Actau’r Apostolion 13
13
A.D. 45. —
1 Dewis Paul a Barnabas i fynd at y Cenhedloedd. 7 Sergius Paulus, ac Elymas y swynwr. 14 Paul yn pregethu yn Antiochia mai Iesu yw Crist. 42 Y Cenhedloedd yn credu; 45 yr Iddewon yn gwrthwynebu, ac yn cablu: 46 Paul a Barnabas, ar hynny, yn troi at y Cenhedloedd. 48 Y rhai a drefnesid i fywyd, yn credu.
1Yr oedd hefyd #Pen 14:26yn yr eglwys ydoedd yn Antiochia, rai proffwydi ac athrawon; Barnabas, a Simeon, yr hwn a elwid Niger, a Lwcius o Cyrene, a Manaen, brawdmaeth Herod y tetrarch, a Saul. 2Ac fel yr oeddynt hwy yn gwasanaethu yr Arglwydd, ac yn ymprydio, dywedodd yr Ysbryd Glân, #Pen 9:17; 22:21|ACT 22:21; Rhuf 1:1; Gal 2:9Neilltuwch i mi Barnabas a Saul, i’r gwaith #Mat 9:38; Rhuf 10:15; Heb 5:4y gelwais hwynt iddo. 3#Pen 6:6Yna, wedi iddynt ymprydio a gweddïo, a dodi eu dwylo arnynt, hwy a’u gollyngasant ymaith.
4A hwythau, wedi eu danfon ymaith gan yr Ysbryd Glân, a ddaethant i Seleucia; ac oddi yno a fordwyasant i Cyprus. 5A phan oeddynt yn Salamis, hwy a bregethasant air Duw yn synagogau yr Iddewon: ac yr oedd hefyd ganddynt #Pen 12:25; 15:37Ioan yn weinidog. 6Ac wedi iddynt dramwy trwy’r ynys hyd Paffus, hwy a gawsant ryw swynwr, gau broffwyd o Iddew, a’i enw Bar‐iesu; 7Yr hwn oedd gyda’r rhaglaw, Sergius Paulus, gŵr call: hwn, wedi galw ato Barnabas a Saul, a ddeisyfodd gael clywed gair Duw. 8Eithr #Exod 7:11; 2 Tim 3:8Elymas y swynwr, (canys felly y cyfieithir ei enw ef,) a’u gwrthwynebodd hwynt, gan geisio gŵyrdroi’r rhaglaw oddi wrth y ffydd. 9Yna Saul, (yr hwn hefyd a elwir Paul,) yn llawn o’r Ysbryd Glân, a edrychodd yn graff arno ef, 10Ac a ddywedodd, O gyflawn o bob twyll a phob ysgelerder, tydi #Mat 13:38; Ioan 8:44; 1 Ioan 3:8mab diafol, a gelyn pob cyfiawnder, oni pheidi di â gŵyro union ffyrdd yr Arglwydd? 11Ac yn awr wele, y mae llaw yr Arglwydd arnat ti, a thi a fyddi ddall heb weled yr haul dros amser. Ac yn ddiatreg y syrthiodd arno niwlen a thywyllwch; ac efe a aeth oddi amgylch gan geisio rhai i’w arwain erbyn ei law. 12Yna y rhaglaw, pan welodd yr hyn a wnaethid, a gredodd, gan ryfeddu wrth #13:12 athrawiaeth.ddysgeidiaeth yr Arglwydd. 13A Phaul a’r rhai oedd gydag ef a aethant ymaith o Paffus, ac a ddaethant i Perga yn Pamffylia: eithr #Pen 15:38Ioan a ymadawodd oddi wrthynt, ac a ddychwelodd i Jerwsalem.
