Exodus 29
29
1 Yr aberth a’r seremonïau a arferid wrth gysegru yr offeiriaid. 38 Y llosg‐offrwm gwastadol. 45 Addewid Duw ar drigo ym mhlith plant Israel.
1Dyma hefyd yr hyn a wnei di iddynt i’w cysegru hwynt, i offeiriadu i mi. #Lef 8:2Cymer un bustach ieuanc, a dau hwrdd perffeithgwbl, 2A #Lef 6:20bara croyw, a theisennau croyw wedi eu cymysgu ag olew, ac afrllad croyw wedi eu hiro ag olew: o beilliaid gwenith y gwnei hwynt. 3A dod hwynt mewn un cawell, a dwg hwynt yn y cawell, gyda’r bustach a’r ddau hwrdd. 4Dwg hefyd Aaron a’i feibion i ddrws pabell y cyfarfod, a golch hwynt â dwfr. 5A chymer y gwisgoedd, a gwisg am Aaron y bais, a mantell yr effod, a’r effod hefyd, a’r ddwyfronneg; a gwregysa ef #Pen 28:8â gwregys yr effod. 6A gosod y meitr ar ei ben ef, a dod y goron gysegredig ar y meitr. 7Yna y cymeri #Pen 30:25olew yr eneiniad, ac y tywellti ar ei ben ef, ac yr eneini ef. 8A dwg ei feibion ef, a gwisg beisiau amdanynt. 9A gwregysa hwynt â gwregysau, sef Aaron a’i feibion, a #29:9 Heb. rhwym.gwisg hwynt â chapiau: a bydd yr offeiriadaeth iddynt yn ddeddf dragwyddol: a thi #Pen 28:41a #29:9 Heb. lenwi law.gysegri Aaron a’i feibion. 10A phâr ddwyn y bustach gerbron pabell y cyfarfod; a #Lef 1:4rhodded Aaron a’i feibion eu dwylo ar ben y bustach. 11A lladd y bustach gerbron yr Arglwydd, wrth ddrws pabell y cyfarfod. 12A chymer o waed y bustach, a dod ar #Pen 27:2; 30:2gyrn yr allor â’th fys; a thywallt yr holl waed arall wrth droed yr allor. 13#Lef 3:3Cymer hefyd yr holl fraster a fydd yn gorchuddio’r perfedd, a’r #29:13 y llengig yw, medd y dysgawdwyr Hebreaidd.rhwyden a fyddo ar yr afu, a’r ddwy aren, a’r braster a fyddo arnynt, a llosg ar yr allor. 14Ond #Lef 4:11, 21; Heb 13:11cig y bustach, a’i groen, a’i fiswail, a losgi mewn tân, o’r tu allan i’r gwersyll: aberth dros bechod yw.
15Cymer hefyd un hwrdd; a gosoded Aaron a’i feibion eu dwylo ar ben yr hwrdd. 16A lladd yr hwrdd; a chymer ei waed ef, a thaenella ar yr allor o amgylch. 17A thor yr hwrdd yn ddarnau; a golch ei berfedd, a’i draed, a dod hwynt ynghyd â’i ddarnau, ac #29:17 Neu, ar ei.â’i ben. 18A llosg yr hwrdd i gyd ar yr allor: poethoffrwm i’r Arglwydd yw: arogl peraidd, aberth tanllyd i’r Arglwydd yw.
19A chymer yr ail hwrdd; a rhodded Aaron a’i feibion eu dwylo ar ben yr hwrdd. 20Yna lladd yr hwrdd, a chymer o’i waed, a dod ar gwr isaf clust ddeau Aaron, ac ar gwr isaf clust ddeau ei feibion, ac ar fawd eu llaw ddeau hwynt, ac ar fawd eu troed deau hwynt; a thaenella’r gwaed arall ar yr allor o amgylch. 21A chymer o’r gwaed a fyddo ar yr allor, ac o #Pen 30:25olew yr eneiniad, a thaenella ar Aaron, ac ar ei wisgoedd, ar ei feibion hefyd, ac ar wisgoedd ei feibion gydag ef: felly #Heb 9:22sanctaidd fydd efe a’i wisgoedd, ei feibion hefyd, a gwisgoedd ei feibion gydag ef. 22Cymer hefyd o’r hwrdd, y gwêr a’r gloren, a’r gwêr sydd yn gorchuddio’r perfedd, a rhwyden yr afu, a’r ddwy aren, a’r gwêr sydd arnynt, a’r ysgwyddog ddeau; canys hwrdd cysegriad yw: 23Ac un dorth o fara, ac un deisen o fara olewedig, ac un afrlladen o gawell y bara croyw, yr hwn sydd gerbron yr Arglwydd. 24A dod y cwbl yn nwylo Aaron, ac yn nwylo ei feibion: #29:24 Neu, ac ysgwyd.a chyhwfana hwynt yn offrwm #29:24 Neu, ysgydwad.cyhwfan gerbron yr Arglwydd. 25A chymer hwynt o’u dwylo, a llosg ar yr allor yn boethoffrwm, yn arogl peraidd gerbron yr Arglwydd: aberth tanllyd i’r Arglwydd yw. 26Cymer hefyd #Lef 8:29barwyden hwrdd y cysegriad yr hwn fyddo dros Aaron, a chyhwfana hi yn offrwm cyhwfan gerbron yr Arglwydd; a’th ran di fydd. 27A sancteiddia #Lef 7:34; Num 18:18; Deut 18:3barwyden yr offrwm cyhwfan, ac ysgwyddog yr offrwm dyrchafael, yr hon a gyhwfanwyd, a’r hon a ddyrchafwyd, o hwrdd y cysegriad, o’r hwn a fyddo dros Aaron, ac o’r hwn a fyddo dros ei feibion. 28Ac eiddo Aaron a’i feibion fydd trwy ddeddf dragwyddol oddi wrth feibion Israel: canys offrwm dyrchafael yw; ac #Lef 7:34offrwm dyrchafael a fydd oddi wrth feibion Israel o’u haberthau hedd, sef eu hoffrwm dyrchafael i’r Arglwydd.
