'Olic 85
85
O Pitolon to Sakalmed no Kitakit
O nitilidan no tloc no ngasaw ni Korah a 'olic. Mapatorod i kakridan no paradiway.
1 Tapangaw, o miharatengay Kiso to sra Iso,
palololen Iso ko kitakit no Israil.
2Hpolen Iso ko raraw no finawlan Iso,
sololen Iso ko patlac nangra a ma^min.
3Caayto ka kter Kiso i cangraan,
mafasawto ko marafrafay a kter Iso.
4O pa'oripay i tamiyanan a Kawas,
nanay palowaden Iso kami,
nanay caayto ka kter Kiso i tamiyanan.
5Tahada'oc han Iso kami a makter haw?
Tangasaen Iso i kasarayray no tloc niyam ko kter Iso haw?
6Nanay liyawenho Iso a pacakat ko 'orip niyam,
ta lipahak kami o finawlan Iso a pahmek i Tisowanan.
7 Tapangaw, nanay pahapinangen Iso kami to caay ka falic a olah Iso,
nanay pa'oripen Iso kami.
8Matngilto ako ko sowal no Tapang a Kawas,
ano caay piliyaw kita a romakat to lalan no maapaay i,
mikton Cingra a parihaday to so'linay ko faloco' a finawlan Ningra.
9O papa'oripen Ningra ko mangodoay Cingraan,
o mamatomes i kitakit ita ko 'dil Ningra.
10Malalitmoh ko sini'ada ato so'lin,
matatakec ko mo^cel ato rihaday.
11Nai sra a masadak ko so'linay a dmak no tamdaw,
nai kakarayan a talahkal ko mo^celay a dmak no Kawas.
12Ano sapacakatan ko Tapang to 'orip ita i,
paloficen#85.12 paloficen -- o roma i, pahpiken (katimol). Ningra ko hci no pinaloma no sra ita.
13I ka'ayaw no Tapang a romakat ko mo^celay a mipatala to lalan Ningra.
اکنون انتخاب شده:
'Olic 85: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019