14Eithr hwynt‐hwy, wedi ymado o Perga, a ddaethant i Antiochia yn Pisidia, ac a aethant i mewn i’w synagog ar y dydd Saboth, ac a eisteddasant. 15Ac ar ôl #Luc 4:16; Pen 13:27darllen y gyfraith a’r proffwydi, llywodraethwyr y synagog a anfonasant atynt, gan ddywedyd, Ha wŷr, frodyr, od oes gennych air o gyngor i’r bobl, traethwch. 16Yna y cyfododd Paul i fyny, a #Pen 12:17chan amneidio â’i law am osteg, a ddywedodd, O wŷr o Israel, a’r rhai ydych yn ofni Duw, gwrandewch. 17Duw y bobl hyn Israel a etholodd ein tadau ni, ac a ddyrchafodd y bobl, #Exod 1:1pan oeddynt yn ymdeithio yng ngwlad yr Aifft, #Exod 6:6; 13:14, 16ac â braich uchel y dug efe hwynt oddi yno allan. 18Ac #Exod 16:35; Salm 95:10ynghylch deugain mlynedd o amser y goddefodd efe eu harferion hwynt yn yr anialwch. 19Ac wedi iddo ddinistrio saith genedl yn nhir Canaan, #Jos 14:1, 2â choelbren y parthodd efe dir y rhai hynny iddynt hwy. 20#Barn 2:16Ac wedi’r pethau hyn, dros ysbaid ynghylch pedwar cant a deng mlynedd a deugain, efe a roddes farnwyr iddynt, hyd Samuel y proffwyd. 21#1 Sam 8:5; 10:1Ac ar ôl hynny y dymunasant gael brenin: ac fe a roddes Duw iddynt Saul mab Cis, gŵr o lwyth Benjamin, ddeugain mlynedd. 22Ac wedi ei ddiswyddo ef, #1 Sam 16:13y cyfododd efe Dafydd yn frenin iddynt; am yr hwn y tystiolaethodd, ac y dywedodd, #Salm 89:20Cefais Dafydd mab Jesse, #1 Sam 13:14gŵr yn ôl fy nghalon, yr hwn a gyflawna fy holl ewyllys. 23#Esa 11:1O had hwn, Duw, yn ôl ei addewid, a gyfododd i Israel yr Iachawdwr Iesu: 24#Mat 3:1Gwedi i Ioan ragbregethu o flaen #13:24 wyneb ei ddyfodiad.ei ddyfodiad ef i mewn, fedydd edifeirwch i holl bobl Israel. 25Ac fel yr oedd Ioan yn cyflawni ei redfa, efe a ddywedodd, #Mat 3:11; Luc 3:16; Ioan 1:20, 27Pwy yr ydych chwi yn tybied fy mod i? Nid myfi yw efe: eithr wele, y mae un yn dyfod ar fy ôl i, yr hwn nid wyf yn deilwng i ddatod esgidiau ei draed. 26Ha wŷr frodyr, plant o genedl Abraham, a’r rhai yn eich plith sydd yn ofni Duw, #Mat 10:6; Pen 13:46; Pen 3:26i chwi y danfonwyd gair yr iachawdwriaeth hon. 27Canys y rhai oedd yn preswylio yn Jerwsalem, a’u tywysogion, #Pen 3:17; 1 Cor 2:8heb adnabod hwn, a lleferydd y proffwydi #Pen 15:21y rhai a ddarllenid bob Saboth, gan ei farnu ef, a’u cyflawnasant. 28#Mat 27:22; Marc 15:13; Luc 23:21, 22; Ioan 19:6Ac er na chawsant ynddo ddim achos angau, hwy a ddymunasant ar Peilat ei ladd ef. 29Ac wedi iddynt gwblhau pob peth a’r a ysgrifenasid amdano ef, #Mat 27:59; Marc 15:46; Luc 23:53; Ioan 19:38hwy a’i disgynasant ef oddi ar y pren, ac a’i dodasant mewn bedd. 30#Mat 28:6; Pen 2:24Eithr Duw a’i cyfododd ef oddi wrth y meirw: 31#Mat 28:16; Pen 1:3; 1 Cor 15:5, 6Yr hwn a welwyd dros ddyddiau lawer gan y rhai a ddaethant i fyny gydag ef o Galilea i Jerwsalem, y rhai sydd dystion #13:31 ohono.iddo wrth y bobl. 32Ac yr ydym ni yn efengylu i chwi yr addewid a wnaed i’r tadau, ddarfod i Dduw gyflawni hon i ni eu plant hwy, gan iddo atgyfodi’r Iesu: 33Megis ag yr ysgrifennwyd yn yr ail Salm, #Salm 2:7; Heb 1:5Fy Mab i ydwyt ti; myfi heddiw a’th genhedlais. 