨ a Kwaamaɨ (1:1; 8:35; 10:25). A laa tangǝn kanjǝl nɨ gwamɨ. Fulon Kɛl Lǝmɨ Nɨ Markus A Mʊlaɨ a nʊng gɔ Yesu nǝn gɔ nǝn Bʊla Kwaamaɨ, wʊnɨ ja twam gǝn sǝ a bʊʊ nǝn nǝbɔ a gola nǝtǝm kʊlɨ gǝnɔ a dʌbʌl tɨya kʊʊtǝmɨ (10:45).
Fulon Kɛl Lǝmɨ Nɨ Markus A Mʊlaɨ nǝn gɔ a maa kʌb a mʊgɔ Langǝn Bwangǝntɨn Fulon Kɛl Lǝmɨ Yesui nɨ naalɨ. A mʊrka pʌd jʊ nɨ a mʊgɔ Fulon Kɛl Lǝmɨ Nɨ Matta A Mʊlaɨ. Fulon Kɛl Lǝmɨ Nɨ Markus A Mʊlaɨ a sʊtǝn sʊwatǝm maajɨtɨn jǝ laatǝm kang Yesui.
Kanjǝlɔ A Mʊgɔ Langǝn Bwangǝn Nɨɨ
Fɛkalɨ Maatǝm Maajɨ Yesui 1:1-13
Maajɨ Yesui A Tǝm Galilii 1:14--9:50
A Galili A Yɔ Nǝn A Urushalimaɨ 10:1-52
Kum Nʌbʌl Dɨltǝm Yesui 11:1--15:47
Guntǝm Yesui A Bwaa 16:1-20
اکنون انتخاب شده:
Markus Mʊlalɨgɔ: DBD
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©️2024 Luke Initiative for Scripture Translation