Lawa a wúlu-bɔlen Da yiri-a ǹ boo
Da yiri-a ǹ boo
Lawa a wúlu-bɔlen sɛ́wɔ lɛ gɔ́ɔ̃ nɛ, Lawa n tɔn landa boon lɛn pii Muizu ni, mà a ǹ pɛ Izirayeli minin lɛn manɛ. Ǹ nə́ Levii tɔrɔn koa wúlu-bɔlen lɛa, bɛa landa siin lɛn yɔrɔ-bɔ taman yii. Bɛ lɛ nɛ, ǹ tá sɛ́wɔ lɛ bii mà "Lawa a wúlu-bɔlen sɛ́wɔ". Màn mɛn bɛ́ Lawa wɔ lɛa ka màn mɛn bɛ́ a ba a wɔ lɛ a wa, màn mɛn bɛ́ gɔgɔrɛ ka màn mɛn bɛ́ yoreen ne, Levii tɔrɔn lɛn doamaa nɛ, ǹ bɛa bɔkɔnlɛ wɔ.
Landan mɛnɛn bɛ́ ǹ tan Lawa guguru kɔ wɔ paǹ li, ǹ tá mɔnaa nɛ, ǹ tá kaka dɔn. Ǹ tɛn tan wúlu-bɔ wɔ paǹ li, Lawa gɔ ka màn nɛ wɔ paǹ li, zɔ́nɔn wɔ paǹ li. Ǹ tɛn dɔ tan siĩ wɔ paǹ li: màn mɛn siĩ bɛ́ n soɛ̃, màn mɛn dɔ siĩ bɛ́ a ba n soɛ̃ wa. Min mɛn bɛ́ boe la a Lawa guguru kɔ, min mɛn dɔ bɛ́ a boe la a na a guguru kɔ wa, a n boo diɛ bɛn dɔn wɔ paǹ li.
Sɛ́wɔ lɛ a boo mìi gole n ka kɛ nɛ: Lawa a yoreenbaa. Izirayeli minin doamaa nɛ, ǹ nə n dinin kũ doɛ̃, mà mɛn bɛ́ toɛ, ǹ laanka Lawa a tá-kun wo nyɛɛnɛ.
Sɛ́wɔ lɛ a boo mìi dadaran:
Landan mɛnɛn bɛ́ ǹ tan Lawa gɔ ka màn nɛ laanka wúlu mànan wɔ paǹ li, 1—7
Lawa a wúlu-bɔle bibinaan koa boo, 8—10
Landan mɛnɛn bɛ́ ǹ tan, màn gɔgɔrɛ laanka màn yoreen wɔ paǹ li, 11—15
Sii baraa sawaa ǹ wúlu bɔ ǹ lɛawaa gole, 16
Izirayeli minin doamaa nɛ, ǹ nə n dinin kũ Lawa wɔn lɛa, 17—22
Susu ǹ pii laanka zɔ́nɔn boo, 23—25
Lawa a lɛ kɔ ǹ boon laanka dɔlɔ boon, 26
Landa kɔsɔn boo, 27.
اکنون انتخاب شده:
Lawa a wúlu-bɔlen Da yiri-a ǹ boo: SCE2013
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Catholic Edition Bible © Bible Society of Burkina Faso, 2013.