Actau’r Apostolion 20
20
A.D. 59. —
1 Paul yn myned i Macedonia; 7 yn gwasanaethu swper yr Arglwydd, ac yn pregethu. 9 Eutychus, wedi cwympo i lawr yn farw, yn cael ei godi i fyny yn fyw. 17 Paul, ym Miletus, yn galw yr henuriaid ynghyd; ac yn mynegi iddynt beth a ddigwyddai iddo: 28 yn gorchymyn praidd Duw iddynt: 29 yn eu rhybuddio hwynt am y gau‐athrawon: 36 yn gweddïo gyda hwynt, ac yn myned ymaith.
1Ac ar ôl gostegu’r cythrwfl, Paul, wedi galw’r disgyblion ato, a’u cofleidio, #1 Tim 1:3a ymadawodd i fyned i Facedonia. 2Ac wedi iddo fyned dros y parthau hynny, a’u cynghori hwynt â llawer o ymadrodd, efe a ddaeth i dir Groeg. 3Ac wedi aros dri mis, a gwneuthur o’r Iddewon gynllwyn iddo, fel yr oedd ar fedr morio i Syria, efe a arfaethodd ddychwelyd trwy Facedonia. 4A chydymdeithiodd ag ef hyd yn Asia, Sopater o Berea; ac o’r Thesaloniaid, #Pen 19:29; 27:2; Col 4:10Aristarchus a Secundus; a Gaius o Derbe, a Timotheus; ac o’r Asiaid, #Eff 6:21; Col 4:7; 2 Tim 4:12; Titus 3:12Tychicus a #Pen 21:29; 2 Tim 4:20Troffimus. 5Y rhai hyn a aethant o’r blaen, ac a arosasant amdanom yn Nhroas. 6A ninnau a fordwyasom ymaith oddi wrth Philipi, ar ôl dyddiau’r bara croyw, ac a ddaethom atynt hwy i Droas mewn pum niwrnod; lle yr arosasom saith niwrnod. 7Ac ar #1 Cor 16:2; Dat 1:10y dydd cyntaf o’r #20:7 Sabothau.wythnos, wedi i’r disgyblion ddyfod ynghyd #Pen 2:42, 46; 1 Cor 10:16; 11:20, &ci dorri bara, Paul a #20:7 bregethodd iddynt.ymresymodd â hwynt, ar fedr myned ymaith drannoeth; ac efe a barhaodd yn ymadrodd hyd hanner nos. 8Ac yr oedd llawer o lampau yn y llofft lle yr oeddynt wedi ymgasglu. 9A rhyw ŵr ieuanc, a’i enw Eutychus, a eisteddai mewn ffenestr: ac efe a syrthiodd mewn trymgwsg, tra oedd Paul yn ymresymu yn hir, wedi ei orchfygu gan gwsg, ac a gwympodd i lawr o’r drydedd lofft; ac a gyfodwyd i fyny yn farw. 10A Phaul a aeth i waered, ac #1 Bren 17:21a syrthiodd arno ef, a chan ei gofleidio, a ddywedodd, #Mat 9:24Na chyffroed arnoch: canys y mae ei enaid ynddo ef. 11Ac wedi iddo ddyfod i fyny, a thorri bara, a bwyta, ac ymddiddan llawer hyd doriad y dydd; felly efe a aeth ymaith. 12A hwy a ddygasant y llanc yn fyw, ac a gysurwyd yn ddirfawr.
13Ond nyni a aethom o’r blaen i’r llong, ac a hwyliasom i Asos; ar fedr oddi yno dderbyn Paul: canys felly yr oedd efe wedi ordeinio, ar fedr myned ei hun ar ei draed. 14A phan gyfarfu efe â ni yn Asos, nyni a’i derbyniasom ef i mewn, ac a ddaethom i Mitylene. 15A morio a wnaethom oddi yno, a dyfod drannoeth gyferbyn â Chios; a thradwy y tiriasom yn Samos, ac a arosasom yn Trogylium; a’r ail dydd y daethom i Miletus. 16Oblegid Paul a roddasai ei fryd ar hwylio heibio i Effesus, fel na byddai iddo dreulio amser yn Asia. Canys #Pen 21:4, 12brysio yr oedd, os bai bosibl iddo, i fod yn Jerwsalem erbyn dydd y #20:16 Pentecost.Sulgwyn.
