'Olic 92
92
O Sapahmek a Radiw
O saki Pasla'an a Romi'ad a 'olic.
1 Tapangaw, tada o nga'ayay a dmak ko pikansiya i Tisowanan,
Isatakaraway a Tapang, tada o makapahay a dmak ko pipahmek a romadiw i Tisowanan.
2O dafak i, mipalosiyang kami to mida'ocay a olah Iso,
o dadaya i, mipasowal kami to nika so'lin Iso.
3Ka o mo^tepay ko kliw a datok ato tomirengay a datok,
ato masamaamaanay a soni no datok a pahaklong a pahmek.
4 Tapangaw, o nika tadamaan no dmak Iso ko sakalipahak ako,
o nika tadamaan no tayal Iso ko sakapilkal ako a romadiw.
5 Tapangaw, wata: ko nika tadamaan no dmak Iso,
tadatalolong ko niharatengan Iso.
6Caay ko mamafana' ko mafolaay a tamdaw,
caay ko papakapalita ko maapaay a tamdaw.
7Talacowa matiya o lahad no talod i palapalaan ko nika lahad no tatiihay a tamdaw,
latek macakat ko 'orip no tatiihay a tamdaw,
nikawrira, o mamatkop cangra a ma^min.
8Nawhani o mida'ocay a tadamaanay a Tapang kiso.
9 Tapangaw, mafana' kami, o mamatkop a ma^min ko 'ada Iso,
o mamaliwasak a ma^min ko tatiihay a tamdaw.
10Matiya o nika ci'icel no pala a kolong ko pipaki^mel Iso i takowanan,
paflien Iso kako to mida'ocay a sakalmed.
11Ma'araw ako ko nika tfad no 'ada ako,
matngil ako ko pilaling no tatiihay a tamdaw.
12O mamatiya o sarengad ko lahad no mo^celay a tamdaw,
o mamatiya o fidngal a kilang no Lipanon ko nika takaraw nangra.
13O mamatiya o nipalomaan a kilang i Fangcalay Pita'ongan to Tapang cangra,
malahad canira i potal no Fangcalay Pita'ongan to Kawas ita.
14Yo mato'asto canira i, oyananto a cihci,
o ca'ang ato papah nira i, sakidmol sa a kangdaw a caay ka faar.
15Onini i, o pahapinangay to nika mo^cel no Tapang,
awaay ko caay ka mo^cel no midipotay i takowanan.
اکنون انتخاب شده:
'Olic 92: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019