'Olic 91
91
O Midipotay i Titaanan a Kawas
1O pasayraay Isatakaraway a Ci'icelay a Kawas a mikilim to karihadayan, o tayraay a maro' a miki'ading a tamdaw i,
2Manga'ay a pasayra i Tapang a somowal,
<<O piki'adingan ako Kiso, o pisitaraan ako,
o Kawas ako Kiso, o piti'eran ako,>> han.
3Nawhani o papa'oripen Ningra a paliyas kiso nai nisimedan no tao a talakal ato mipatayay a lifong a adada.
4O tatahpoen Ningra kiso to sapikpik a midipot,
o rarihaday kiso i laloma' no pidipot Ningra,
o nika so'lin Ningra ko sapidipot Ningra a matiya o sapatada a pa'ading i tisowanan.
5O to'man i, caayto ko mamatalaw kiso to katalawan,
o romi'ad i, caayto ko mamatalaw kiso to mikari'angay.
6Caayto ko mamatalaw kiso to salafii sanay a lifong,
caayto ko mamatalaw kiso to saromi'ad sanay a latiih.
7Ano mapatapatay i kawili iso ko ccay a patek a tamdaw,
ano mahofayafayar a mapatay i kawanan iso ko ccay a 'ofad a tamdaw i,
caay ko mamarapot no latiih kiso.
8O mama'araw iso ko nika tfoc no tatiihay a tamdaw.
9Nawhani o piki'adingan iso ko Tapang,
o kamaro'an iso Cingra o Isatakaraway a Tapang.
10Caay ko mamiri'ang ko latiih i tisowanan,
caay ko mamiraod ko pades to loma' iso.
11O a ocoren no Kawas ko coyoh a papinengneng i tisowanan,
ano tayra i cowacowa kiso i, dipoten Ningra kiso.
12O cacadaen nangra to kamay Kiso to saka^caaw ka pasta' no wa'ay Iso i fokloh a cidoka'.
13O mamiripa' kiso to layon ato 'oner,
o raripa'en iso a miporaric ko mari'angay a layon ato cisawarakay a 'oner.
14Sowal sa ko Kawas, <<O papa'oripen Ako ko maolahay i Takowanan a tamdaw,
o dadipoten Ako ko mita'ongay i Takowanan a tamdaw.
15Ano milongoc cangra i Takowanan i, paca'ofen Ako,
ano mapades cangra i, o mamikapot Kako i cangraan a mapades.
O papa'oripen Ako cangra, ta tadamaan cangra.
16O papalmeden Ako a misakakaya' ko 'orip nangra,
o papa'oripen Ako cangra,>> saan.
اکنون انتخاب شده:
'Olic 91: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019