'Olic 54
54
O Pilongoc to Sadipot
Yo paratohen no Cif a tamdamdaw ci Sawlo to, <<Caay ka i tini a milimek ci Tafiti saw?>> itiya a mitilid ci Tafiti tona sapasifana' a 'olic, mapatorod i kakridan no paradiway.
1Kawasaw, nanay pakaynien i ngangan Iso ko sapipa'orip i takowanan,
nanay pakaynien i tadamaanay a 'icel Iso ko sapipa'ading i takowanan.
2Kawasaw, nanay tngilenho Iso ko pitolon ako,
nanay tngilenho Iso ko sowal ako.
3Ira ko kafahalan a tamdaw a milood i takowanan,
sapipatayan i takowanan ko mari'angay a tamdaw.
Awaay ko Kawas i mata nangra.
4Mafana' kako to nika o padamaay ko Kawas i takowanan,
o midipotay to 'orip ako ko Tapang.
5Mamana do^doen no Kawas ko tatiihay a dmak no 'ada ako a mico'ay i cangraan,
o dado^doen Ningra ko nika so'lin Ningra a mitkop i cangraan.
6 Tapangaw, tadamahmek kako a pacakat a pato'aya i Tisowanan,
miahowid kako i Tisowanan, nawhani o nga'ayay Kiso.
7Mapa'orip Iso kako a paliyas nai masamaamaanay a pades,
ma'arawto ako ko nika pleng no 'ada ako.
اکنون انتخاب شده:
'Olic 54: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019