Actau’r Apostolion 16
16
A.D. 53. —
1 Paul, wedi enwaedu ar Timotheus, 7 ac wedi ei alw gan yr Ysbryd, 14 yn troi Lydia: 16 yn bwrw allan ysbryd dewiniaeth; 19 ac am hynny Silas ac yntau yn cael eu fflangellu, a’u carcharu. 26 Agoryd drysau y carchar: 31 troi ceidwad y carchar, 37 a’u gwaredu hwythau.
1Yna y daeth efe i #Pen 14:6Derbe ac i Lystra. Ac wele, yr oedd yno ryw ddisgybl, #Rhuf 16:21; Phil 2:19; 1 Thess 3:2a’i enw Timotheus, #2 Tim 1:5mab i ryw wraig yr hon oedd Iddewes, ac yn credu; a’i dad oedd Roegwr: 2Yr hwn #Pen 6:3oedd yn cael gair da gan y brodyr oedd yn Lystra, ac yn Iconium. 3Paul a fynnai i hwn fyned allan gydag ef; ac efe #1 Cor 9:20; Gal 2:3; Edrych Gal 5:2a’i cymerth ac a’i henwaedodd ef, o achos yr Iddewon oedd yn y lleoedd hynny: canys hwy a wyddent bawb mai Groegwr oedd ei dad ef. 4Ac fel yr oeddynt yn ymdaith trwy’r dinasoedd, hwy #16:4 a draddodasant iddynt.a roesant arnynt gadw’r gorchmynion #Pen 15:28, 29a ordeiniesid gan yr apostolion a’r henuriaid y rhai oedd yn Jerwsalem. 5Ac felly yr eglwysi a gadarnhawyd yn y ffydd, ac a gynyddasant mewn rhifedi beunydd. 6Ac wedi iddynt dramwy trwy Phrygia, a gwlad Galatia, a gwarafun iddynt gan yr Ysbryd Glân bregethu’r gair yn Asia; 7Pan ddaethant i Mysia, hwy a geisiasant fyned i Bithynia: ac ni oddefodd Ysbryd yr Iesu iddynt. 8Ac wedi myned heibio i Mysia, #2 Cor 2:12hwy a aethant i waered i Droas. 9A gweledigaeth a ymddangosodd i Paul liw nos: Rhyw ŵr o Facedonia a safai, ac a ddeisyfai arno, ac a ddywedai, Tyred drosodd i Facedonia, a chymorth ni. 10A phan welodd efe y weledigaeth, yn ebrwydd ni a geisiasom fyned i Facedonia; gan gwbl gredu alw o’r Arglwydd nyni i efengylu iddynt hwy. 11Am hynny, wedi myned ymaith o Droas, ni a gyrchasom yn union i Samothracia, a thrannoeth i Neapolis; 12Ac oddi yno i Philipi, yr hon #16:12 yw y ddinas gyntaf.sydd brifddinas o barth o Facedonia, dinas rydd: ac ni a fuom yn aros yn y ddinas honno ddyddiau rai. 13Ac ar y dydd Saboth ni a aethom allan o’r ddinas i lan afon, lle y byddid arferol o weddïo; ac ni a eisteddasom, ac a lefarasom wrth y gwragedd a ddaethant ynghyd.
14A rhyw wraig a’i henw Lydia, un yn gwerthu porffor, o ddinas y Thyatiriaid, yr hon oedd yn addoli Duw, a wrandawodd; yr hon yr agorodd yr Arglwydd #Luc 24:45ei chalon, i ddal ar y pethau a leferid gan Paul. 15Ac wedi ei bedyddio hi a’i theulu, hi a ddymunodd arnom, gan ddywedyd, Os barnasoch fy mod i’n ffyddlon i’r Arglwydd, deuwch i mewn i’m tŷ, ac arhoswch yno. A #Gen 19:3; 33:11; Barn 19:21; Luc 24:29; Heb 13:2hi a’n cymhellodd ni.
16A digwyddodd, a ni’n myned i weddïo, i ryw lances, yr hon #1 Sam 28:7oedd ganddi ysbryd #16:16 Neu, Python.dewiniaeth, gyfarfod â ni; yr hon oedd yn peri #Pen 19:24llawer o elw i’w meistriaid wrth ddywedyd dewiniaeth. 17Hon a ddilynodd Paul a ninnau, ac a lefodd, gan ddywedyd, Y dynion hyn ydynt weision y Duw goruchaf, y rhai sydd yn mynegi i chwi ffordd iachawdwriaeth. 18A hyn a wnaeth hi dros ddyddiau lawer. Eithr Paul #Edrych Marc 1:25, 34yn flin ganddo, a drodd, ac a ddywedodd wrth yr ysbryd, Yr ydwyf yn gorchymyn i ti, yn enw Iesu Grist, fyned allan ohoni. #Marc 16:17Ac efe a aeth allan yr awr honno.
