ເອເຊກຽນ 45

ອິດສະຣາເອນໄດ້ຮັບການຟື້ນຟູຢ່າງສົມບູນ

1“ ‘ເມື່ອເຈົ້າແບ່ງດິນແດນກຳມະສິດ ເຈົ້າຈົ່ງຖວາຍທີ່ດິນສ່ວນໜຶ່ງໃຫ້ແກ່ພຣະເຈົ້າຢາເວ ເປັນເຂດສັກສິດ ທີ່ມີຄວາມຍາວ 25.000 ສອກ#45:1 ຄື ປະມານ 12,5 ກິໂລແມັດ ເຊັ່ນດຽວກັບຂໍ້ 3, 5 ແລະ 6 ແລະ ກວ້າງ 20.000 ສອກ;#45:1 ຄື ປະມານ 10 ກິໂລແມັດ ພາສາເຮັບເຣີວ່າ 10.000 ສອກ ຄືປະມານ 5 ກິໂລແມັດ ທັງເຂດແດນນັ້ນຈະເປັນບ່ອນບໍລິສຸດ. 2ໃນບໍລິເວນນີ້ ໃຫ້ມີເນື້ອທີ່ສີ່ຫລ່ຽມມົນທົນ ຄວາມກວ້າງ ແລະ ຍາວແມ່ນດ້ານລະ 500 ສອກ,#45:2 ຄື ປະມານ 250 ແມັດ ເພື່ອເປັນສະຖານນະມັດສະການ ແລະ ມີບ່ອນຫວ່າງອ້ອມຮອບເປັນໄລຍະ 50 ສອກ.#45:2 ຄື ປະມານ 25 ແມັດ 3ໃນເຂດສັກສິດນີ້ ຈົ່ງແທກບ່ອນທີ່ແບ່ງອອກມາໃຫ້ໄດ້ຂະໜາດຂອງຄວາມຍາວ 25.000 ສອກ ແລະ ຄວາມກວ້າງ 10.000 ສອກ.#45:3 ຄື ກວ້າງປະມານ 5 ກິໂລແມັດ ເຊັ່ນດຽວກັບຂໍ້ 5 ໃນບໍລິເວນນີ້ຈະເປັນສະຖານນະມັດສະການ, ເປັນບ່ອນທີ່ສັກສິດທີ່ສຸດ. 4ຈະເປັນເຂດແດນທີ່ບໍລິສຸດສຳລັບບັນດາປະໂລຫິດ ຜູ້ປະຕິບັດໜ້າທີ່ໃນສະຖານນະມັດສະການ ແລະ ເຂົ້າຮັບໃຊ້ຢູ່ຕໍ່ໜ້າພຣະເຈົ້າຢາເວ. ໃຊ້ເປັນບ່ອນສຳລັບເຮືອນຂອງບັນດາປະໂລຫິດ ແລະ ເປັນບ່ອນທີ່ສັກສິດຂອງສະຖານນະມັດສະການ. 5ອີກສ່ວນໜຶ່ງທີ່ມີຄວາມຍາວ 25.000 ສອກ ແລະ ກວ້າງ 10.000 ສອກ ຈະເປັນຂອງຄົນເລວີ ຜູ້ທີ່ຮັບໃຊ້ໃນວິຫານ ມອບໃຫ້ເປັນກຳມະສິດຂອງພວກເຂົາເພື່ອສ້າງບ້ານເມືອງທີ່ຈະອາໄສຢູ່.#45:5 ພາສາເຮັບເຣີວ່າ ວິຫານ ພວກເຂົາຈະມີກຳມະສິດຊາວຫ້ອງ

6“ ‘ເຈົ້າຈົ່ງມອບທີ່ດິນກວ້າງ 5.000 ສອກ#45:6 ຫລື ກວ້າງປະມານ 2,5 ກິໂລແມັດ ຍາວ 25.000 ສອກ ຕໍ່ຈາກເຂດສັກສິດໃຫ້ເປັນສ່ວນຂອງເມືອງນັ້ນ; ບ່ອນນີ້ຈະເປັນຂອງຊົນຊາດອິດສະຣາເອນທັງໝົດ.