29A dillad sanctaidd Aaron a fyddant i’w feibion ar ei ôl ef, i’w heneinio ynddynt, ac i’w cysegru ynddynt. 30#Num 20:28Yr hwn o’i feibion ef a fyddo offeiriad yn ei le ef, a’u gwisg hwynt saith niwrnod, pan ddelo i babell y cyfarfod i weini yn y cysegr.
31A chymer hwrdd y cysegriad, a berwa ei gig yn y lle sanctaidd. 32A bwytaed Aaron a’i feibion gig yr hwrdd, #Lef 8:31; Mat 12:4a’r bara yr hwn fydd yn y cawell, wrth ddrws pabell y cyfarfod. 33A hwy a fwytânt y pethau hyn y gwnaed y cymod â hwynt, i’w cysegru hwynt ac i’w sancteiddio: ond y dieithr ni chaiff eu bwyta; canys cysegredig ydynt. 34Ac os gweddillir o gig y cysegriad, neu o’r bara, hyd y bore; yna ti a losgi’r gweddill â thân: ni cheir ei fwyta, oblegid cysegredig yw. 35A gwna fel hyn i Aaron, ac i’w feibion, yn ôl yr hyn oll a orchmynnais i ti: saith niwrnod y cysegri hwynt. 36A phob dydd yr aberthi fustach yn aberth dros bechod, er cymod: a glanha yr allor, wedi i ti wneuthur cymod drosti, ac eneinia hi, i’w chysegru. 37Saith niwrnod y gwnei gymod dros yr allor, ac y sancteiddi hi: felly #Pen 40:10yr allor fydd sanctaidd: #Pen 30:29; Mat 23:19pob peth a gyffyrddo â’r allor, a sancteiddir.
38A dyma yr hyn a offrymi ar yr allor. #Num 28:3Dau oen blwyddiaid, #Edrych Dan 9:27; 12:11bob dydd yn wastadol. 39Yr oen cyntaf a offrymi di y bore; a’r ail oen a offrymi di yn y cyfnos. 40A chyda’r naill oen ddegfed ran o beilliaid wedi ei gymysgu â phedwaredd ran hin o olew coethedig: a phedwaredd ran hin o win, yn ddiod‐offrwm. 41A’r oen arall a offrymi di yn y cyfnos, ac a wnei iddo yr un modd ag i fwyd‐offrwm y bore, ac i’w ddiod‐offrwm, i fod yn arogl peraidd, yn aberth tanllyd i’r Arglwydd: 42Yn boethoffrwm gwastadol trwy eich oesoedd, wrth ddrws pabell y cyfarfod, gerbron yr Arglwydd; #Pen 30:36lle y cyfarfyddaf â chwi, i lefaru wrthyt yno. 43Ac yn y lle hwnnw y cyfarfyddaf â meibion Israel; ac efe a sancteiddir trwy fy ngogoniant. 44A mi a sancteiddiaf babell y cyfarfod a’r allor; ac Aaron a’i feibion a sancteiddiaf, i offeiriadu i mi.
45A #Pen 25:8; Lef 26:12; Sech 2:10; 2 Cor 6:16; Dat 21:3mi a breswyliaf ymysg meibion Israel, ac a fyddaf yn Dduw iddynt. 46A hwy a gânt wybod mai myfi yw yr Arglwydd eu Duw, yr hwn a’u dygais hwynt allan o dir yr Aifft, fel y trigwn yn eu plith hwynt: myfi yw yr Arglwydd eu Duw.
اکنون انتخاب شده:
Exodus 29: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society