'Olic 84
84
O Nika 'Ilol to Loma' no Kawas
O nitilidan no tloc no ngasaw ni Korah a 'olic. Mapatorod i kakridan no paradiway.
1O mikomoday a Tapang,
tada o kaolahan ako ko kamaro'an Iso.
2Tadama'ilol kako to loma' no Tapang,
masarocod ko faloco' ato tireng ako a pasayra
i mida'ocay a ma'orip a Kawas a milkal a romadiw.
3O mikomoday a Tapang, hongtiaw ako, Kawasaw ako,
halo'alic#84.3 'alic -- o roma i, cirep. ato papa'ong#84.3 papa'ong -- o roma i, 'alolil, tata'ongay. a padipong to malokamaro'an no wawa nanira,
itira i tatihi no pipacakatan i Tisowanan.
4Tadamalmeday ko maro'ay i loma' Iso a tamdaw,
nawhani mararid cangra a pahmek a romadiw i Tisowanan.
5O miti'eray Tisowanan a mitado to 'icel Iso i, tadamalmeday,
tamor sa cangra to sakatayraaw i Cion a lotok a mita'ong i Tisowanan.
6Yo pakayra cangra i makdalay a sa'owac i,
malatatapangan no nemnem koya karomakatan nangra a sra,
ma'orad to kafarawfawan, cifanaw i cowacowa noya sa'owac.
7Romakat a romakat cangra i, matongal a matongal ko 'icel nangra,
nawhani o tatayra cangra i Cion a mita'ong to tadamaanay a Kawas.
8O mikomoday a Tapang a Kawas,
tngilen ko pitolon ako,
Kawasaw ni Yakop,
nanay tngilenho Iso ko longoc ako.
9Kawasaw, nanay dipoten Iso ko sapatada oya hongti niyam,
nanay palmedenho Iso ko nipili'an Iso a palahongti.
10O nika maro' i loma' Iso to ccay a romi'ad ko kanga'ay to nika maro' i roma a kamaro'an to ccay a patek a romi'ad,
o pitala ako i fawahan no loma' no Kawas ko kanga'ay to nika maro' ako i loma' no tatiihay a tamdaw.
11Nawhani, o cidal ko Tapang a Kawas, o midipotay Cingra,
o pafliay Cingra to sini'ada ato sakatadamaan ita,
caay ka 'idi Cingra a pafli to nga'ayay a maamaan i mo^celay ko dmak a tamdaw.
12O mikomoday a Tapang, tada o malmeday ko miti'eray i Tisowanan a tamdaw.
اکنون انتخاب شده:
'Olic 84: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019