7“ ‘ທີ່ດິນແຕ່ລະຂ້າງຂອງເນື້ອທີ່ຂອງເຂດສັກສິດ ແລະ ຊັບສົມບັດຂອງເມືອງແມ່ນມອບໃຫ້ເປັນຂອງເຈົ້ານາຍ. ອອກໄປທາງທິດຕາເວັນຕົກຈາກຟາກຕາເວັນຕົກ ແລະ ທາງທິດຕາເວັນອອກຈາກຟາກຕາເວັນອອກ, ໄປຕາມຄວາມຍາວຂອງເຂດແດນທາງທິດຕາເວັນຕົກຫາທາງທິດຕາເວັນອອກ ທຽບເທົ່າກັບສ່ວນທີ່ມອບໃຫ້ຕະກຸນໜຶ່ງ. 8ທີ່ດິນນີ້ຈະເປັນກຳມະສິດຂອງເຈົ້ານາຍໃນອິດສະຣາເອນ ແລະ ເຈົ້ານາຍເຫລົ່ານັ້ນຈະໄດ້ບໍ່ກົດຂີ່ຂົ່ມເຫັງປະຊາຊົນຂອງເຮົາອີກຕໍ່ໄປ ແຕ່ຈະຍອມໃຫ້ຊົນຊາດອິດສະຣາເອນຄອບຄອງດິນແດນຕາມຕະກຸນຕ່າງໆຂອງພວກເຂົາ.

9“ ‘ພຣະເຈົ້າຢາເວ ອົງເຈົ້ານາຍກ່າວດັ່ງນີ້ວ່າ: ເຈົ້ານາຍທັງຫລາຍຂອງອິດສະຣາເອນ, ພວກເຈົ້າເຮັດເກີນໄປແລ້ວ! ຈົ່ງຢຸດຄວາມຮຸນແຮງ ແລະ ກົດຂີ່ຂົ່ມເຫັງຂອງເຈົ້າ ແລະ ຈົ່ງເຮັດສິ່ງທີ່ຖືກຕ້ອງ ແລະ ຍຸຕິທຳ. ຢຸດຂັບໄລ່ປະຊາຊົນຂອງເຮົາ, ພຣະເຈົ້າຢາເວ ອົງເຈົ້ານາຍປະກາດດັ່ງນັ້ນ. 10ພວກເຈົ້າຈົ່ງໃຊ້ເຄື່ອງຊັ່ງທີ່ຖືກຕ້ອງ, ເອຟາ ແລະ ບາດທີ່ຖືກຕ້ອງ.#45:10 ເອຟາໃຊ້ຜອງຂອງແຫ້ງ ແລະ ບັດໃຊ້ຜອງຂອງແຫລວ 11ເອຟາຈະເທົ່າກັບບາດ ຄືເອຟາ ແລະ ບາດແມ່ນເທົ່າກັບໜຶ່ງໃນສິບໂຮເມ, ໂຮເມເປັນໜ່ວຍມາດຕະຖານຂອງການຜອງທັງຂອງແຫ້ງ ແລະ ຂອງແຫລວ. 121 ເຊເຂວ#45:12 1 ເຊເຂວ ມີນ້ຳໜັກເທົ່າກັບ 11,5 ກຣາມ ເທົ່າກັບ 20 ເກຣາ ແລະ 60 ເຊເຂວເທົ່າກັບ 1 ມິນາ.#45:12 ໂດຍທົ່ວໄປ 1 ມິນາເທົ່າກັບ 50 ເຊເຂວ

13“ ‘ຂອງຖວາຍພິເສດທີ່ພວກເຈົ້າຈະຕ້ອງນຳມາມອບໃຫ້ຄື: ເຂົ້າຫວີດໜຶ່ງໃນຫົກເອຟາ#45:13 ຄື ປະມານ 2,7 ກິໂລກຣາມ ຈາກທຸກໆໜຶ່ງໂຮເມ ແລະ ເຂົ້າບາເລກໍໜຶ່ງໃນຫົກເອຟາ#45:13 ຄື ປະມານ 2,3 ກິໂລກຣາມ ຈາກທຸກໆໜຶ່ງໂຮເມ. 14ສ່ວນນ້ຳມັນແມ່ນຜອງດ້ວຍຫົວໜ່ວຍບາດ ຄືໜຶ່ງໃນສິບບາດຈາກທຸກໜຶ່ງໂຄ (ເຊິ່ງເທົ່າກັບໜຶ່ງໂຮເມ ຫລື ສິບບາດ). 15ພ້ອມທັງແກະໜຶ່ງໂຕຈາກທຸກສອງຮ້ອຍໂຕ ຈາກທົ່ງຫຍ້າອັນອຸດົມສົມບູນຂອງອິດສະຣາເອນ. ສິ່ງເຫລົ່ານີ້ຈະໃຊ້ເປັນເມັດພືດບູຊາ, ເຄື່ອງເຜົາບູຊາ ແລະ ເຄື່ອງສາມັກຄີທຳບູຊາເພື່ອລົບຄວາມບາບສຳລັບປະຊາຊົນ, ພຣະເຈົ້າຢາເວ ອົງເຈົ້ານາຍປະກາດດັ່ງນັ້ນ. 16ປະຊາຊົນທັງໝົດຈະຮ່ວມກັນນຳຂອງຖວາຍພິເສດນີ້ມາສຳລັບເຈົ້ານາຍຂອງອິດສະຣາເອນ. 17ເປັນໜ້າທີ່ຂອງເຈົ້ານາຍທີ່ຈະຈັດຕຽມເຄື່ອງເຜົາບູຊາ, ເມັດພືດບູຊາ ແລະ ເຄື່ອງດື່ມບູຊາທີ່ໃຊ້ໃນເທດສະການຕ່າງໆ, ວັນເດືອນຂຶ້ນໃໝ່ ແລະ ວັນຊະບາໂຕທັງຫລາຍ ຄືທຸກເທດສະການທີ່ກຳນົດໄວ້ຂອງຊົນຊາດອິດສະຣາເອນ. ເຈົ້ານາຍຈະຈັດເຄື່ອງບູຊາໄຖ່ບາບ, ເມັດພືດບູຊາ, ເຄື່ອງເຜົາບູຊາ ແລະ ເຄື່ອງສາມັກຄີທຳບູຊາເພື່ອລົບຄວາມບາບຂອງຊົນຊາດອິດສະຣາເອນ.

