ໂຢເອນ ຄຳນຳ
ຄຳນຳ
ພວກເຮົາບໍ່ຮູ້ວ່າເຫດການໃນໂຢເອນເກີດຂຶ້ນເມື່ອໃດ ເພາະບໍ່ມີການລະບຸແນ່ນອນວ່າຢູ່ໃນສະໄໝຂອງກະສັດຄົນໃດ. ເຖິງຢ່າງໃດກໍຕາມ ຈຸດປະສົງໃນໜັງສືກໍຄືລະບຸຊັດເຈນວ່າໂຢເອນໄດ້ສົ່ງຂໍ້ຄວາມອັນມີພະລັງທາງຝ່າຍວິນຍານ.
ໜັງສືເລີ່ມຕົ້ນບັນລະຍາຍໃຫ້ເຫັນພາບຝູງຕັກແຕນບຸກດິນແດນຢູດາ ແລະ ກັດກິນທຸກສິ່ງທີ່ຂວາງໜ້າ. ຫລັງຈາກຮ້ອງຂໍໃຫ້ຄົນກັບໃຈເພື່ອຕອບສະໜອງຕໍ່ໄພພິບັດນີ້ ມີຄຳອະທິບາຍໂດຍລະອຽດເລື່ອງຝູງຕັກແຕນເປັນຄືກອງທັບຮຸກຮານໂດຍມີພຣະເຈົ້າເປັນຫົວໜ້າ. ໂຢເອນຢືນຢັນວ່າວັນແຫ່ງພຣະເຈົ້າຢາເວ ຫລື ວັນແຫ່ງການພິພາກສາມາຮອດແລ້ວ, ເພິ່ນຮຽກຮ້ອງໃຫ້ຄົນທັງຫລາຍກັບໃຈອີກຄັ້ງໂດຍຖືສິນອົດອາຫານ, ຊຸມນຸມອະທິຖານ ແລະ ສຳນຶກຜິດຢ່າງແທ້ຈິງ, ເພິ່ນສັນຍາວ່າພຣະເຈົ້າຈະບໍ່ພຽງແຕ່ກຳຈັດຝູງຕັກແຕນເທົ່ານັ້ນ ແຕ່ພຣະອົງຈະຟື້ນຟູທຸກສິ່ງໃຫ້ດີຂຶ້ນກວ່າເກົ່າ. ເພິ່ນທຳນວາຍໄຊຊະນະຂອງພຣະເຈົ້າເໝືອນບັນດາຊົນຊາດທີ່ຕໍ່ຕ້ານປະຊາຊົນຂອງພຣະອົງ ແລະ ຈະຖອກເທພຣະວິນຍານບໍລິສຸດຂອງພຣະອົງລົງໃສ່ຜູ້ລອດຊີວິດໃນຢູດາ. ຖ້າພວກເຂົາກັບມາຫາພຣະເຈົ້າຢາເວດ້ວຍສຸດໃຈກໍຈະໄດ້ເຫັນຄວາມຈະເລີນຮຸ່ງເຮືອງຂອງຕົນໃນວັນຂອງພຣະເຈົ້າຢາເວ.
اکنون انتخاب شده:
ໂຢເອນ ຄຳນຳ: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.