19A phan welodd ei meistriaid hi fyned gobaith eu helw hwynt ymaith, #2 Cor 6:5hwy a ddaliasant Paul a Silas, ac a’u llusgasant hwy i’r #16:19 dadleudy.farchnadfa, at y llywodraethwyr; 20Ac a’u dygasant hwy at y swyddogion, ac a ddywedasant, Y mae’r dynion hyn, y rhai ydynt Iddewon, #1 Bren 18:17; Pen 17:6yn llwyr gythryblio ein dinas ni, 21Ac yn dysgu defodau, y rhai nid ydyw rydd i ni eu derbyn na’u gwneuthur, y rhai ydym Rufeinwyr. 22A’r dyrfa a safodd i fyny ynghyd yn eu herbyn hwy; a’r swyddogion, gan rwygo eu dillad, #2 Cor 11:25; 1 Thess 2:2a orchmynasant eu curo hwy â gwiail. 23Ac wedi rhoddi gwialenodiau lawer iddynt, hwy a’u taflasant i garchar, gan orchymyn i geidwad y carchar eu cadw hwy yn ddiogel; 24Yr hwn, wedi derbyn y cyfryw orchymyn, a’u bwriodd hwy i’r carchar nesaf i mewn, ac a wnaeth eu traed hwy yn sicr yn y cyffion.
25Ac ar hanner nos Paul a Silas oedd yn gweddïo, ac yn canu #16:25 emyn.mawl i Dduw: a’r carcharorion a’u clywsant hwy. 26#Pen 4:31Ac yn ddisymwth y bu daeargryn mawr, hyd oni siglwyd seiliau’r carchar: ac yn ebrwydd #Pen 5:19; 12:7yr holl ddrysau a agorwyd, a rhwymau pawb a aethant yn rhyddion. 27A phan ddeffrôdd ceidwad y carchar, a chanfod drysau’r carchar yn agored, efe a dynnodd ei gleddyf, ac a amcanodd ei ladd ei hun; gan dybied ffoi o’r carcharorion ymaith. 28Eithr Paul a lefodd â llef uchel, gan ddywedyd, Na wna i ti dy hun ddim niwed; canys yr ydym ni yma oll. 29Ac wedi galw am olau, efe a ruthrodd i mewn, ac yn ddychrynedig efe a syrthiodd i lawr gerbron Paul a Silas, 30Ac a’u dug hwynt allan, ac a ddywedodd, #Luc 3:10; Pen 2:37 9:6 O feistriaid, beth sydd raid i mi ei wneuthur, fel y byddwyf gadwedig? 31A hwy a ddywedasant, #Ioan 3:16, 36; 6:47; 1 Ioan 5:10Cred yn yr Arglwydd Iesu Grist, a chadwedig fyddi, ti a’th deulu. 32A hwy a draethasant iddo air yr Arglwydd, ac i bawb oedd yn ei dŷ ef. 33Ac efe a’u cymerth hwy yr awr honno o’r nos, ac a olchodd eu briwiau: ac efe a fedyddiwyd, a’r eiddo oll, yn y man. 34Ac wedi iddo eu dwyn hwynt i’w dŷ, #Luc 5:29; 19:6efe a osododd fwyd ger eu bron hwy, ac a fu lawen, gan gredu i Dduw, efe a’i holl deulu. 35A phan aeth hi yn ddydd, y swyddogion a anfonasant y ceisiaid, gan ddywedyd, Gollwng ymaith y dynion hynny. 36A cheidwad y carchar a fynegodd y geiriau hyn wrth Paul, Y swyddogion a anfonasant i’ch gollwng chwi ymaith: yn awr gan hynny cerddwch ymaith; ewch mewn heddwch. 37Eithr Paul a ddywedodd wrthynt, Wedi iddynt ein curo yn gyhoedd heb ein barnu, #Pen 22:25a ninnau’n Rhufeinwyr, hwy a’n bwriasant ni i garchar; ac yn awr a ydynt hwy yn ein bwrw ni allan yn ddirgel? nid felly; ond deuant hwy eu hunain, a dygant ni allan. 38A’r ceisiaid a fynegasant y geiriau hyn i’r swyddogion: a hwy a ofnasant, pan glywsant mai Rhufeiniaid oeddynt. 39A hwy a ddaethant ac a atolygasant arnynt, ac a’u dygasant allan, ac #Mat 8:34a ddeisyfasant arnynt fyned allan o’r ddinas. 40Ac wedi myned allan o’r carchar, hwy #Ad. 14a aethant i mewn at Lydia: ac wedi gweled y brodyr, hwy a’u cysurasant, ac a ymadawsant.
اکنون انتخاب شده:
Actau’r Apostolion 16: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
