'Olic 30
30
O Sapiahowid a Pitolon
O 'olic ni Tafiti. O ccay no radiw to sapihmek a pacakat to Pita'ongan.
1 Tapangaw, o papahmeken ako Kiso,
nawhani o nipa'oripan Iso kako,
caay pihayda Kiso to nika lata'ang no 'ada i ka'ayaw ako.
2 Tapang a Kawas ako, pasayra kako i Tisowanan a mingitangit to pipadama Iso i, adahen Iso kako.
3 Tapangaw, mapa'orip Iso kako nai kaitiraan no mapatayay,
to saka^caaw ka pikapot ako to kaitiraan no mapatayay.
4Kamo o so'linay a mitooray to Tapang a finawlan, pahmeken ko Tapang,
ahowiden ko nika tadamaan no nidmakan no Fangcalay a Kawas.
5Ccay a mlet ko kter Ningra mafasawto,
nikawrira, caay pitolas ko sini'ada Ningra a tahada'oc.
Talacowa talalosa' to dadaya, dafak sato i, malipahakto.
6Yo rihaday kako i, sowal sa kako,
<<Caay ko mamangiyangi kako,>> saan kako.
7 Tapangaw, yo palmeden Iso kako i, tanektek kako,
matiya o tanektekay a tomireng i lotok a pisitaraan.
Nikawrira, yo liyasen Iso kako a caay pikihar i,
matalawto kako a mamirmir.
8 Tapangaw, mitahidang kako i Tisowanan a mingitangit,
nanay padamaenho Iso kako,
9<<Ano mapatay kako i, o maan ko kanga'ayan Iso saw?
Ano matadem kako i, o maan ko ^poc Iso saw?
Ma^dengho a pahmek i Tisowanan ko mapatayay saw?
Ma^dengho cangra a palosiyang to nika so'lin Iso saw?
10 Tapangaw, nanay tngilenho, kaadayayenho kako,
Tapangaw, nanay padamaenho kako.>>
11Nano mararomay kako i, palipahaken Iso kako a pasakro,
nano mica'dongay kako to sakararom a riko' i,
hlongen Iso a pariko' kako to sakalipahak.
12Orasaka, caay ka tomrep kako,
o raromadiw kako a pahmek i Tisowanan,
Tapang a Kawas ako, o mamida'oc kako a miahowid i Tisowanan.
اکنون انتخاب شده:
'Olic 30: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019