18“ ‘ພຣະເຈົ້າຢາເວ ອົງເຈົ້ານາຍກ່າວດັ່ງນີ້ວ່າ: ໃນວັນທີໜຶ່ງເດືອນທີໜຶ່ງ ເຈົ້າຈົ່ງເອົາງົວໜຸ່ມທີ່ປາດສະຈາກຕຳໜິມາເພື່ອການຊຳລະສະຖານນະມັດສະການ. 19ໃຫ້ປະໂລຫິດເອົາເລືອດຂອງເຄື່ອງບູຊາໄຖ່ບາບທາໄວ້ທີ່ເສົາປະຕູວິຫານ, ທີ່ມຸມທັງສີ່ຂອງຂອບເທິງຂອງແທ່ນບູຊາ ແລະ ທີ່ເສົາປະຕູຂອງເດີ່ນຊັ້ນໃນ. 20ເຈົ້າຈົ່ງເຮັດຢ່າງນີ້ອີກໃນວັນທີເຈັດຂອງເດືອນນັ້ນ ເປັນການລົບມົນທິນຂອງວິຫານເພື່ອວ່າຜູ້ໃດຜູ້ໜຶ່ງເຮັດບາບໂດຍບໍ່ເຈດຕະນາ ຫລື ຮູ້ເທົ່າບໍ່ເຖິງການ.

21“ ‘ໃນວັນທີສິບສີ່ເດືອນທີໜຶ່ງ ເຈົ້າຈົ່ງຖືເທດສະການປັດສະຄາ ເຈົ້າຈະກິນເຂົ້າຈີ່ບໍ່ໃສ່ເຊື້ອແປ້ງຕະຫລອດເຈັດວັນຂອງເທດສະການ. 22ໃນວັນນັ້ນເຈົ້ານາຍຕ້ອງຈັດຕຽມງົວໜຸ່ມເປັນເຄື່ອງບູຊາໄຖ່ບາບສຳລັບຕົນເອງ ແລະ ສຳລັບປະຊາຊົນທັງໝົດ. 23ທຸກວັນຕະຫລອດເຈັດວັນຂອງເທດສະການ ເຈົ້ານາຍຈະຖວາຍງົວໜຸ່ມເຈັດໂຕ ແລະ ແກະຜູ້ເຈັດໂຕ ເຊິ່ງປາດສະຈາກຕຳໜິ ເປັນເຄື່ອງເຜົາບູຊາຖວາຍແກ່ພຣະເຈົ້າຢາເວ ແລະ ຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບ. 24ລາວຈະຈັດຕຽມເຄື່ອງຖວາຍພືດຜົນເປັນເມັດພ້ອມກັບໃຊ້ແປ້ງ 1 ເອຟາ#45:24 ຫລື ອາດຈະປະມານ 22 ລິດ ຕໍ່ງົວໜຸ່ມໜຶ່ງໂຕ ແລະ 1 ເອຟາຕໍ່ແບ້ຜູ້ໜຶ່ງໂຕ ພ້ອມທັງນ້ຳມັນ 1 ຮິນ#45:24 ຫລື ອາດຈະປະມານ 3,8 ລິດ ຕໍ່ແປ້ງ 1 ເອຟາ.

25“ ‘ຕະຫລອດເຈັດວັນຂອງເທດສະການນັ້ນ, ເຊິ່ງເລີ່ມໃນວັນທີສິບຫ້າຂອງເດືອນທີເຈັດ, ໃຫ້ລາວຈັດຕຽມເຄື່ອງບູຊາໄຖ່ບາບ, ເຄື່ອງເຜົາບູຊາ, ເມັດພືດບູຊາ ແລະ ນ້ຳມັນແບບດຽວກັນ.

اکنون انتخاب شده:

ເອເຊກຽນ 45: LCV

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد ພຣະຄຳພີລາວສະບັບສະໄໝໃໝ່ اطلاعات بیشتر کسب کنید