'Olic 53
53
O Faloco' no Tatiihay a Tamdaw
('Olic 14)
O sapasifana' ni Tafiti a 'olic. Mapatorod i kakridan no paradiway. O no <<Mahalad>> a hacong ko saparadiw.
1O misalata'ata'angay a la^ngo^ngo a tamdaw i,
<<Awaay ko Kawas,>> saan.
O mapohedayto cangra a ma^min, midmak cangra to tatiihay a dmak,
awaay ko ccaccay aca a nga'ayay ko dmak a tamdaw.
2Pasila^no ko Kawas i kakarayan a minengneng to i hkalay a tamdaw,
iraay hakini ko mafana'ay a tamdaw,
iraay hakini ko milongocay to Kawas.
3'Arawhani, miliyas a ma^min ko tamdamdaw i Cingraan,
sahto o mapoheday ko dmak nangra a ma^min.
Awaay ko ccaccay aca a tatamdawan to nidmakay to nga'ayay.
4Saka, licay sa ko Kawas, <<Caay kafana' ko tatiihay a tamdaw saw?
Iro sahto o mafokilay cangra haw?
Ta'moden nangra ko finawlan Ako, mafokil cangra a mitolon a milongoc i Takowanan,>> saan.
5Nikawrira, o mamackok cangra a matalaw to caayho ka lifet nangra a katalawan,
nawhani o tatkopen no Kawas ko 'ada no finawlan Ningra.
O fafalahen Ningra cangra, ta masefad ko faloco' a mapakangodo cangra.
6Nanay masadak nai Cion ko papa'orip to Israil!
Itiya i, o laliyawen no Kawas a palowad ko kasaparod no finawlan Ningra.
O lalipahak ko tloc ni Yakop,
o mamahmek ko Israil a finawlan.
اکنون انتخاب شده:
'Olic 53: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019