Genesis 35
35
1 Duw yn anfon Jacob i Bethel. 2 Mae efe yn glanhau ei dŷ o ddelwau; 6 yn adeiladu allor yn Bethel. 8 Debora yn marw yn Alhon‐bacuth. 9 Duw yn bendithio Jacob yn Bethel. 16 Rahel, wrth esgor ar Benjamin, yn marw ar y ffordd i Edar. 22 Reuben yn gorwedd gyda Bilha. 23 Meibion Jacob. 27 Jacob yn dyfod at Isaac i Hebron. 28 Oedran, marwolaeth, a chladdedigaeth Isaac.
1A Duw a ddywedodd wrth Jacob, Cyfod, esgyn i Bethel, a thrig yno; a gwna yno allor i Dduw, #Pen 28:13yr hwn a ymddangosodd i ti #Pen 27:43pan ffoaist o ŵydd Esau dy frawd. 2Yna Jacob a ddywedodd wrth ei deulu, ac wrth y rhai oll oedd gydag ef, Bwriwch ymaith #Pen 31:19, 34; Jos 24:2y duwiau dieithr sydd yn eich plith chwi, ac ymlanhewch, a #Exod 19:10newidiwch eich dillad; 3A chyfodwn, ac esgynnwn i Bethel: ac yno y gwnaf allor i Dduw, yr hwn a’m gwrandawodd yn nydd fy nghyfyngder, ac a fu gyda myfi yn y ffordd a gerddais. 4A hwy a roddasant at Jacob yr holl dduwiau dieithr y rhai oedd yn eu llaw hwynt, a’r clustlysau oedd yn eu clustiau: a Jacob a’u cuddiodd hwynt dan #Jos 24:26; Barn 9:6y dderwen oedd yn ymyl Sichem. 5A hwy a gychwynasant: ac #Exod 15:16; 23:27; 34:24; Deut 11:25; Jos 2:9; 5:1; 1 Sam 14:15; 2 Cron 14:14ofn Duw oedd ar y dinasoedd y rhai oedd o’u hamgylch hwynt, ac nid erlidiasant ar ôl meibion Jacob.
6A Jacob a ddaeth i Lus, yng ngwlad Canaan, hon yw Bethel, efe a’r holl bobl y rhai oedd gydag ef; 7Ac a adeiladodd yno allor, ac #Pen 28:19a enwodd y lle #35:7 Sef, Duw Bethel.El‐bethel, oblegid yno yr ymddangosasai Duw iddo ef, pan ffoesai efe o ŵydd ei frawd. 8A #Pen 24:59marw a wnaeth Debora mamaeth Rebeca; a hi a gladdwyd islaw Bethel, dan dderwen: a galwyd enw honno #35:8 Sef, derwen wylofain.Alhon‐bacuth.
9Hefyd #Hos 12:4Duw a ymddangosodd eilwaith i Jacob, pan ddaeth efe o #35:9 Padan‐Aram.Mesopotamia; ac a’i bendithiodd ef. 10A Duw a ddywedodd wrtho, Dy enw di yw Jacob: ni elwir dy enw di Jacob mwy, ond #Pen 32:28Israel a fydd dy enw di: ac efe a alwodd ei enw ef Israel. 11Hefyd Duw a ddywedodd wrtho, #Pen 17:1; 48:3Myfi yw Duw Hollalluog: cynydda, ac amlha; #Pen 17:5, 6, 16; 28:3; 48:4cenedl a chynulleidfa cenhedloedd a fydd ohonot ti; a brenhinoedd a ddaw allan o’th lwynau di. 12A’r wlad #Pen 12:7; 13:15; 26:3, 4yr hon a roddais i Abraham, ac i Isaac, a roddaf i ti, ac i’th had ar dy ôl di y rhoddaf y wlad. 13A Duw a esgynnodd oddi wrtho ef, yn y fan lle y llefarasai efe wrtho. 14A Jacob #Pen 28:18a osododd golofn yn y fan lle yr ymddiddanasai efe ag ef, sef colofn faen: ac efe a dywalltodd arni ddiod‐offrwm, ac a dywalltodd olew arni. 15A Jacob a alwodd enw y fan lle yr ymddiddanodd Duw ag ef, #Pen 28:19Bethel.
16A hwy a aethant ymaith o Bethel; ac yr oedd eto #35:16 Neu, ychydig ffordd, 2 Bren 5:19megis milltir o dir i ddyfod i Effrath: yno yr esgorodd Rahel, a bu galed arni wrth esgor. 17A darfu, pan oedd galed arni wrth esgor, i’r fydwraig ddywedyd wrthi hi, Nac ofna; oblegid dyma hefyd i ti fab. 18Darfu hefyd, wrth ymadael o’i henaid hi (oblegid marw a wnaeth hi), iddi alw ei enw ef #35:18 Sef, Mab fy ngalar.Ben‐oni: ond ei dad a’i henwodd ef #35:18 Sef, Mab y ddeheulaw.Benjamin. 19A #Pen 48:7Rahel a fu farw, ac a gladdwyd yn y ffordd i #Ruth 1:2; 4:11Effrath; hon yw Bethlehem. 20A Jacob a osododd golofn ar ei bedd hi: honno yw colofn bedd Rahel #1 Sam 10:2hyd heddiw. 21Yna Israel a gerddodd, ac a ledodd ei babell o’r tu hwnt i #Micha 4:8#35:21 Tŵr Edar.Migdal‐edar. 22A phan ydoedd Israel yn trigo yn y wlad honno, yna Reuben a aeth ac #Pen 49:4; 1 Cron 5:1; Edrych 2 Sam 16:22; 20:3; 1 Cor 5:1a orweddodd gyda Bilha gordderchwraig ei dad; a chlybu Israel hynny. Yna meibion Jacob oeddynt ddeuddeg: 23Meibion Lea; #Pen 46:8; Exod 1:2Reuben, cyntaf‐anedig Jacob, a Simeon, a Lefi, a Jwda, ac Issachar, a Sabulon. 24Meibion Rahel; Joseff a Benjamin. 25A meibion Bilha, llawforwyn Rahel; Dan a Nafftali. 26A meibion Silpa, llawforwyn Lea; Gad ac Aser. Dyma feibion Jacob, y rhai a anwyd iddo ym Mesopotamia.
27A Jacob a ddaeth at Isaac ei dad i #Pen 13:18; 23:2Mamre, i Gaer‐arba, hon yw Hebron, lle yr ymdeithiasai Abraham ac Isaac. 28A dyddiau Isaac oedd gan mlynedd a phedwar ugain mlynedd. 29Ac Isaac a drengodd, ac a fu farw, ac #Pen 15:15; 25:8a gasglwyd at ei bobl, yn hen, ac yn gyflawn o ddyddiau: a’i feibion, Esau a Jacob, #Pen 49:31a’i claddasant ef.
اکنون انتخاب شده:
Genesis 35: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society