17Ac o Miletus efe a anfonodd i Effesus, ac a alwodd ato henuriaid yr eglwys. 18A phan ddaethant ato, efe a ddywedodd wrthynt, Chwi a wyddoch, #Pen 18:19; 19:1, 10er y dydd cyntaf y deuthum i Asia, pa fodd y bûm i gyda chwi dros yr holl amser; 19Yn gwasanaethu’r Arglwydd gyda phob gostyngeiddrwydd, a llawer o ddagrau, a phrofedigaethau, y rhai a ddigwyddodd i mi trwy gynllwynion yr Iddewon: 20Y modd #Ad. 27nad ateliais ddim o’r pethau buddiol heb eu mynegi i chwi, a’ch dysgu ar gyhoedd, ac o dŷ i dŷ; 21Gan dystiolaethu i’r Iddewon, ac i’r Groegiaid hefyd, #Marc 1:15; Luc 24:47yr edifeirwch sydd tuag at Dduw, a’r ffydd sydd tuag at ein Harglwydd Iesu Grist. 22Ac yn awr, wele #Pen 19:21fi yn rhwym yn yr ysbryd yn myned i Jerwsalem, heb wybod y pethau a ddigwydd imi yno: 23Eithr bod #Pen 21:4, 11yr Ysbryd Glân yn tystio i mi ym mhob dinas, gan ddywedyd, fod rhwymau a blinderau yn fy aros. 24Ond #Pen 21:13nid wyf fi yn gwneuthur cyfrif o ddim, ac nid gwerthfawr gennyf fy einioes fy hun, os gallaf orffen fy ngyrfa trwy lawenydd, a’r weinidogaeth #Gal 1:1; Titus 1:3a dderbyniais gan yr Arglwydd Iesu, i dystiolaethu efengyl gras Duw. 25Ac yr awron, wele, mi a wn #Ad. 38; Rhuf 15:23na chewch chwi oll, ymysg y rhai y bûm i yn tramwy yn pregethu teyrnas Dduw, weled fy wyneb i mwyach. 26Oherwydd paham yr ydwyf yn tystio i chwi y dydd heddiw, #Pen 18:6fy mod i yn lân oddi wrth waed pawb oll: 27Canys #Ad. 20nid ymateliais rhag mynegi i chwi holl #Luc 7:30; Ioan 15:15; Eff 1:11gyngor Duw.
28 #
1 Tim 4:16; 1 Pedr 5:2 Edrychwch gan hynny arnoch eich hunain, ac ar yr holl braidd, ar yr hwn y gosododd yr Ysbryd Glân chwi yn olygwyr, i fugeilio eglwys Dduw, #Eff 1:7; Col 1:14; 1 Pedr 1:19; Dat 5:9yr hon a bwrcasodd efe #Edrych Heb 9:14â’i briod waed. 29Canys myfi a wn hyn, y daw, ar ôl fy ymadawiad i, #Mat 7:15; 1 Pedr 2:1fleiddiau #20:29 trymion.blinion i’ch plith, heb arbed y praidd. 30Ac ohonoch chwi eich hunain y cyfyd gwŷr yn llefaru pethau gŵyrdraws, i dynnu disgyblion ar eu hôl. 31Am hynny gwyliwch, a chofiwch, #Pen 19:10dros dair blynedd na pheidiais i nos a dydd â rhybuddio pob un ohonoch â dagrau. 32Ac yr awron, frodyr, yr ydwyf yn eich gorchymyn i Dduw, ac i air ei ras ef, yr hwn a all #Pen 9:31adeiladu ychwaneg, a rhoddi i chwi #Eff 1:18etifeddiaeth ymhlith yr holl rai a sancteiddiwyd. 33#1 Sam 12:3Arian, neu aur, neu wisg neb, ni chwenychais: 34Ie, chwi a wyddoch eich hunain, #Pen 18:3; 1 Cor 4:12; 1 Thess 2:9; 2 Thess 3:8ddarfod i’r dwylo hyn wasanaethu i’m cyfreidiau i, ac i’r rhai oedd gyda mi. 35Mi a ddangosais i chwi bob peth, #1 Cor 9:12; 2 Cor 11:9; 12:13; 1 Thess 4:11mai wrth lafurio felly y mae yn rhaid cynorthwyo’r gweiniaid; a chofio geiriau yr Arglwydd Iesu, ddywedyd ohono ef, mai Dedwydd yw rhoddi yn hytrach na derbyn.
36Ac wedi iddo ddywedyd y pethau hyn, efe #Pen 7:60; 21:5a roddodd ei liniau i lawr, ac a weddïodd gyda hwynt oll. 37Ac wylo yn dost a wnaeth pawb: a hwy a syrthiasant ar wddf Paul, ac a’i cusanasant ef; 38Gan ofidio yn bennaf am y gair #Ad. 25a ddywedasai efe, na chaent weled ei wyneb ef mwy. A hwy a’i hebryngasant ef i’r llong.
اکنون انتخاب شده:
Actau’r Apostolion 20: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
