Exodus 32
32
1 Y bobl, yn absen Moses, yn peri i Aaron wneuthur llo; 7 a hynny yn digio Duw; 11 ac yntau, ar ymbil Moses, yn ymdawelu. 15 Moses yn dyfod i waered â’r llechau: 19 yn eu torri hwy: 20 yn difetha y llo. 22 Esgus Aaron drosto ei hun. 25 Moses yn gorchymyn lladd y delw‐addolwyr, 30 ac yn gweddïo dros y bobl.
1Pan welodd y bobl fod Moses yn oedi dyfod i waered o’r mynydd; yna yr ymgasglodd y bobl at Aaron, ac y dywedasant wrtho, #Act 7:40Cyfod, gwna i ni dduwiau i fyned o’n blaen: canys y Moses hwn, y gŵr a’n dug ni i fyny o wlad yr Aifft, ni wyddom beth a ddaeth ohono. 2A dywedodd Aaron wrthynt, Tynnwch y clustlysau aur sydd wrth glustiau eich gwragedd, a’ch meibion, a’ch merched, a dygwch ataf fi. 3A’r holl bobl a dynasant y clustlysau aur oedd wrth eu clustiau, ac a’u dygasant at Aaron. 4Ac #1 Bren 12:28; Salm 106:19efe a’u cymerodd o’u dwylo, ac a’i lluniodd â chŷn, ac a’i gwnaeth yn llo tawdd: a hwy a ddywedasant, Dyma dy dduwiau di, Israel, y rhai a’th ddug di i fyny o wlad yr Aifft. 5A phan ei gwelodd Aaron, efe a adeiladodd allor ger ei fron ef: ac Aaron a gyhoeddodd, ac a ddywedodd, Y mae gŵyl i’r Arglwydd yfory. 6A hwy a godasant yn fore drannoeth, ac a offrymasant boethoffrymau, ac a ddygasant aberthau hedd: a’r #1 Cor 10:7bobl a eisteddasant i fwyta ac i yfed, ac a godasant i fyny i chwarae.
7A dywedodd yr Arglwydd wrth Moses, #Deut 9:12Cerdda, dos i waered: canys #Deut 32:5ymlygrodd dy bobl a ddygaist i fyny o dir yr Aifft. 8Buan y ciliasant o’r ffordd a orchmynnais iddynt: gwnaethant iddynt lo tawdd, ac addolasant ef, ac aberthasant iddo; dywedasant hefyd, #1 Bren 12:28Dyma dy dduwiau di, Israel, y rhai a’th ddygasant i fyny o wlad yr Aifft. 9Yr Arglwydd hefyd a ddywedodd wrth Moses, #Pen 33:3; Deut 9:6, 13; Esa 48:4Gwelais y bobl hyn; ac wele, pobl wargaled ydynt. 10Am hynny yn awr gad i mi lonydd, fel yr enynno fy llid yn eu herbyn, ac y difethwyf hwynt: a #Num 14:12mi a’th wnaf di yn genhedlaeth fawr. 11A #Deut 9:18; Salm 106:23Moses a ymbiliodd #32:11 Heb. ag wyneb.gerbron yr Arglwydd ei Dduw, ac a ddywedodd, Paham, Arglwydd, yr enynna dy ddigofaint yn erbyn dy bobl, y rhai a ddygaist allan o wlad yr Aifft, trwy nerth mawr, a llaw gadarn? 12#Num 14:13; Deut 9:28; 32:27Paham y caiff yr Eifftiaid lefaru, gan ddywedyd, Mewn malais y dygodd efe hwynt allan, i’w lladd yn y mynyddoedd, ac i’w difetha oddi ar wyneb y ddaear? Tro oddi wrth angerdd dy ddigofaint, a bydded edifar gennyt y drwg a amcenaist i’th bobl. 13Cofia Abraham, Isaac, ac Israel, dy weision, y rhai y tyngaist wrthynt i ti dy hun, ac y dywedaist wrthynt, #Gen 12:7; 13:15; 15:7, 18; 26:4; 28:13; 48:16Mi a amlhaf eich had chwi fel sêr y nefoedd; a’r holl wlad yma yr hon a ddywedais, a roddaf i’ch had chwi, a hwy a’i hetifeddant byth. 14Ac edifarhaodd ar yr Arglwydd am y drwg a ddywedasai efe y gwnâi i’w bobl.
