ມາລາກີ ຄຳນຳ
ຄຳນຳ
ການສ້າງວິຫານຂຶ້ນໃໝ່ພາຍໃຕ້ການນຳຂອງເຊຣຸບບາເບນ ແລະ ໂຢຊວຍໂດຍໄດ້ຮັບແຮງບັນດານໃຈຈາກຄຳພະຍາກອນຂອງຮັກກາຍ ແລະ ເຊກາຣີຢານັ້ນແມ່ນສຳເລັດໃນ 516 ປີກ່ອນ ຄສ. ໂດຍມີເຈດຕະນາໃຫ້ເປັນສູນກາງຂອງຊຸມຊົນທີ່ມີຄວາມຍຸຕິທຳ ແລະ ການນະມັດສະການຢ່າງແທ້ຈິງ. ດ້ວຍວິທີນີ້ອິດສະຣາເອນຈະບັນລຸພັນທະກິດຂອງຕົນ ແລະ ເປັນແສງສະຫວ່າງໃຫ້ຊົນຊາດທັງຫລາຍໄດ້ເຫັນພຣະເຈົ້າ.
ໜ້າເສຍດາຍທີ່ເມື່ອຫລາຍປີຜ່ານໄປ ປະຊາຊົນກໍຍິ່ງຫ່າງໄກຈາກອຸດົມຄະຕິນີ້ໄປເລື້ອຍໆ. ເມື່ອຮອດກາງສັດຕະວັດຕໍ່ມາ ການນະມັດສະການຂອງພວກເຂົາກໍເສື່ອມໂຊມລົງ ແລະ ສັງຄົມຂອງພວກເຂົາກໍເຕັມໄປດ້ວຍບໍ່ຍຸຕິທຳ. ມາລາກີ (“ຜູ້ສົ່ງຂ່າວຂອງເຮົາ”) ຈຶ່ງໄດ້ທ້າທາຍປະຊາຊົນໃຫ້ຖວາຍກຽດແກ່ພຣະເຈົ້າຢ່າງເໝາະສົມທັງໃນການນະມັດສະການ ແລະ ໃຫ້ກຽດກັນ ແລ້ວໂລກຈຶ່ງຈະຮູ້ຈັກພຣະເຈົ້າຢາເວຜູ້ເປັນກະສັດຍິ່ງໃຫຍ່.
ມາລາກີທຳນວາຍດ້ວຍວິທີທີ່ແຕກຕ່າງ ເພິ່ນໄດ້ເລີ່ມສະເໜີເລື່ອງການປ່ຽນແປງໂດຍທັນທີ. ເພິ່ນໄດ້ລະບຸຂໍ້ໂຕ້ແຍ້ງທີ່ຄາດຄິດໄວ້ ແລະ ຕອບຂໍ້ໂຕ້ແຍ້ງເຫລົ່ານັ້ນ. ໜັງສືມາລາກີບັນທຶກວ່າມີບາງຄົນກັບໃຈຈາກການທ້າທາຍເຫລົ່ານີ້ ແລະ ພຣະເຈົ້າກ່າວວ່າພຣະອົງຈະໄວ້ຊີວິດຄົນເຫລົ່ານີ້ເມື່ອພຣະອົງກັບມາພິພາກສາໂລກ. ໜັງສືມາລາກີຈົບລົງດ້ວຍຄຳສັນຍາຂອງພຣະເຈົ້າທີ່ຈະສົ່ງຜູ້ທຳນວາຍເອລີຢາກັບມາ ກ່ອນວັນອັນຍິ່ງໃຫຍ່ ແລະ ໜ້າຢ້ານກົວຂອງພຣະເຈົ້າຢາເວ.
اکنون انتخاب شده:
ມາລາກີ ຄຳນຳ: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.