Ioan 20
20
A.D. 33. —
1 Mair yn dyfod at y bedd, 3 a Phedr hefyd ac Ioan, heb wybod atgyfodi o’r Iesu. 11 Yr Iesu yn ymddangos i Mair Magdalen, 19 ac i’w ddisgyblion. 24 Anghrediniaeth a chyffes Thomas. 30 Bod yr ysgrythur lân yn ddigonol i iachawdwriaeth.
1Y #Mat 28:1; Marc 16:1; Luc 24:1 dydd cyntaf o’r #20:1 Sabothau.wythnos, Mair Magdalen a ddaeth y bore, a hi eto’n dywyll, at y bedd; ac a welodd y maen wedi ei dynnu ymaith oddi ar y bedd. 2Yna y rhedodd hi, ac a ddaeth at Simon Pedr, a’r #Pen 13:23; 21:7, 20, 24disgybl arall yr hwn yr oedd yr Iesu yn ei garu, ac a ddywedodd wrthynt, Hwy a ddygasant yr Arglwydd ymaith o’r bedd, ac ni wyddom ni pa le y dodasant ef. 3#Luc 24:12Yna Pedr a aeth allan, a’r disgybl arall, a hwy a ddaethant at y bedd; 4Ac a redasant ill dau ynghyd: a’r disgybl arall a redodd o’r blaen yn gynt na Phedr, ac a ddaeth yn gyntaf at y bedd. 5Ac wedi iddo grymu, efe a ganfu’r #Pen 19:40llieiniau wedi eu gosod: er hynny nid aeth efe i mewn. 6Yna y daeth Simon Pedr yn ei ganlyn ef, ac a aeth i mewn i’r bedd, ac a ganfu’r llieiniau wedi eu gosod; 7#Pen 11:44A’r napgyn a fuasai am ei ben ef, wedi ei osod, nid gyda’r llieiniau, ond o’r neilltu wedi ei blygu mewn lle arall. 8Yna yr aeth y disgybl arall hefyd i mewn, yr hwn a ddaethai yn gyntaf at y bedd; ac a welodd, ac a gredodd. 9Canys hyd yn hyn ni wyddent #Salm 16:10; Act 2:25–31; 13:35yr ysgrythur, fod yn rhaid iddo gyfodi o feirw. 10Yna y disgyblion a aethant ymaith drachefn at yr eiddynt.
11 #
Marc 16:5
Ond Mair a safodd wrth y bedd oddi allan, yn wylo: ac fel yr oedd hi yn wylo, hi a ymostyngodd i’r bedd; 12Ac a ganfu ddau angel mewn gwisgoedd gwynion, yn eistedd, un wrth ben, ac un wrth draed y lle y dodasid corff yr Iesu. 13A hwy a ddywedasant wrthi, O wraig, paham yr wyt ti yn wylo? Hithau a ddywedodd wrthynt, Am ddwyn ohonynt hwy fy Arglwydd i ymaith, ac nas gwn pa le y dodasant ef. 14#Mat 28:9; Marc 16:9Ac wedi dywedyd ohoni hyn, hi a droes drach ei chefn, ac a welodd yr Iesu yn sefyll: ac #Luc 24:16, 31; Ioan 21:4nis gwyddai hi mai yr Iesu oedd efe. 15Yr Iesu a ddywedodd wrthi, O wraig, paham yr wyt ti yn wylo? pwy yr wyt ti yn ei geisio? Hithau, yn tybied mai’r garddwr oedd efe, a ddywedodd wrtho, Syr, os tydi a’i dygaist ef, dywed i mi pa le y dodaist ef, a myfi a’i cymeraf ef ymaith. 16Yr Iesu a ddywedodd wrthi, Mair. Hithau a droes, ac a ddywedodd wrtho, Rabboni; yr hyn yw dywedyd, Athro. 17Yr Iesu a ddywedodd wrthi, Na chyffwrdd â mi; oblegid ni ddyrchefais i eto at fy Nhad: eithr dos at #Salm 22:22; Mat 28:10; Heb 2:11fy mrodyr, a dywed wrthynt, #Pen 16:28Yr wyf yn dyrchafu at fy Nhad i a’ch Tad chwithau, #Eff 1:17a’m Duw i a’ch Duw chwithau. 18Mair Magdalen a ddaeth ac a fynegodd i’r disgyblion, weled ohoni hi yr Arglwydd, a dywedyd ohono y pethau hyn iddi.
19 #
Marc 16:14; Luc 24:36; 1 Cor 15:5 Yna, a hi yn hwyr y dydd cyntaf hwnnw o’r #20:19 Sabothau.wythnos, a’r drysau yn gaead lle yr oedd y disgyblion wedi ymgasglu ynghyd rhag ofn yr Iddewon, daeth yr Iesu, ac a safodd yn y canol, ac a ddywedodd wrthynt, Tangnefedd i chwi. 20Ac wedi iddo ddywedyd hyn, efe a ddangosodd iddynt ei ddwylo a’i ystlys. #Pen 16:22Yna y disgyblion a lawenychasant pan welsant yr Arglwydd. 21Yna y dywedodd yr Iesu wrthynt drachefn, Tangnefedd i chwi: #Mat 28:18; Ioan 17:18; Heb 3:1; 2 Tim 2:2megis y danfonodd y Tad fi, yr wyf finnau yn eich danfon chwi. 22Ac wedi iddo ddywedyd hyn, efe a anadlodd arnynt, ac a ddywedodd wrthynt, Derbyniwch yr Ysbryd Glân. 23#Mat 16:19; 18:18Pwy bynnag y maddeuoch eu pechodau, maddeuir iddynt; a’r eiddo pwy bynnag a atalioch, hwy a ataliwyd.
24Eithr Thomas, un o’r deuddeg, yr hwn #Pen 11:16a elwir Didymus, nid oedd gyda hwynt pan ddaeth yr Iesu. 25Y disgyblion eraill gan hynny a ddywedasant wrtho, Ni a welsom yr Arglwydd. Yntau a ddywedodd wrthynt, Oni chaf weled yn ei ddwylo ef ôl yr hoelion, a dodi fy mys yn ôl yr hoelion, a dodi fy llaw yn ei ystlys ef, ni chredaf fi.
26Ac wedi wyth niwrnod drachefn yr oedd ei ddisgyblion ef i mewn, a Thomas gyda hwynt. Yna yr Iesu a ddaeth, a’r drysau yn gaead, ac a safodd yn y canol, ac a ddywedodd, Tangnefedd i chwi. 27Wedi hynny y dywedodd efe wrth Thomas, Moes yma dy fys, a gwêl fy nwylo; ac #1 Ioan 1:1estyn dy law, a dod yn fy ystlys: ac na fydd anghredadun, ond credadun. 28A Thomas a atebodd ac a ddywedodd wrtho, Fy Arglwydd, a’m Duw. 29Yr Iesu a ddywedodd wrtho, Am i ti fy ngweled, Thomas, y credaist: #1 Pedr 1:8bendigedig yw y rhai ni welsant, ac a gredasant.
30 #
Pen 21:25
A llawer hefyd o arwyddion eraill a wnaeth yr Iesu yng ngŵydd ei ddisgyblion, y rhai nid ydynt ysgrifenedig yn y llyfr hwn. 31#Luc 1:4Eithr y pethau hyn a ysgrifennwyd, fel y credoch chwi mai yr Iesu yw Crist, Mab Duw; a chan gredu, y caffoch fywyd yn ei enw ef.
اکنون انتخاب شده:
Ioan 20: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
