Deuteronomium 15
15
1 Y seithfed flwyddyn yn flwyddyn gollyngdod i’r tlodion: 7 eto nas dylai rwystro benthycio neu roddi. 12 Gwas o Hebread, 16 oddi eithr iddo fod yn anfodlon i ymadael, sydd raid ei ollwng ymaith yn rhydd y seithfed flwyddyn; ond nid yn waglaw. 19 Rhaid yw cysegru pob gwryw cyntaf‐anedig o’r anifeiliaid i’r Arglwydd.
1Ymhen #Exod 21:2; 23:10; Lef 25:3, 4; Jer 34:14 pob saith mlynedd gwna ollyngdod. 2A dyma wedd y gollyngdod. Gollynged pob #15:2 Heb. meistr echwyn ei law.echwynnwr i’w gymydog yn rhydd ei echwyn a echwynnodd efe: na fynned hynny drachefn gan ei gymydog, neu ei frawd; canys cyhoeddwyd gollyngdod yr Arglwydd. 3#Edrych Pen 23:20Ti a elli fynnu drachefn gan y dieithr; ond gollynged dy law yn rhydd yr hyn sydd i ti gyda’th frawd: 4#15:4 Ond pan na byddo.Megis na byddo ohonot ti gardotyn: canys yr Arglwydd gan fendithio a’th fendithia di, yn y tir y mae yr Arglwydd dy Dduw yn ei roddi i ti yn etifeddiaeth i’w feddiannu; 5Yn unig os gan wrando y gwrandewi ar lais yr Arglwydd dy Dduw, gan gadw a gwneuthur yr holl orchmynion yma, y rhai yr ydwyf fi yn eu gorchymyn i ti heddiw. 6Canys yr Arglwydd dy Dduw a’th fendithia, megis y llefarodd wrthyt, fel #Pen 28:12, 44y benthyciech i genhedloedd lawer, ac na fenthyciech di ganddynt; ti hefyd a arglwyddiaethi ar genhedloedd lawer, ac nid arglwyddiaethant hwy arnat ti.
7Os bydd yn dy fysg di un o’th frodyr yn dlawd o fewn un o’th byrth, yn dy dir yr hwn y mae yr Arglwydd dy Dduw yn ei roddi i ti, na chaleda dy galon, ac na chae dy law oddi wrth dy frawd tlawd: 8#Mat 5:42; Luc 6:34, 35Ond gan agoryd agor dy law iddo, a chan fenthycio benthycia ddigon i’w angen ef, yr hyn fyddo arno ei eisiau. 9Gwylia arnat, rhag bod yn dy galon #15:9 Heb. Belial.ddrwg #15:9 Heb. air.feddwl i ddywedyd, Agos yw’r seithfed flwyddyn, blwyddyn y gollyngdod; a bod dy #Pen 28:54, 56; Diar 23:6; 28:22; Mat 20:15lygad yn ddrwg yn erbyn dy frawd tlawd, rhag rhoddi iddo, a llefain ohono ef ar yr Arglwydd rhagot, a’i fod yn bechod i ti. 10Gan roddi dod iddo, ac na fydded drwg gan dy galon pan roddych iddo: canys o achos y peth hyn y’th fendithia yr Arglwydd dy Dduw yn dy holl waith, ac yn yr hyn oll y dodych dy law arno. 11Canys #Mat 26:11; Ioan 12:8ni dderfydd y tlawd o ganol y tir: am hynny yr ydwyf fi yn gorchymyn i ti, gan ddywedyd, Gan agoryd agor dy law i’th frawd, i’th anghenus ac i’th dlawd, yn dy dir.
12 #
Exod 21:2; Jer 34:14 Os gwerthir dy frawd, Hebread, neu Hebrees, i ti, a’th wasanaethu chwe blynedd; y seithfed flwyddyn gollwng ef yn rhydd oddi wrthyt. 13A phan ollyngech ef yn rhydd oddi wrthyt, na ollwng ef yn wag: 14Gan lwytho llwytha ef o’th braidd, ac o’th ysgubor, ac o’th winwryf: o’r hyn y’th fendithiodd yr Arglwydd dy Dduw, dod iddo. 15A chofia mai gwas fuost yn nhir yr Aifft, a’th waredu o’r Arglwydd dy Dduw: am hynny yn ydwyf yn gorchymyn y peth hyn i ti heddiw. 16Ond os dywed wrthyt, Nid af allan oddi wrthyt; am ei fod yn dy hoffi di a’th dŷ; oherwydd bod yn dda arno ef gyda thi: 17#Exod 21:6Yna cymer fynawyd, a dod trwy ei glust ef, ac yn y ddôr; a bydded yn was i ti byth: felly hefyd y gwnei i’th forwyn. 18Na fydded caled gennyt ei ollwng ef yn rhydd oddi wrthyt, canys gwasanaethodd di werth #Edrych Esa 16:14; 21:16dau gyflog gweinidog, chwe blynedd: a’r Arglwydd dy Dduw a’th fendithia yn yr hyn oll a wnelych.
19 #
Exod 13:2; 34:19; Lef 27:26; Num 3:13 Pob cyntaf‐anedig yr hwn a enir o’th wartheg, neu o’th ddefaid, yn wryw, a gysegri di i’r Arglwydd dy Dduw: na weithia â chyntaf‐anedig dy ychen, ac na chneifia gyntaf‐anedig dy ddefaid. 20#Pen 12:7, 17; 14:23; 16:11, 14Gerbron yr Arglwydd dy Dduw y bwytei ef bob blwyddyn, yn y lle a ddewiso yr Arglwydd, ti a’th deulu. 21#Lef 22:20; Pen 17:1Ond os bydd anaf arno, os cloff neu ddall fydd, neu arno ryw ddrwg anaf arall; nac abertha ef i’r Arglwydd dy Dduw. 22O fewn dy byrth y bwytei ef: #Pen 12:15yr aflan a’r glân ynghyd a’i bwyty, megis yr iwrch, ac megis y carw. 23#Pen 12:16, 23Eto na fwyta ei waed ef; tywallt hwnnw ar y ddaear fel dwfr.
اکنون انتخاب شده:
Deuteronomium 15: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society