15A Moses a drodd, ac a ddaeth i waered o’r mynydd, a dwy lech y dystiolaeth yn ei law: y llechau a ysgrifenasid o’u dau du; hwy a ysgrifenasid o bob tu. 16#Pen 31:18A’r llechau hynny oedd o waith Duw: yr ysgrifen hefyd oedd ysgrifen Duw yn ysgrifenedig ar y llechau. 17A phan glywodd Josua sŵn y bobl yn bloeddio, efe a ddywedodd wrth Moses, Y mae sŵn rhyfel yn y gwersyll. 18Yntau a ddywedodd, Nid llais bloeddio am oruchafiaeth, ac nid llais gweiddi am #32:18 Heb. lesgedd.golli’r maes; ond sŵn canu a glywaf fi.
19A bu, wedi dyfod ohono yn agos i’r gwersyll, iddo weled y llo a’r dawnsiau: ac enynnodd digofaint Moses: ac efe a daflodd y llechau o’i ddwylo ac a’u torrodd hwynt islaw y mynydd. 20#Deut 9:21Ac efe a gymerodd y llo a wnaethent hwy, ac a’i llosgodd â thân, ac a’i malodd yn llwch, ac a’i taenodd ar wyneb y dwfr, ac a’i rhoddes i’w yfed i feibion Israel. 21A dywedodd Moses wrth Aaron, Beth a wnaeth y bobl hyn i ti, pan ddygaist arnynt bechod mor fawr? 22A dywedodd Aaron, Nac enynned digofaint fy arglwydd: ti a adwaenost y bobl, mai ar ddrwg y maent. 23Canys dywedasant wrthyf, Gwna i ni dduwiau i fyned o’n blaen: canys y Moses hwn, y gŵr a’n dug ni i fyny o wlad yr Aifft, ni wyddom beth a ddaeth ohono. 24A dywedais wrthynt, I’r neb y mae aur, tynnwch ef: a hwy a’i rhoddasant i mi: a mi a’i bwriais yn tân, a daeth y llo hwn allan.
25A phan welodd Moses fod y bobl yn noeth, (canys Aaron #2 Cron 28:19a’u noethasai hwynt, i’w gwaradwyddo ymysg #32:25 Heb. y rhai a gyfodent i’w herbyn.eu gelynion;) 26Yna y safodd Moses ym mhorth y gwersyll, ac a ddywedodd, Pwy sydd ar du’r Arglwydd? deued ataf fi. A holl feibion Lefi a ymgasglasant ato ef. 27Ac efe a ddywedodd wrthynt, Fel hyn y dywed Arglwydd Dduw Israel; Gosodwch bob un ei gleddyf ar ei glun, ac ewch, cyniweiriwch o borth i borth trwy’r gwersyll, a #Num 25:5; Deut 33:9lleddwch bob un ei frawd, a phob un ei gyfaill, a phob un ei gymydog. 28A meibion Lefi a wnaethant yn ôl gair Moses: a chwympodd o’r bobl y dydd hwnnw ynghylch tair mil o wŷr. 29Canys dywedasai Moses, #32:29 Heb. Llenwch.Cysegrwch eich llaw heddiw i’r Arglwydd, #32:29 Neu, am fod pob un yn erbyn ei fab, ac yn erbyn, &cbob un ar ei fab, ac ar ei frawd; fel y rhodder heddiw i chwi fendith.
30A thrannoeth y dywedodd Moses wrth y bobl, Chwi a bechasoch bechod mawr: ac yn awr mi a af i fyny at yr Arglwydd; #2 Sam 16:12; Amos 5:15ond odid mi a wnaf gymod dros eich pechod chwi. 31A Moses a ddychwelodd at yr Arglwydd, ac a ddywedodd, Och! pechodd y bobl hyn bechod mawr, ac a wnaethant iddynt dduwiau o aur. 32Ac yn awr, os maddeui eu pechod; ac #Rhuf 9:3os amgen, dilea fi, atolwg, allan o’th #Salm 69:28; Dan 12:1; Phil 4:3; Dat 3:5; 13:8; 20:12lyfr a ysgrifennaist. 33A dywedodd yr Arglwydd wrth Moses, #Esec 18:4Pwy bynnag a bechodd i’m herbyn, hwnnw a ddileaf allan o’m llyfr. 34Am hynny dos yn awr, arwain y bobl i’r lle a ddywedais wrthyt: #Pen 33:2, 14 &cwele, fy angel a â o’th flaen di: #Deut 32:35a’r dydd yr ymwelwyf, yr ymwelaf â hwynt am eu pechod. 35A’r Arglwydd a drawodd y bobl, am iddynt wneuthur y llo a wnaethai Aaron.
اکنون انتخاب شده:
Exodus 32: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society