ປະຖົມມະການ ຄຳນຳ
ຄຳນຳ
ໜັງສືປະຖົມມະການ ແລະ “ໜັງສືຂອງໂມເຊ” ອື່ນໆ ເປັນຕົ້ນ: (ອົບພະຍົບ, ລະບຽບເລວີ, ຈົດບັນຊີ ແລະ ພຣະບັນຍັດສອງ) ໄດ້ເລົ່າເລື່ອງລາວຂອງອິດສະຣາເອນຢ່າງຕໍ່ເນື່ອງຕະຫລອດຊ່ວງຕົ້ນຂອງພຣະຄຳພີ. ໜັງສືປະຖົມມະການແມ່ນຂຽນໂດຍໂມເຊຜູ້ທີ່ໄດ້ນຳປະຊາຊົນອິດສະຣາເອນອອກມາຈາກເອຢິບ.
ໜັງສືປະຖົມມະການໄດ້ອະທິບາຍວ່າ ຊົນຊາດໜຶ່ງໄດ້ເຂົ້າມາມີບົດບາດພິເສດໃນແຜນງານຂອງພຣະເຈົ້າເພື່ອມະນຸດທັງໝົດໄດ້ຢ່າງໃດ. ໂດຍໃນຊ່ວງຕົ້ນນັ້ນ, ແບບແຜນ ແລະ ຄວາມກົມກຽວກັນໃນສັບພະສິ່ງອັນດີທີ່ພຣະເຈົ້າສ້າງຂຶ້ນນັ້ນຖືກທຳລາຍດ້ວຍຜົນຈາກການກະບົດ ແລະ ການອວດຕົວຂອງມະນຸດ. ຄວາມຮຸນແຮງ, ຄວາມບໍ່ຍຸຕິທຳ ແລະ ຄວາມທົນທຸກທໍລະມານທີ່ຕາມມານັ້ນ ເປັນເຫດໃຫ້ພຣະເຈົ້າລົງໂທດ ແລະ ຢັບຢັ້ງຄວາມຊົ່ວຮ້າຍຂອງມະນຸດ ດ້ວຍການພິພາກສາໃຫ້ນ້ຳຖ້ວມໂລກ. ຫລັງຈາກນັ້ນ ພຣະເຈົ້າກໍເຮັດພັນທະສັນຍາກັບອັບຣາຮາມ ແລະ ເຊື້ອສາຍຂອງເພິ່ນ. ໂຄງເລື່ອງດັ່ງກ່າວນີ້ກໍດຳເນີນຕໍ່ໄປ. ຄອບຄົວຂອງອັບຣາຮາມ ຫລື ອິດສະຣາເອນຈະເປັນຊົນຊາດທີ່ພຣະເຈົ້າໄດ້ເລືອກໄວ້ເພື່ອນຳຊົນຊາດຕ່າງໆກັບຄືນມາຫາພຣະອົງເອງ. ໜັງສືປະຖົມມະການຈົບລົງທີ່ເຊື້ອສາຍຂອງອັບຣາຮາມໄດ້ເຕີບໃຫຍ່ຂຶ້ນຈົນກາຍເປັນເຜົ່າຂະໜາດໃຫຍ່ຈຳນວນຫລວງຫລາຍ, ແຕ່ພວກເຂົາກໍບໍ່ໄດ້ຢູ່ໃນດິນແດນທີ່ພຣະເຈົ້າສັນຍາໄວ້ກັບພວກເຂົາ. ດັ່ງນັ້ນ ເລື່ອງລາວຕໍ່ຈາກນີ້ແມ່ນຢູ່ໃນໜັງສືເຫລັ້ມຕໍ່ມາ.
ໜັງສືປະຖົມມະການໄດ້ແບ່ງອອກເປັນສິບສອງສ່ວນໂດຍມີສິບເອັດປະໂຫຍກທີ່ເວົ້າຊ້ຳກັນຄື ນີ້ຄືເລື່ອງລາວຂອງ. ແຕ່ລະສ່ວນແມ່ນເປັນເລື່ອງກ່ຽວກັບຊີວິດ ແລະ ຄອບຄົວຂອງບຸກຄົນທີ່ມີຊື່ລະບຸໄວ້. ເລື່ອງລາວທັງຫລາຍຖືກສານຕໍ່ເຂົ້າກັນເພື່ອເປັນເອກະສານທີ່ບັນທຶກປະຫວັດສາດຂອງມະນຸດ ແລະ ການເລີ່ມຕົ້ນຂອງແຜນງານຂອງພຣະເຈົ້າ ເພື່ອຟື້ນຟູມະນຸດ ແລະ ທີ່ຢູ່ອາໄສຂອງພວກເຂົາໃນໂລກຂອງພຣະອົງຜ່ານທາງອິດສະຣາເອນ.
اکنون انتخاب شده:
ປະຖົມມະການ ຄຳນຳ: LCV
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.