'Olic 29
29
O Ngiha' no Tapang i Kafaliyosan
O 'olic ni Tafiti.
1Kamo o coyocoyoh no Kawas, pahmeken ko Tapang,
pahmeken ko nika tadamaan ato nika ci'icel no Tapang.
2Pahmeken ko nika tadamaan no ngangan no Tapang,
ka o fangcalay, ma^resay ko riko' namo a mita'ong to Tapang.#29.2 ka o fangcalay, ma^resay ko riko' namo a mita'ong to Tapang -- ano ^ca i, yo talahkal ko tadamaan a 'dil no Tapang i, kapihinokop a mita'ong.
3Mildef i riyar ko ngiha' no Tapang,
o tadamaanay a Kawas ko pakaklengay,
cilodihang ko riyar to ngiha' no Tapang.
4Tata'ang a ci'icel ko ngiha' no Tapang,
o kasnengan ko ngiha' no Tapang.
5Mapla' no ngiha' no Tapang ko fidngal#29.5 fidngal -- o roma i, fahdil (ka'amis). a kilang,
halofidngal no Lipanon a pala a mapla' nira.
6Samatiya han no Tapang o pisacakocakod no tofor a kolong a papisacakocakod ko lotolotok no Lipanon a pala,
samatiya han Ningra o pisatakotakod no pala a kolong a papisatakotakod ko lotolotok no Hirmon.
7Matiya o soni no fitili' ko ngiha' no Tapang.
8Mingernger to kohkohan ko ngiha' no Tapang,
halo Katis a kohkohan a mangernger no Tapang.
9Mapa'at'at no ngiha' no Tapang ko tawinaan a malonem#29.9 malonem -- o roma i, ngafol (ka'amis).,
marasras no ngiha' Ningra ko papah no kilakilang,
itiya i, milkal ko i laloma'ay no Fangcalay Pita'ongan a tamdamdaw a ma^min a somowal,
<<Nanay mapahmek ko Tapang,>> saan.
10O makowanay no Tapang ko tata'angay a cdas,
o mida'ocay ko Tapang a malahongti a midipot.
11Paflien no Tapang to sakaci'icel ko finawlan Ningra,
paflien no Tapang to sakarihaday ko finawlan Ningra a palmed.
اکنون انتخاب شده:
'Olic 29: AMIS2019
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2019