मत्ति 19
19
खाति पोका बारेता
(मरकुस १०:१-१२)
1इसु इदोइ काथा दोअ्कान्हुअ्सो वा गालिल माउजासो यरदन झोरा पारातेङ यहुदियाको माउजाता थुकालिलोहि। 2द्याङगेलाइको बारका चेअ्सुमेअ्सुकालाइ वासेहेङ पिताइहि रो इन्ता वा एम्बालाइहेङ एल्पाहि।
3फरिसिगेलाइ वाकोता लोतेङ वासेहेङ काथाता फासेपालिको भाअ्सिङ हिअ्हि, “हाइ हासुङ बुङ हिदिङ बुङ काथाता बेअ्दोफा खातिपोलि ठिक हि?” 4कालाउबुङ इसु दोअ्हि, “हाइ नेलाइ धरमकिताबता पर्हिका मान्थुसुन्हा? सिरजाइका एम्बालाइहेङ लाङफासो दोङ वाबाल रो बेबाल बान्हाइहि#सिरजाइ १:२७; ५:२ 5रो दोअ्हि, ‘इदोङभाअ्सिङ द्याङ ताइको आबा, आमाइहेङ लाअ्तेङ ताइको बेअ्दोफा मिलितेङह्यावा रो इदोइ न्हेमि एलोङ जिउ जेनावा।’#सिरजाइ २:२४ 6एम्बालाइ एला न्हेमि माको, कालाउबुङ एलोङ ज्यावा। इदोइभाअ्सिङ परमेस्वर जाइहेङ एदोसाङ गासेका हि, इङकोहेङ हिदिङ द्याङ माखेनाको।”
7फरिसिगेलाइ इसुहेङ हिअ्हि, “मोसा हाइपालि खातिपोतेङ बेअ्हेङ लाअ्लि हुकुम पिहि?”#न्याम २४:१-४; मत्ति ५:३१ 8इसु एम्बालाइहेङ दोअ्हि, “नेलाइको कोन्धाङ उन्ठुइ खान्तेङ थाङका हिनाङसिङ मोसा नेलाइहेङ बेअ्हेङ लाअ्लि मन्जुरि पिका। कालाउबुङ लाम्फासो इस्का मान्थुघाहि। 9का नेलाइहेङ दोअ्खा, जाइ कासबिरिको काथा बाहेक ताइको बेअ्हेङ लाअ्तेङ भेनेङदोफा बिहु पावा, इङको कासबिरि पावा। (कालाउ जाइ लाअ्काहेङ बिहु पाखे, इङको बुङ कासबिरि पावा।)”#मत्ति ५:३२; १ कोरिन्थि ७:१०-११
10चात्यागेलाइ इसुहेङ दोअ्हि, “केअ् बेअ्को सामान्दा इस्काङ जेङनु, बिहु मापालि दोङ रेम्का जेनावा।” 11इसु एम्बालाइहेङ दोअ्हि, “जाइहेङ परमेस्वर मन प्यावा, एम्बालाइ खिनिङ काङको दोअ्लि भोका इदोइ काथा र्हुलि द्वावा। 12हाइपानु बिहु मापाका काथागेलाइता आधिमि जोलोमसोङ हिजारा जेङखे। आधिमि द्याङ बान्हाइतेङ हिजारा जेङखे। आधिमिचाहिँ स्वरगको सारभिको भाअ्सिङ बिहु मापासिङ हिखे। जाइ इदोइ काथा र्हुलि दोखे, वा इङको र्हुकाको।”
इसु जामालाइहेङ सहसाम्पा पिका
(मरकुस १०:१३-१६; लुका १८:१५-१७)
13इङको पहर इसु जामालाइर्हुता खुर ताअ्तेङ पारथाना पाप्याको दोअ्तेङ द्याङगेलाइ जामालाइहेङ वाकोता चुमाहि। कालाउबुङ चात्यागेलाइ इङको द्याङगेलाइहेङ हाकाराइहि। 14कालाउबुङ इसु दोअ्हि, “जामालाइहेङ काङकोता लोलि पिसु, एम्बालाइहेङ मारोकेसु। हाइदोनु स्वरगको सारभि इस्कालाइको भाअ्सिङ दोङ।”
15कालाउ जामालाइर्हुता खुर ताअ्कान्हुअ्सो वा इन्तासो हानिहि।
धनि द्याङ
(मरकुस १०:१७-३१; लुका १८:१८-३०)
16एअ्खे इसुकोता लोतेङ एअ्मि दोअ्हि, “ओइ मास्टर, का हेअ्लाउ मामुअ्का जिबन निङलि हाइ रेम्का काम पालिगोयाङ?”