34Ac am iddo ei gyfodi ef o’r meirw, nid i ddychwelyd mwy i lygredigaeth, y dywedodd fel hyn, #Esa 55:3Rhoddaf i chwi sicr drugareddau Dafydd. 35Ac am hynny y mae yn dywedyd mewn Salm arall, #13:35 Ni roddi dy Sanct i weled.#Salm 16:10; Pen 2:31Ni adewi i’th Sanct weled llygredigaeth. 36Canys Dafydd, #13:36 wedi iddo yn ei oes ei hun wasanaethu ewyllys Duw.wedi iddo wasanaethu ei genhedlaeth ei hun trwy ewyllys Duw, #1 Bren 2:10; Pen 2:29a hunodd, ac a ddodwyd at ei dadau, ac a welodd lygredigaeth: 37Eithr yr hwn a gyfododd Duw, ni welodd lygredigaeth. 38Am hynny bydded hysbys i chwi, ha wŷr frodyr, mai #Luc 24:47; 1 Ioan 2:12trwy hwn yr ydys yn pregethu i chwi faddeuant pechodau: 39A #Rhuf 3:28; 8:3; Heb 7:19thrwy hwn y cyfiawnheir pob un sydd yn credu, oddi wrth yr holl bethau y rhai ni allech trwy gyfraith Moses gael eich cyfiawnhau oddi wrthynt. 40Gwyliwch gan hynny na ddêl arnoch y peth a ddywedwyd yn #Esa 29:14; Hab 1:5y proffwydi; 41Edrychwch, O ddirmygwyr, a rhyfeddwch, a diflennwch: canys yr wyf yn gwneuthur gweithred yn eich dyddiau, gwaith ni chredwch ddim, er i neb ei ddangos i chwi.
42A phan aeth yr Iddewon allan o’r synagog, y Cenhedloedd a atolygasant gael pregethu’r geiriau hyn iddynt #13:42 Gr. yn yr wythnos (neu, y Saboth) rhwng.y Saboth nesaf. 43Ac wedi gollwng y gynulleidfa, llawer o’r Iddewon ac o’r proselytiaid crefyddol a ganlynasant Paul a Barnabas; y rhai gan lefaru wrthynt, #Pen 11:23; 14:22a gyngorasant iddynt aros yng ngras Duw.
44A’r Saboth nesaf, yr holl ddinas agos a ddaeth ynghyd i wrando gair Duw. 45Eithr yr Iddewon, pan welsant y torfeydd, a lanwyd o genfigen, ac #Pen 18:6; 1 Pedr 4:4a ddywedasant yn erbyn y pethau a ddywedid gan Paul, gan wrthddywedyd a chablu. 46Yna Paul a Barnabas a aethant yn hy, ac a ddywedasant, #Mat 10:6; Pen 3:26; Rhuf 1:16Rhaid oedd llefaru gair Duw wrthych chwi yn gyntaf: eithr #Exod 32:10; Esa 55:5; Mat 21:43; Rhuf 10:19oherwydd eich bod yn ei wrthod, ac yn eich barnu eich hunain yn annheilwng o fywyd tragwyddol, wele, #Pen 18:6; 28:28yr ydym yn troi at y Cenhedloedd. 47Canys felly y gorchmynnodd yr Arglwydd i ni, gan ddywedyd, #Esa 49:6; Luc 2:32Mi a’th osodais di yn oleuni i’r Cenhedloedd, i fod ohonot yn iachawdwriaeth hyd eithaf y ddaear. 48A’r Cenhedloedd pan glywsant, a fu lawen ganddynt, ac a ogoneddasant air yr Arglwydd: a chynifer ag oedd wedi eu #13:48 Neu, trefnu i fywyd.hordeinio i fywyd tragwyddol, a gredasant. 49A gair yr Arglwydd a daenwyd trwy’r holl wlad. 50A’r Iddewon a anogasant y gwragedd crefyddol ac anrhydeddus, a phenaethiaid y ddinas, ac #2 Tim 3:11a godasant erlid yn erbyn Paul a Barnabas, ac a’u bwriasant hwy allan o’u terfynau. 51#Mat 10:14; Pen 18:6Eithr hwy a ysgydwasant y llwch oddi wrth eu traed yn eu herbyn hwynt, ac a ddaethant i Iconium. 52A’r disgyblion a gyflawnwyd o lawenydd, ac o’r Ysbryd Glân.
اکنون انتخاب شده:
Actau’r Apostolion 13: BWM1955C
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
