Aba Vatowo 22
22
Yauwe ina vakakona Eberamo yaina tetelina
1E Eberamo ikaaiyaka go, Yaubada inuwonúwana kana,
‘Moitamo Eberamo bei sopagu ikabikaone gea geya? Tuwo bei avakakone, agite.’#Iberiu 11:17-19.
E idigo kana,
‘Eberamo!’
‘U, amegu’, Eberamoyana kaena.
2‘Natum Aisake, tauyana natum kaakesaina#Aba Vatowo 22:12,16; Iyoni 1:14, 3:16. kumataakoiye, e kwābi kunāve asa Moriya#22:2 Moriya: Asa ame goi Yerusalema siyowo. Amoko goi tomota idi vininabeso yoguyogu sigabudi Yauwe yaina sikasaledi. Youyana ana yagoina moe aba gita. Go aiyuwoina nakona ana yagoina moe guna tovatulúkwana moe Yauwe. goi.#2 Tétala 3:1. Koya tayamo bei avatulukoim, e maeko goi natum kukasāle yau yaigu ame nakae: Tauyana kwaumāte go, wowona kugābu kuvakasāve Yau yaigu’, Yaubada kaena.
3Tuwo moitamo vanuwo itomo nobuyana giyaina Eberamo itáoya, ina, e ina vininabeso ana kalova igesi. Igesi ikavava, sékula ikabi, ina ase toluna goi isekuli go, alovayana ikailagasi. Ikavava, natuna Aisake be nakae ina pakonayao adi taiyuwo ikabidi, taiyao siketoiya sina asayana Yaubada bogina ilaatuwoko manuna.
4E siiketoiya go, maliyalina aitonina goi Eberamo ikandobala asayana igite tupwana yomana. 5Tuwo ina pakonayaoyadi ilatuwokoidi idigo kana,
‘Komi ami taiyuwo ameko kokaaiyāka ase koruugwāusi go, yau ma natugu kana amoko bei kavatugúyala kakanakabobo Yaubada yaina. Kavatugúyala ikavava, bei kakaluvilamna kama.’
6Ilatuwokoidi ikavava, vininabeso ana kalovayana ikabi, natuna Aisake ivakavale. Ivakavale ikavava, naipi yeu ikabidi, e adi taiyuwo siketoiya. Siketoiya, siketoiya go, kenao goi 7Aisake idigo kana,
‘Tamagu.’
‘U, manakae natugu?’ Tamana kaena.
E Aisakeyana idigo kana,
‘Ida yeu be ida kalova goamedi go, ida lami vininabeso aigábuna manuna nako?’
8E Eberamoyana idigo kana,
‘Natugu, Yaubada Tokaiguyau toinina bei tayamo ivinida ida vininabeso.’
Adi taiyuwo siiketoiya. 9Siketoiya sima koyayana boi Yaubada ilatuwoko goi, e Eberamo dídiya ikaudakodako aba kasala manuna. Ikaudakodako ikavava, alova ikabi, aba kasalayana yatana goi italiyeliye. Italiyeliye ikavava, natuna Aisake nimana be aena iyowóidi, alova yatana goi ikailagasi.#Yemesa 2:21. 10Ikailagasi ikavava, ina naipi ikabi, ikatulagasi bego natuna ikalimate#Iberiu 11:17-18. 11go, Yauwe ina anerose yábana goi itumasobu kana,
‘Eberamo! Eberamo!’
‘U, amegu’, Eberamoyana kaena.
12Aneroseyana idigo kana,
‘Taabu natum kukaalimāte be taabu kuyogeedegēde! Ame bogina ayagoi kom kutaimaminegu be nakae kwabikaonegu unana natum kaakesaina#Aba Vatowo 22:2,16; Iyoni 1:14, 3:16. go, tuwo geya kuvagagalakoiguta.’
13Ibóbwara ikavava, Eberamo imatavilavila, e mlina goi sipi bolamo igite ina dágula taliboibo ikatupaipaimidi. Igite, ibala ina iyoisi ime, natuna Aisake ana katumapu. E tuwo sipiyana ikaumate go, ikailagasi aba kasala yatana. Ikailagasi ikavava, yeu idimili, sipiyana igabu ivakasave, Yaubada yaina ikasale go, kina Aisakeyana idedevina. 14Ame pasina asayana Eberamo ivayou Yauwe Tokaiguyau. Ame tutayana goi nakae tomota liliudi kadi,
‘Yauwe ina koya goi ikaiguyau.’
15E aiyuwoina Yauwe ina aneroseyana yábana goi itumasobu Eberamo yaina idigo kana,
16‘Toinigu yoigu goi akatótula yaim#Tateta 32:13; Iberiu 6:13-14. unana natum kaakesaina#Aba Vatowo 22:2,12; Iyoni 1:14, 3:16. geya kuvagagalakoiguta, go sem kutagone.’
Moe Yauwe ina bobwarakubo. Tuwaina kana,
17‘E tauna guna katotulayana ame nakae: Moitamo bei akaipakuyem bei im boda akisailidoko, e adi badabada utuna yábana nakae goi#Iberiu 11:12. o mamaya loulouna nakae. Niga bei im boda ana kaleyayao itogagasavedi. 18E sopagu bogina kwabikaone, tauna nava boda liliudi poyapoya ame bei siyagoi im bodayana#22:18 Im bodayana: Isileli tubunao niyadi goi kadi, ‘Peleleotum’ go, moe tomota idigedige. Livalayana nakona tomota tayamo idigedige o badabadaidi iidigedi go, geya imavadeta. Tauna ana yagoina aiyuwo. Ana yagoina tayamo moe im boda tayamo o tadigo kada, ‘Tubum tayamo.’ Go ana yagoina aiyuwoina moe im bodao o tadigo kada, ‘Tubumowo badabadaidi.’ Neta ana yagoina moe im boda, ame nakona Guyau Yeisu idigedige. Neta ana yagoina im bodao, moe Eberamo tubunao iidigedi. Nakona ana yagoina aiyuwo sikaaiyaka livalayana goi.#Aba Vatowo 3:15. goi akaipakuyedi.”’#Aba Vatowo 12:3, 18:18, 26:4-5, 28:14; Guinuwa 3:25; Galetiya 3:8.
19Ibóbwara ikavava, Eberamo ma natuna sikaluvila sina ina pakonayao yaidi, e taiyao siketoiya sina Bera Siva. Amoko goi Eberamo ilokasa ikaaiyaka.
20Ame dogoiyadi sikavava, e tomota tayamo ina Eberamo ilatuwoko kana,
‘Am gómana Nakori monena Milika nakae bogina ivenátuna. 21Botomoya yoina Uso, bonauyayana yoidi Buso be Kamweli, tauyana Aram tamana, 22Kesedi, Aso, Pilidasi be Idilapi go, bogomane moe Betuweli.’
23Kina Betuweliyana natuna moe Ribeka. E Eberamo ivana Milika natunao adi badabada ainima aito ivenatunidi. 24Nakoriyana moneyuwoina yoina Reuma. E Reumayana nakae ivenátuna, natunao adi taivasi moe Teba, Gakam, Teyasi be Meaka.
اکنون انتخاب شده:
Aba Vatowo 22: GVS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2019, Wycliffe Bible Translators, Inc. All rights reserved.