17इसु वासेहेङ दोअ्हि, “रेम्का हाइ इङको बारेता ना कासेहेङ हाइपालि हिअ्खेना? रेम्का ते एअ्मिखिनिङ हि। कालाउबुङ ना हेअ्लाउ मामुअ्का जिबन निङलि इछा पान्हा पानु, परमेस्वरको हुकुमगेलाइ माने।”
18वा इसुहेङ हिअ्हि, “हिदोइ हुकुमगेलाइ?” इसु दोअ्हि, “ना मासेअ्, कासबिरि मापा, माखु, ढाटाइतेङ दासि मापि।#दामालाअ्का २०:१३-१६; न्याम ५:१७-२० 19ताइ आबा आमाइहेङ मान पा रो ताइको भेरपा हिकालाइहेङ ताइमिहेङ भाइपाङ माया पा।”#दामालाअ्का २०:१२; न्याम ५:१६; लेबि १९:१८
20इदोइ धाना द्याङ दोअ्हि, “इदोइ गोताङ ते का मानिकाङ हिघा। एला काता हाइ घाटि हि?”
21इसु वासेहेङ दोअ्हि, “ना जातिङको रेम्का जेङलि भोखेना पानु हानितेङ नाङकोदोसा हिका गोताङ पिअ्तेङ मान्थुकालाइहेङ पि। ना स्वरगता टाका काउरि निनाना, कालाउ लोतेङ कासेहेङ पिताइ।”
22जेलाउ इङको धाना द्याङ इदोइ काथा हिङहि, वा र्हाइ दापातेङ हानिहि। हाइपानु इङकोको हेन्जा टाका काउरि हिघाहि।
23कालाउ इसु ताइको चात्यागेलाइहेङ दोअ्हि, “जातिङको, का नेलाइहेङ दोअ्ताङका, स्वरगको सारभिता धनि द्याङहेङ दुल्लि मुस्किल जेनावा। 24आरोङ का नेलाइहेङ दोअ्खा, धनि द्याङहेङ स्वरगको सारभिता दुल्काखान्तेङ भुरुङ उटहेङ बिन्दुको कानाता दुल्लि सुकातावा।” 25इदोइ हिङतेङ चात्यागेलाइ भारभुसाइतेङ दोअ्हि, “कालाउ हासु छुटकारा निङलि द्वावा?” 26इसु एम्बालाइहेङ खान्तेङ दोअ्हि, “द्याङगेलाइ इस्का काथा पालि दोङ माद्वावा, कालाउबुङ परमेस्वर खिनिङ गोताङ काथा पालि द्वावा।”
27कालाउ पत्रुस वासेहेङ दोअ्हि, “खाङ, केलाइ ते गोताङ काथा लाअ्तेङ नासेहेङ पिताइका हिन्हाहि। केलाइचाहिँ हाइ निनाङ?”
28कालाउ इसु एम्बालाइहेङ दोअ्हि, “जातिङको, का नेलाइहेङ दोअ्खा, नेलाइ जाइ कासेहेङ पिताइका हिसुन्हा, नावा दुनियाता जेलाउ का द्याङको चान ताइको पारतापको गादिता योमाङका, कालाउ नेलाइ बुङ तेन्हे गादिता योमस्वाना रो इस्राएलको द्याङगेलाइको तेन्हे खालहेङ निया पास्वाना।#मत्ति २५:३१; लुका २२:३० 29जाइ काङको मिङको भाअ्सिङ साअ्द्वार, दादाओने, बाइओने, आबा आमाइ, चानचामिन्दि, मिलिङ लाअ्का हि, इङको एअ्साइ गुना निनावा रो हेअ्लाउ मामुअ्का जिबन निनावा। 30कालाउबुङ एला लाङका हेन्जा द्याङगेलाइ न्हुअ्तावा रो एला न्हुअ्का हेन्जाङ द्याङगेलाइचाहिँ लानावा।”#मत्ति २०:१६; लुका १३:३०
اکنون انتخاب شده:
मत्ति 19: DHIM
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2025 by Nepal Bible Society and Wycliffe Bible Translators, Inc.
